و أخيرا رسينا على هيونداي استفسار عن سعر و مواصفات جميع فئات ( سوناتا - ازيرا )

الله يوفقك
شوف الوعلان

وعن نفسي لو حصلت بالمبلغ هذا ازيرا بفتحه ومكينه 3.3 مراح اتردد واخذها

وعلى فكرة تراها منتشرة

الله يعطيك العافيه

و الرؤيه على الطبيعه راح تحدد آخذ ازيرا او سوناتا

تحياتي

طيب يا أخوي روح المعارض في معارض تبيع سيارات جديدة أصفار

تشتري من الوكالة جملة و تبيع أرخص من الوكالة بحكم انهم اشتروها بالجملة

مكن تحصل أزيرا 2008 أو 2009 أصفار

ليش أنا أنصحك ب 2008 لأنها تجي بمحرك 3.8 الجبار

و صدقني بتحصل اللي تبيه مو شرط من الوكالة المهم انها جديدة

رحت انا و خويي للناغي في الطائف قبل شوي

بس تخيلو ماشفت لا جيوب و لا ازيرا و الجينسس و السيارات الفخمه الباقيه

بس اللهم مالين صالة العرض اكسنت اكثر من 15 و الباقي 2 النترا استاندر و 2 سوناتا فل كامل فقط لاغير

طبعا انتظرنا و انتظرنا لين جا احد المندوبين فقلت له ما اشوف عندكم ازيرا ؟

قال : الازيرا بإذن الله شهر واحد راح تنزل 2010 بمحرك 3300 سي سي

و اقل فئه راح يكون سعرها 85 ألف <<< انا ما ادري سمعت غلط ولا صدق :confused1:

قلت طيب ما فيه سوناتا استاندر او نص فل قال لا ما فيه إلا سوناتا فل كامل بدون شاشه ب75 ألف

طبعا السيارات كلها مقفلينها و رافضين يفتحونها ما أقول إلا يالله لا تبلانا

بكل صراحه وكاله فاشله صدق

ياليت سعر الازيرا ستاندر 2.7 و 3.3

الله يعطيكم العافيه

يعني 65 ألف تجيب لي سوناتا نص فل بفتحه و ازيرا نص فل بفتحه

والله محتار بقووووووووه

اليوم قالي واحد بمرك بكره و نروح الناغي اللي عندنا في الطائف

و بشوف الأسعار هل هي مثل ما قلتوا لكن اظن انها اغلى عند الناغي

و بصراحه السوناتا شكلها معجبني لاني دايم اشوفها

لكن بصراحه الازيرا ما عمري شفتها على الطبيعه فقط صور على النت :rolleyes1:

بيض الله وجيهكم بس ياليت تجيبون لي مواصفات السوناتا الستاندر اوتو

لان ما اظن الوالد يشتري كوري بأكثر من 60 ألف :blue:

السوناتا الفل كامل مع شاشة
78000 ريال

السوناتا الفل كامل
73500 ريال

النص فل مع فتحة
67000 ريال

النص فل بدون فتحة
62000 ريال

الستاندر اوتوماتيك
57000 ريال

الستاندر قير عادي
53000 ريال

اخــــــــر اسعار المجــــــدوعي .. قبل يومين ..

بالنسبة لميزانيتك يمديك على النص فل مع فتحة سقف مع تحكم دركسيون مع جنوط
لان الموظف راح يعطيك خصم عليها وتقدر تاخذها بــ 65000 ريال ..

وبالتوفيق انشالله ..

إذا كان هذا الكلام صحيح فأنصحك بالأزيرا و بقوة

السوناتا اللي عندنا بمحرك 2.4 للأربعة سلندر

و 3.3 للسنة سلندر لكن مو متوفرة في الموديل الجديد

و مادام السيارة جديدة على يدك من الوكالة ان شاء الله بتجلس معاك مع المحافظة على التشييكات و المحافظة على الموتر

ايش رأيك في الأوبتيما شكلها أحلى من السوناتا

السوناتا من 2005 نفس الشكل

الأوبتيما الجديدة شكلها تغير و 65000 تجيب لك أوبتيما ستة سلندر مكينة 2.7 و فتحة و ريموت و سيديات و مرايات كهربائية ... إلخ

مواصفات أعلى من السوناتا

كلامك غير صحيح السوناتا ستاندرد سعرها 51 الف قير عادي والاوتو بحدود ال57 الف

والمحركات هو محرك واحد 4 سلندر سعة 2.4

عشان كذا الازيرا تتفوق بالمواصفات والقوة

السوناتا مواصفاتها مراح تكون مثل الازيرا

الازيرا فيها مواصفات اكثر

وانصحك بالازيرا حتى لو استاندرد وحاول تاخذ محرك 3.3 مو 2.7 او حتى نص فل..

والنص فل من الازيرا اتوقع سعرها ما يتعدى ال65 الف مع محرك 3.3 وفتحه وجنوط وريموت واتوقع فيها تحكمات بالطارة وهي افضل من السوناتا الستاندرد بكثير

بالتوفيق