تقرير رحلة وحوش الدفع الرباعي للدهناء - الخميس 2 ذو الحجة

ما شاء الله

جمعه حلوه
والله يحفظكم

سؤال
شو سبب التغريز
( اللي بدون تعلق السيارات)

مع انكم منسمين هواء الاطارات

هل السبب
طبيعه الرمال
وهل تختلف عن رمال الامارات

حتى السواقين المحترفين يتعلقون ويغرزون لكن كون الموتر قير عايدي رفيع ونشيط مع سواق خبير تعطي عوامل مساعده للسائق لتخطي العقبات بمجهود أقل. بس ياخي ما تلاحظ..!؟ مع أن موترك مهوب سيكل وفوق هذا منسم ومع ذلك تعلقت وغرزت :c0038: تتوقع يكون الارتفاع أو السياره لها دور ولا عامل السواقه يتحمل المسؤولية كاملة في تعليقاتك وتغريزاتك :bigggrin:

^ ^
لا يغركم إرتفاع الموتر

في رحلات سابقة تعلق كم مرة

لكن الكلام على السواق .. لو تعطيه سيكل ما نسم

~ ما شاء الله تبارك الله ~

:D

أبوسلطان .. أحلى تقييم ;)

ماشاءالله تبارك الله L200 ديزل 4 سلندر تيربو بس القهر :a1120(82): كلنا طبينا في غراز الا هو كأنه غزال وعليه طاره فنان الله يبارك ويعطيه خيره ويكفيه شره .

الله يعطيكم العافيه

انا شايف معاكم L200 الله يبارك لصاحبه ,,وش رايكم في قوته وعزمه
وهل هو بنزين او ديزل
اربعه اوسته سلندر
بالله نبغى عنه معلومات اكثر فالبر والطعوس

السلام عليكم ورحمة الله

شكراً اخوي أبو سلطان لتكفلك بكتابة التقرير وقمت بإخراجه بشكل جيد.

كانت رحلة رائعة وتميز فيها قلة عدد السيارات عن العدد المعتاد وساعد كثير في سهولة حركة السيارات وعدم التأخر

طاقم الرحلة كانو رائعين بدون استثناء وكلهم نشاط ومرح ,,,, اثنين منهم كانو مزعجيييييييييين :a1120(82): الله يستر عليهم ما يخلو الكنود في حالة واحد تارك الطاره وماسك زر الكوند والثاني راكب وماله شغلة اللا المناقرة مع الاول ! :) ....................... "معقوله!"

هذي تعتبر من الرحلات القليلة جداً اللى نكمل مسارها بشكل كامل ونروح كل الاماكن المخطط لها وهي الثلاث العروق الغربية اللي في الدهناء والاوسط فيها عرق الحمراني

وهذي صورة تبين المسار بالكامل (الخط الازرق لليوم الاول والخط الاحمر لليوم الثاني) :





عرق الحمراني:
هذا كان اكبر عرق فيهم والاصعب ولأول مرة تم التوغل فيه "نسبياً" ومعظم حالات الغراز كانت فيه ,, سبحان الله الرمله فيه ناعمة بشكل غريب ومختلف عن العرقين الاخرين. وكان الاكثر حماساً وتشويقاٌ. اقترح الرحلة الجاية للدهناء يكون فقط لعرق الحمراني.

وهذي صورة تبين المسار في عرق الحمراني ويبان بوضوح الحوسة اللي صارت فيه من التغاريز و البحث عن مخارج بعيد عن النقر
أفااا يا بو وسن ما توقعتها منك.:tongue: وحنا ندربي روسنا معك ونسير خلف القائد المحنك الذي لا يشق له غبار واثرك متعاقد مع قارمن أنك ترسم لعبه المتاهات على القارمن :tongue: ... الآن ايقنت أن معظم اللي معه جهاز قارمن ماعنده سالفه ...بس أبدعت ماشاء الله عليك :bigggrin::tongue:






عاشق دفع رباعي: انا الان ايقنت ان معظم اصحاب التايوتا ما عندهم سالفة :bigggrin: ,,,, والله ابدعت ابداع.
:bigggrin:.. الاجابه هذي تحتمل أنك يوم شفتني عرفت أن حقين التويوتا وانا منهم ماعندنا سالفه :smilie16: أو تحتمل أنك يوم شفت غزال الطعوس عرفت أن وحوش التويوتا اللي شفتهم من قبل مهوب شي عند غزال النفود :bigggrin: حدد الاجابة الصحيحه والاقرب للصواب :tongue:.... بس بما أني نيساني سابق :) وجديد على التويوتا فلا تشره على حقين التويوتا لاني توني طالب مستجد عندهم :bigggrin: