صور من مسجل السيارة بعد التركيب

السلام عليكم ورحمة الله وبركاتة
صبحكم الله بالخير
بعد لف ودوران مابين المحلات بشارع الغرابي بخصوص تركيب شاشة او مسجل للفورد
فالجميع اتفق عل ان يكون هناك قص وترهيم
وبعد كلام جميع المحلات والذين هم من الجنسية اليمنية بصراحة ما حبيت اجازف لأني عارف شغلهم "الله بالخير وكل شي خبط ولزق" فاتجهت لمحل يوجد به أتراك وفلبيني وبعد استشارتة بالشاشات الصينية فقال لي بالحرف الواحد انها "زبالة" ولا تورط نفسك ويا كثر الزباين اللي يرجعون لنا بسبب مشاكلهم مع هالشاشات فقالي يا تركب شاشات مثل البايونير والكنيوود والا لا تركب.. فنصحني بتركيب مسجل سيدي نوع JVC وهذا آخر مع نزل بالسوق ويمدح لي كثير كثير وقالي افضل لك من الشاشات ومشاكلها وبما انه سيارتك فورد فماله داعي تركيب شاشات وجي بي إس وانت موب حاجتها .. وبصراحة اقنعني بالجي في سي الجديد واللي اعجبني شكله وقالي برضو يحتاج قص بالديكور من الداخل ولا راح يلمس ماصورة المكيف الي ورى المسجل
فقلت له أوكي وتوكل على الله

وهذي الصور بعد التركيب والحمد لله اعجبني كثير
وللمعلومية النظام القديم لمسجلات الـ JVC كان سيدي وكاسيت والمسجل الجديد اللي اشتريتها صار فيها سيدي ومنفذ USB وبدون كاسيت وافضل واسهل بصراحة.

والعذر والسموحة لعدم دقة الصورة لأنها اخذت بالجوال :)

واسف على الإطالة