ناوي اشتري GMC أكاديا 2009 وش رأيكم ؟؟؟؟

الحزامي 144 الف هذي بدون الملاحة والدي في دي

السلام عليكم

كيف حالك أخوي ؟ إن شاء الله بخير :)

اليوم أنا كنت بالجميح أعلى فئة بالأكاديا الـ SLT بـ 144 ألف

و هي سيارة عملية و واسعة و " اقتصادية "

محركها V6 و 313 حصان

و على فكرة فيه شفر أخت لها و لكن الشكل يختلف و هي الترافيرس

بالنسبة لي الشفر أحلى

و أرخص كمان و لو بتآخذ 2009 بيكون أووفر لك في السعر و الشكل نفسه

و أنا أستغرب من يقول أنها كوري هع لو أنه قال أسترالية بلعتها

بيني و بينك الكابتيفيا فقط هي الجيب الأسترالي فقط لدى شفر

أما GMC فجميع سياراتها أمريكية و تصنع في اميريكا

أما اليوكون فقد بدأوا بصناعته في كندا بسبب إغلاق مصنع ويستنسون في أمريكا

أما الأكاديا و الترافيرس فيصنعون بنفس المصنع و الولاية :smilie16:


و لو كنت مكانك لأخترت الترافيرس

أتمنى ألا يكون اختيارك من تأثير مني لكن لرؤيتك

و في النهاية الأكاديا سيارة ليست بجديدة و هي في السوق من 2007

فلا تتخوف منها و في النهاية توكل على الله ثم " استخر "

و شكرًا لك

و السلام عليكم .... :smilie16:

اخوي والله الموتر مريح بصراحة
لكن اخوه الاكبر اليوكن اريح
وترا شكله شباب والتاهو ايضا شكلة شبابي اكثر

وعموما ترى ال8 سلندر اريح في الخط من ال6 سلندر
لكن الاكاديا ايضا ممتازة
قومتها ضعيفة فيعني لو تبي دعس وهالسوالف ما تعزك....
لكن غير شي والله انه موتر

يعيبه سعره المرتفع جدا جدا حتى انه اغلى من التاهو واليوكن

اكاديا فول اوبشن حوال 160 الف

تحياتي،،،

طيب واذا هي كوري وشفيها اوربي ان اطلق السيارات الكووري يكون في علمك انت وياه
وخاصه هيونداي

اقول ترى الكوري وربي انه اطلق من اليباني وشركه هيونداي تشهد

عموماً الاكاديا مهو بموتر تراه دباب والله
طيعني واسأل عن هيونداي سنتافي او فيركوز منت بخسران شي اسأل

تطعيس و نفود يا أخي حرام عليك الأكاديا سيارة كروس أوفر و ليست 4x4 :blue:

السيارة داخل المدينه قد تكون مناسبة

وشكلها جميل ولكنها ليست سيارة سفريات متكررة

حيث ان الدفع أمامي سته سلندر و غير عملي للأجواء الحارة والطرق البرية

أخي العزيز
أنا عندي أكاديا 2009 صار له عندي 4 شهور تقريبا
الموتر جدا مريح وواسع من الداخل وعملي ية جدا من ناحية توزيع المقاعد وذكي في عملية تصفيط وتحريك المقاعد
راسي على الخط إلى سرعة 170كلم ولم أجرب اكثر من هذه السرعة
بالنسبة للعيوب فلاتكاد تذكر خصوصا في هذا الموديل
بالنسبة للحرارة في الظروف العادية لم ترتفع عن النصف مطلقا ... ولم أتعرض لظروف قاسية (للأمانة)

تنبه للمواصفات والأسعار ففيها فروقات كبيرة من وكيل لآخر ومن فئة لآخرى

أخوي توكل على الله وخذ الموتر
و اللي يقول الموتر كوري أجل اليوكن إيش ؟ لا يكون هندي

توكل على الله وخذ الموتر تراه ممتاز خصوصا لاجاك لؤلؤي و SLT :xyxthumbs:

ولاتنسى الإستخارة يابعدي

شاكر لكم جميعا على الردود وما قصرتو
بالنسبه للفورد ايدج فكرت فيه لكن متخوف منه اكثر من الأكاديا لأنه مو منتشر وما اعرف مميزاته وعيوبه
التريل بليزر شكل قديم ومميزات بسيطه هذا رايي الشخصي
اخ ازرقاني كلامك يخوف ويحير من السيارة
والله يستر اذا كان هذا شئ فيها
اليوكن كبير وانا ودي بجيب شكله شبابي وانيق
مثل ما قالو الأخوان السيارة امريكيه 100%
وانا راح اروح للوكاله واشوف اسعارها ومميزاتها بس كان يهمني راي المستخدمين للسيارة لأن هالشي يوضح مميزاتها وزعيوبها اكثر لأن الوكاله راح يمدحون فيها ولايذمون
الله يعطيكم العافيه جميعا

الأكاديا سيارة ممتازه بعد التجربة..معظم السيارات الجديده سعرها مرتفع وسعر قطع الغيار أيضا.
الأكاديا سيره أمريكية الصنع 100% و مريحه جدا بالذات في الخطوط و عزلها وسعتها الداخليه ممتازين و ما في مقارنه بينها و بين الفورد بمختلف أنواعه.

اخوى انااشوف الاكاديا من اجمل السيارات والله يكتب لك اللى فيه الخير

يا أخي ناوي تشتري أكاديا وقاعد تضيع وقتك وتشاور
ويجيك واحد من الأعضاء مطفي النور وداخل عرض يبي يفتي ويقول
الأكاديا صناعة كوري
والله عيب
إللي مايعرف شيء عن السيارة لايطلع إشاعات عنها
تراها بنت ناس وعائلة مرموقة GMC
أخت الصغرى لليوكون
نصيحتي خذلك فرة في الوكالة وشوف مميزاتها وأسعارها على الطبيعة
ولاتضيع وقتك في المنتدى عند بعض الأعضاء الغير فاهمين والغير متخصصين
تحياتي لك

السلام عليكم
انا انصحك بـ تريل بليزر صرااااااحه روووووووعه من شيفروليه وسعره عند البيع حلو

الله يوفقنا وياااااااااك والخيار لك

^ ^
مدري من وين طلعت هالإشاعة إن الأكاديا كوري

أخوي الأكاديا أمريكي الصنع وليس له أي علاقة بدايو


* أخوي صاحب الموضوع إذا كنت متحمس للسيارة فتوكل على الله ممتازة |1|