حبااايبنا يسعد اوقاتكم بالخير والعافية ،،
مشكلتي بسيارتي الماركيز 97
ظهر لي صوت قبل يومين قعدت اتفقد واتفقد الا اسمع الصوت يطلع من تانكي السيارة
الصوت صوت طقة ،،
المهم قلت يمكن التانكي مليان هوآ ،، والله افتح غطا التانكي ويطلع مـنه هوا ،، قلت ياسلام خلاص انتهى الوضع ،، شوي الا رجع الصوت سواء كنت مآشي أو وآقف ،،
اليوم وانا واقف عند بيتنا قربت أذني من غطا التانكي عشان اسمع الصوت زين :bigggrin:
الصوت يجي على أنه طقة بهواء مندفع ودهـ يطلع من فتحة التانكي ،،
قلت أبفتح غطى التانكي اشوف هل الصوت يبقى أو يختفي ،،
فتحت الغطا وقاعد اسمع اسمع الا الصوت مختفي ،، :confused1:
رجعت الغطا قعدت شوي رجع الصوت ،،
فأنا الحـين برآسي إحتمالات :rolleyes1:
ـ قاعد افكر أغير غطا التانكي << لأن أشكـ إن غطآ التانكي تجاري وأتوقع الإحتمال هذا ماله دخل :smilie16: لكن كحل مبدئي يصيب أو يخيب .
ـ أشـكـ أن المشكله من طرمبة البانزين يمكن تقفل وترجع تشتغل << بس كيف أتأكد مـن هالشي .
ـ يمكن من العوامـة اللي بداخل التانكي << قالها لي ولد عمي :bigggrin: مع أني أول مرهـ ادري ان فيه عوامه .
وبيني وبينكم بحكم أني جالس بالرياض قاعد افكر أخليها على ماهي عليه حتى توقف السيارة وتوضح المشكله وسطحه للصناعية ،،
ولكن أنا من الناس اللي تمسكـ معي أسافر بأي وقت ،، وضرووري اصلح العطل هذا ،،
شدو الهمة يارجال وكلن يفتينا بما عندهـ خصووصاً خبراء فوورد << ياحبي لهم :ch19:
