باجيرو أو أكسبلورر أو نيسان أكستيرا

الله يعطيكم العافيه يا اخوان المشكله استغرب كلام الناس كل من يشوفك يقولك وخر عنه القير حقه يخرب القير يخرب

بالنسبه للاكسبلورر يا اخوان وش انواعه و ش مواصفاته و هل فيه فرق بينها

اكسبلور واترك عنك كلام الناس انا شخصيا مجربه ومجرب موديل 2005 بعد والله القير انه اكثر شي اعجبني في الموتر

الباجيرو
الاكستيرا
اكسبلورر

والله من امس مشتهي شاورما:smilie16: و لو ما اسمك ما دخلت

حياك اخوي كيف الحال و الله انا ما ابي افتي لك بشي الا الي اعرفه

الاكسبلورر مكيفه ممتاز و ما فيه شي عموما شركة توكيلات الجزيره ما سمعت عنها
الا كل خير محترمه و تعاملهم بعد البيع محترم

و الساره ما شاء الله شكل حلو و ما يحتاج احلى من الثنتين

و القير او مره اسمع عنه

الباجيرو

قويه و سياره حلوه و عمليه و في البر ما شاء الله و ياباني

وكيلها ما سمعت احد مدح فيه

الاكستيرا
قويه و شكلها دفش لانها حقت مصارعه مع الرمال و سعرها ارخص

ان اقول لك نصيحه لا تشتري الا الي انت تبيه و خاطرك فيه

و صلي االا ستخاره و توكل على الله

لو منك صراحه اخذ سنتافي او الي اكبر منها فيراكروز

بلا امريكي بلا ياباني

تحياتي

مشكورين يا اخوان انا بالنسبه لي اميل شوي لجهه الاكسبلورر بس ناس كثير و الله و كثير خوفوني من سالفه ان القير حقه يخرب فهل فعلا الكلام هذا

و قالوا المكيف حقه موب شي هل صدق هل الكلام اتمنى من شخص يفيدني بالموضوع هذا

و لكم جزيل الشكر

يا شيخ لو محلك اخذت اكسبلورر وانا مغمض ضمان لمدة خمس سنين مريحة جدا عزل الصوت ممتاز يعني لما تسوقها ما تحس بمللاما الاكستيرا لما تدخلها تحس بكآبه تحسها عريانةاقول اتوكل وخذ لك فورد

السلام عليكم

والله انك جوعتني على الصبح ولو انه موهب وقت شاورما << اسمك قريب منه


المهم :
الاكسبلورر والباجيرو سيارتين عائيليتين بسبب سعة الصف الثاني
وفتحة الباب الخلفي حقتهم

بعكس الاكستيرا الي تعتبر شبابيه صرف
وكذلك ارتفاعها يعتبر اعلى من الباجيرو والاكسبلورر
وكذلك نظام التعليق قاسي شوي وموهب مريح مثل الباجيرو والاكسبلورر

لكن فرق السعر شاسع بين هالثلاثه فالاكستيرا تلقاه بـ 87 الف ريال سياحي جنوطه حديد
بس المكينه هي وحده في جميع الفئات

الاكسبلورر تلقاه بـ 85 الى 90 بس جنوط كروم ومواصفات وداخليه دلع

الباجيرو الزين هو فئة المحرك 3.8 وسعره يبدأ من 130 الف اذا ما ني غلطان

الباجيرو عزل الصوت فيه حسب ما قرأت متوسط

وكل الثلاثه تطيح اسعارهم لو بغيت تبيع مره ثانيه خاصة الباجيرو

من جهتي الي يحدد السياره المطلوبه هو من خلال استخدامك انت

فهل انت راعي بران ومطامر ؟
او راعي بر على خفيف وفي المواسم ؟

الي اراه هو ان الاكسبلورر هو الافضل من ناحية السعر وقطع الغيار والصيانه في كل
مكان
حتى لو قعدت السياره عندك سنين وحبيت تصلح فيها شئ فراح تلقى كل
الورش تعرف له وقطعه متوفره في كل مكان

شوف لك خيارات ثانيه واصغر حجم اذا كانت عائلتك صغيره
فكل الي ذكرته سيارات متوسطة الحجم

والله الموفق

تسلم اخوي drive بس وش تفضل الاكسبلورر او الباجيرو وهل فعلا فيه مشكله بالجير و التكييف في الاكسبلورر خصوصا الجديد

اذا راعي بر خفيف فخذ باجيرو او اكسبلورر
اذا راعي بر ثقيل :smile: فخذ باجيرو او اكستيرا

القطع تختلف من شخص لاخر
انا باخذ اي سيارة وأأمن (والامان بيد الله) وما اشيل هم القطع
اذا انت ماتبي تأمن فمسألة شخصية وانت حر..... لكن اسأل الوكاللات عن القطع الخارجية الغالبة مثل الكبوت والصدامات والرفارف والابواب حتى تعرف هل تناسبك الاسعار ام لا

وبالتوفيق ان شاء الله

يعطيك العافيه اخوي صح كلامك بس القطع لها دور سبحان الله يجي واحد يصدمك شي صحيح ان اغلب السيارات الجديدة قطعها غاليه بس يقولون الباجيروا بزيادة اتمنى احد يفيدنا