ليجاسيvs مكسيماvs اكورد vsاوريون

والله يا اخوي انا كنت محتار مثلك بين اربع سيارات كنت محتار بين الماكسيما فل كامل او الافالون ليمتد او الاوريون قراندي فل كامل او الاكورد ستة سلندر وبعد تفكير طويل ومشاورات واخذ وعطاء استبعدت الاكورد ستة سلندر لانها صراحة غاليه مره وكيلها هاشم يحسب انها بي ام كل يوم مزود سبعه الاف الظاهر بيوصلها لميتين الف خلال سنتين اجل موديل الفين وعشره 123000 الف لا وتشغيلها بمفتاح ؟؟؟
المهم بقت المنافسه بالنسبة لي ثلاث سيارات ماكسيما واوريون وافالون بعد تفكير مره ثانية ومشاورات قررت استبعد الافالون مع ان شكلها مره معجبني بس صراحه يوم فكرت فيها يعني غبنه ان اشتريها اخر سنه ولها ست سنوات غير كذا فيها اشياء مهمه ناقصه يعني ما فيها ام بي ثري ولا مدخل اي بود غير كذا يشتكون من ضعف فراملها وسعرها مبالغ فيه حبتين..
صارت المنافسه بين الماكسيما الفل والاوريون قراندي بدون شاشة فكرت فيها قلت حرام 126000 الف في ماكسيما قلت ياولد مالك الا الفئه الثانيه الي ب107000 واقارنها مع الاوريون القراندي الي ب104000 وصراحة كانت المنافسه شرسه بينهم وفي الاخير استقريت على الماكسيما والحمد لله شريتها ولها الحين معي اسبوع والله يعطيني خيرها ويكفيني شرها :)
واهم سبب خلاني اشتري الماكسيما اني ان شاء الله ما عندي نية ابيع بسرعه تقريبا مثلك لان النيسان عموما يخسرك اذا جيت تبيعه وهذي الميزه الوحيده الي تتميز فيها الاوريون عن الماكسيما ولا باقي المواصفات ما فيه ادنى مقارنه في كل شي الاوريون فوق انها استراليه الا ان ابو جميل ما يقصر انواع التلفيق فيها
وفي الاخير وانا اخوك لا تنسى تستخير والله يوفقك