ثانيا : انا كنت ناوي بروحتي صراحه اشوف السوسو ..
الا افاجئ واشوف الكنق الولوي اطالع واناظر الا اشوفها ازيرا .. ركبتها .. خذت وعطيت معاه .. بعدها سئلته عن سعرها .. قال لي 76 .. جلد تنده تخشيبه غازيات وانت ماشي .. صراحه ماتوقعت هذا سعرها .. تفاجئت بقوه يعني ويش بالله شايف نفسه هالبوجميل الــ 76 هذي سعر كامري gl لا فتحه ولا جلد و غازيات حتى .. الله يرحم الحال ..!!!
ثالثا : حبيت اسئلكم عن الازيرا من الاول الا الاخر .. من الثدام الخلفي الى الثدام الامامي
رابعا : رحت للسوسو طالعت قال لي سعرها 67.100 .. قلت سعر حلوو .. ولو بقارنه ببوجميل هذي تطلع لي كورولا ومب فل وحجم ماكينتها مايتعدى 1.6 لا حجم ولا رساوه ولا فخامه
خامسا : سئلته عن شئ ماتوقعه يكون بس بالفل .. الا وهو الحساسات .. استغربت اذا الغازيات تكون في الستاندر والحساسات ماتكون الا في الفل .. يا جماعه ترا كلها حساسات والله شئ عجيب
وللعلم انا حاط لي حاجات رئيسيه لشراء السياره وحاجات ثانويه من الاحاجات الاساسه الغازيات والحساسات والثانويه التنده .. الخ !!
وسئلت بعدين خوينا قلت له الاسعار ثابته ولا تتغير .. قال لي مافيه شئ مايتغير .. انا جاا في نفسي التويوتا مايتغير هههه
خامسا : هل الكلام صحيح الي سمعناه عن الكوري .. سنتين او اربع الا هو معدووم .. ياجماعه والله كان عندنا كيا صراحه كرهت حياتي وكرهت الكوري بسببها
كل ما تشم ريحه الراتب تشفطه كله .. مابقى شئ ماغيرنا فيها .. بالعربي بطت جبدنا وهالكلام من 2002
.. بس الا الان انا صراحه متعقد من الكوري .. بس اتوقع الهيونداي متفوقه ع الكيا ملييون مره .. ياجماعه انا ابي موتر يكرف معاي .. خطوط رايح جاي .. مشاوير مايوقف .. مابي خرابات ودنيا وعوار راس .. اتمنى تدلوني ع الشئ النظيف والعدل 
اتمنى اني ماطولت عليكم .. بس تعرفون مالي غيركم افتح له قلبي .. انتو الخبيرين والمستخدمين ورواعي هالموترين الي تكلمت عنهم .. وياليت تجيبوني ع استساراتي العجيبه
يالله سلآم ~
