الاخوة الاعزاء
هذه الرسالة بعد لف المعارض اليوم الاربعاء 14-06-1431 ، وكلام اخونا بدر صحيح عند معرض علي مقابل معرض الفلاح بعد ما تعمل يوتيرن من عند الاشارة يعني راجع شمال جهة خريص انا حصلت اثنين تاهو لؤلؤي لكن الاول مبيوع والثاني طالعة لوحاته وماشي 200 كلم ، ومعيي صاحبه إلا بــ 173000 ريال على ايش ماادري يعني من المفترض 168000 كاعلى سعر
بعدها رحت معرض ووجدت ولد حبيب فيه وعدني يجيب لي تاهو دبل لؤلؤي بــ 172000 ريال
وللمعلومية تروا كل شهر تتغير الاسعار يا تنقص يا تثبت غالبا وقليلا ما تزيد إلا أيام العروض النصابة ،
واللي حاب معلومات كافية ومتى توصل الدفعات واسعار منافسة عليه بالعيسى حيث ان العيسى يجيب من هذا النوع مواصفات عالية فل اوبشن تركيب الوكالة ، لكن أحيانا الجميح يركب الدي في دي والنفيقيشن اذا حدة الامور ويقول فل كامل ،
يا شباب للامانة انا لفيت كل فروع العيسى ( مخرج 5 - السليمانية - مخرج 10 الملك عبدالله- فرع الدائري الغربي ) .
حتى الجميح فرع خريص وفرع الملك عبدالله الحمراء ، حتى وكالة التوكيلات في الخبر اتصلت عليهم . ووجدت إن افضل فرع اللي ما يقولك (( ما بقي الا سيارة واحدة ،والحق عليها وانتهت الالوان وترى ما راح يجيب قريب )) ومن هالكلام الطويل ، موظفي فرع السليمانية لانهم يتعامون مع سكان المنطقة واكثرهم من الطبقة العالية .
والاخ اللي طلب ارقام الوكالات ، أنا جبت لكم جوال واحد من مستشاري المبيعات ، رجل صادق وأمين ويجيب لك اسعار منافسة حيث ان اكثر من شخص يشيد بذلك اشترى من عنده ،
الموظف خالد القحطاني جواله : 0551866885 . يرد بطيبة خاطر .
أخوكم
أبو عبدالملك
لا تنسوني من صالح دعائكم
جزاك الله خير ..
وبالفعل أنا لفيت كل الوكالات حتى التوكيلات بالخبر ، وبالأخير أشتريت من العيسى فرع السليمانية هم أفضل فرع تعاملت معاه ، وكان فيه موظف أسمه ( نبيل ) قمه في الأخلاق حتى بعد ما أشتريت من عنده كان فيه تواصل بيننا ، ولكن للأسف أنقل الآن إلى فرع التخصصي الجديد.
صاحب الموضوع :
أتوقع أن الأسعار للتاهو بدون دبل وبدون مواصفات أضافية ..
والسوبربان فل الفل ؟!
بالتوفيق للجميع ،،،
