بسم الله الرحمن الرحيم
السلام عليكم ياحلى منتدى واحلى اعضاء
اول شي باركولي على موضوعي الاول
عندي مشكلة بسيطة واجهتني مع سيارتي الرويال الجديده
الحمد لله بعد تردد كبير وحيرة معروفه لدى الجميع وهي اختيار سيارة لتقتنيها تم الاختيار
واشتريت كابريس رويال 2006 مخزن جديد
الحمد لله السيارة كويسه وحلوه وفيها متعه في القياده ولكن واجهتني مشكلة بسيطة اود المشورة والمشاركة من اصحاب الخبرة في الكابريس لكي اطمأن ولا العب في السيارة
المشكلة ان السيارة فيها حذفة مره تحذف يمين ومره تحذف يسار وهذه المشكلة ماحسيت فيها الا في السفر او المشاوير البعيده
طبعا رحت عند اكثر من ميزان الكتروني وفحصت السيارة ولكن دون فائده كل ماوضعوا السيارة على الميزان وركبوا الحساسات الخاصة بالميزان تظهر عبارة على الكمبيوتر ان الحساس الموجود على الكفرات الامامية فشل في القراءة , رحت عند ثلاثه محلات ونفس المشكلة مو قادرين يشيكون الكفرات الامامية في النهاية فحصتها بطريقة تقليدية ووجدوا ان الكفرات الامامية
فيها بروز للخارج بنفس الدرجة للكفرين كلها خارجه على برة بقدر 9 درجات الى الخارج
يعني الكفر اليمين بارز الى اليمين 9 درجات واليسار بارز الى اليسار 9 درجات
علما اني مركب كفرات جديده
السؤال لذوي الخبرة والتجربه مع الكابريس هل تعتبر الكفرات طبيعيه ولا اعدلها ولا ايش الحل
لأني متضايق جدا من هذه المشكلة
اسف على الاطالة وارجوا منكم المشورة انا صراحة ماودي العب بالسيارة وخصوصا انها ما مشت 5000 الى الان
