^^^^^^^^
شوف اخوي
ابعطيك اياها بالتفصيل الممل
اول ما تشتري السياره
مرنها الى 1000 كم بدون ما تتعدى ال100 كم /س و حاول ان دعستك على السياره تكون خفيفه مره و لا تشغل المكيف
بعد ال1000 كم غير الزيت عند الوكاله مجانا طبعا بعدها شغل المكيف و امش على كيفك بس ما هو على طول تطق طبلونها شوش شوي بالتدريج
بالنسبه للدعسه انا و الله اني انتف اللومينا نتف و لا قالت شيء بس من باب الحرص انت حاول تكون دعستك نص و نص يعني لا تفجر الموتر و توصل دورات المحرك على 6 حاول انك ما تتعدى ال4 او ال4,5 تمام
انتبه من المطبات و الطرق المكسره تراها تعدم السياره
حاول ما تحط اي قطعه بالسياره الا و تكون اصليه و التركيب يكون عند الوكيل او اي ورشه مشهوره
طبعا كل 5 الاف غير الزيت مع السيفون
و كل 30 الف غير فلتر الهواء
و كل 50 الف سوي للسياره تغيير بواجي و تنظيف لمدخل الهواء و تغيير زيت القير
و كل 80 الف غير الفحمات طقم كامل و هي اصلا تمشيك الى 90 الف بالراحه بس افضل لك علشان ما تحتاج خرط
و شيك كل نهاية اسبوع بنفسك على السياره سواء زيوت او مويا او الكفرات
طبعا علشان اريحك انا معاي لومينا 6 سلندر و ما عمره نقص مويا الرديتر و لا زبت الفرامل و لا زيت الدركسون و سيارتي ماشيه 117 الف كم
و الله يوفقك و لا تنسى تصور السياره و تحطها بموضوع علشان نبارك لك
و لا تنس برضو تعطيني لفه :tongue:
يعطيك العافيه أخوي وما قصرت وألف شكر لك
بس عندي سؤال بس يمكن تضحك كيف أحط صوره في الموضوع لأني حاولت ما قدرت وأبشر باللفه ما هي لفه بس بخليك تمسك فيها خط
