إنت الحكم َ .. إزيرا .. التيمآ .. كابرس .. كراون فكتوريا

ارشح كراون فكتوريا او التيما خيار اول
الثاني ازيرا
الثالث كابرس

والله الموفق

انا انصحك في كرأون فكتوريا


بذمتك وين تحصل سيارات كراسيها اريح من كران فكتوريا ؟؟

وهاي الافضل للسفر والخطوط

- سياره قويه

- تتحمل الكرف والخطوط الطويله

- تعمر معاك اكثر من السيارات الي ذكرتهم ,,

- وللحين اعتبرها سياراه ملكيه وفخمه ..

صاحبي عنده كرران فكتوريا موديل 2008 مشالله للحين مرتاح منها ويسافر فيها ويروح كل مكان فيها ولحد الحين يمدحها ..

انت بس حافظ على صيانتها وسيرفس وراح تمشي معاك السياره مثل الحلاوه ..

أكيد الألتيما الأفضل بكل المقاييس
مميزات قوه سعر جوده

^^^

الاخ زودها

من يوم معرف المنتدى وهو مزعجنا بسيارته

ياخي وربي بتكرهني فيها

يرحم امك عرفنا انك تحبها

واسف اخي الكريم على هاذا الكلام لكن طالع من قلب

يالغاالي

انصحك بـ (اللتيما او كابرس )

اما الازيرا شكل مدري وش لون تتقبله النااس حتى وربي ماحد يعطيك وجه لو موديل 2011 والسوناتا الجديده برايي افظل منها بمراحه والفل كاامل بـ 87 الف (على حسب كلام مجله سعودي اوتو في عددها الـ195)

وبالتوفيق لك

ولاتنسى الاستخارره

الكابريس

شيله من راسك لانه جدا بطيء وشكله عادي جدا

الفورد شكلها من داخل خلاص ملينا منه

الازيرا حلوة والهل

لكن في ناس تشتكي منها ومن ديكورها وفي بعض المشاكل

الالتيما

مجنونة وصارروخ وفخمة وحلوة

خصوصا انها فل

صحيح في سيارات احلى منها

عندك الزوم 6 2011 ..

سيارة رهيبة !!

مواصفات وجودة وفخامة

السلام عليكم

الموضوع قديم لكن عل احد يستفيد
انا كنت محتار مثلك وصراحة جبت عرض خيال للازيرا 2011 وبااخر يوم بطلت والسبب
انها كانت من كم سنة باسم وانقطعت وثم رجت باسم ازيرا, وسالت مختص قال ممتازة لكن سوناتا اقل مشاكل وارخص صيانة ,
الكوري عموما ممتاز ويعتمد عليه خصوصي ان كان سعره منطقي,
لكن اخذت كابرس ال اس فيه كل مواصفات الازيرا وبصراحة والله دون تعصب كان معي فورد وجمس يوكن وبليزر ومرسدس وكامري
الكابرس غير والله اني مستمتع فيه وفرحان فيه كانه لكزس شبابي ورسمي واخذته ماشي بسيط باقل من 50 الف سيارة حرااااااااااام تتقارن بغير افالون ولا الماني.

أرشح الألتيما

التيما حلوه مره واعتماديه اكثر من الازيرا لكن اقل فخامه وتعتبر فئه اقل.
الازيرا هي الاختيار الافضل لكن قبل كل هذا استخير وشوف ولازم تشوف اذ عندكم بالمنطقه ناس مختصين بالهونداي وخاصة الازيرا لانو فيها تعقييد زي الامريكي .
وان شاء الله تعييش معك 10 سنوات بدون مشاكل .
موفق.

الهيونداي شيئ جدا متميز وبصراحه اذا عندك قيمه قطع النيسان فأحب اقلك الهيونداي تقريبا منافسه للسعر مره قريبين من بعض وذا تبغى فخامه لاتروح للألتما بصراحه توكل على الله الازيرا احلى وغير كذا اخوي ترى اهم شي راحتك النفسيه في السياره الي انت تحبها ابرك لك
والله يعطيك خيرها ويكفيك شرها مقدما وتقبل مروري:wavey:

الله جآبك يـ رأعي الأزيرأ .. والله يقولون ان الأزيرآ نآر قطعها .. وماتصبر معـك .. والمشكلها فيهآ فحماتها يقولون .. فـ بحكم تجربتـك .. وش تشوف عيوب الازيرأ .. ؟

شآكرين لك مرورك أخـــوي َ

والله يالذيب موضوعك محير جدا

بنظري احذف الفكتوريا و الكابرس من القائمه .. الفكتوريا خلاص ملينا منها .. و الكابرس LS جدا ماتنفع

--

الالتيما حلوهـ .. والازيرا الزين فيها V6 ..

شوف قلبك وش يختار .. مع اني افضل انك تستخير ربـك

بالتوفيق

شوف حبيبي انا املك ازيرا 2006

والحمد لله مريحني بالحيل

وجربت الالتيما ممتازة وماتصرف بنزين ابد

وبالتوفيق

مششكور اخوي .. واتشرف انك اول من رد على موضوعي .. بس الأزيرا 3.8 فـ الميه وفيهآ .. يعني لو وصلت فوق التسعين .. رأح القأ مواتر احسن واظمـن .

والحمدلله انك مأيدني فالرأي ..

شكراً على مرورك اخوي ..