نصايحكم بخصوص تاهو or كامارو

موفق
اخ بس لو تخلص الاختبارات
ناخذ لنا اس اس

والله أكثر شي ارتحت له الكامارو
اللكزس متوفر عندنا بالبيت وجربت سواقته حلوه وفخمه
بس اللي خاش مزاجي كثير واحسه مميز الكامارو بستخير اليوم
وان شاء الله خلال كم يوم ابلغكم وش شريت .. وردك على الموضوع يرد الروح
يعطيك العافية حبيبي .

احمد حبيبي السيارة اللي تحس انك تميل لها اكثر اشترها ولا عليك من احد

واهم شي الاستخاره

طيب التاهو وش السلبيات

كل سيارة فيها عيوب اي سيارة تقصد : والعيوب اما تكون في:..

1 - الصيانة.
2- قطع الغيار.
3- صرفية البنزين .
4- الراحة .
5-الكرف والاستخدام القاسي ..

انت عاد اقعد مع نفسك وفكر ... لو تبي شوري حط براسك الافلون لو اللكزس طلعت غاليه .

مشكور على المرور بس ياليت توضح لي سلبيات هسيارات غير البيع لان بديت اشيل من راسي الكامارو لاني بعد خمس سنوات او اربع بضطر اني اغير السياره ولو باخذ تاهو ماراح اخليه على طبيعته لازم اعدله .

بيني وبينك انا بعض الاحيان تمر براسي خمات مثلا سيارة زي ماقلت سبور وتفتح النفس

وتو مانزلت بالتصميم الجديد طبعا ضيقة ونوع التعليق رياضي قاسي حبتين .. واذا اضطريت تبيع شي طبيعي السعر بيطيح وحتى زبونها بيكون صعب وقليل .( الكمارو).

اوسيارة كبيرة مريحه قابلة للتعديل والتزويد ( التاهو ) تشيلك انت ونص عيال حارتكم وتتحمل مغامراتكم بر او زفلت .وسعرها لو اضطريت تبيع بيكون بحدود المعقول وزبونها
موجود وسريعه في البيع ممكن من اول زيارة للمعارض .

نجي للكزس سيارة تعتبر شبابيه متوسطة الحجم سريعه فيها وسائل الراحة سعرها غالي
وصيانتها يمكن اغلى من السيارتين السابقتين لكن تعتبر سيارة قمة طبعا .

لو تبي رايي اذا اللكزس وبعدها اللكزس ثم الكمارو .. التاهو انا مستبعده لأني اعتقد ان عمرك صغير وقدامك العمر فابدري على التاهو .


تقبل مروري .

كفيت ووفيت:smilie16::smilie16::smilie16::smilie16:

خخخخخخخخخخخ ويش فيك على الرجال شبيت فيه شبه يا خوي


هدي شوي شوي تراه متحير




اقول لك كم عمرك

ومتى بتتزوج

راعي سفر والله

انت متين والله نحيف


فلوسك


وانت وراسك


تحياتي

مشكورين على الردود تفتح النفس
ما ادري من وين جايبين خفة الدم هذي
سؤال وسئلته اللي عنده اجابه زي الناس يجاوب واذا لا لا

3 سيارات خاشه مزاجي وذاكر فوق استخدام شبابي يعني لي لا عائله ولا غيرها


يعني عشان ارضيكم اقولكم وش رايكم تاهو ولا اسكاليد ..

خذلك يارس عمليه واقتصاديه ...

الين ما تقرر بين سيارتين من نفس الفئه ...

ولا قررت حنا هنا حياااااااااااااك

اذا تبغى فخامه لكزس
اذا تبغى سياره سبورت وسرعه كومارو
اذا استخدام عائلي فالتاهو ممتاز

جي اس 460 ونت مغمض بس بتتغير 2011 ونت وراحتك

اتمنى اني افدتك

يالحبيب

بعد؟
دخلت سيارة ثالثه أرسيلك على بر وحنا حاضرين دمت بود

اخوي بجد انت وش اقوول وش جاب هذا بين هذا
انت تبي سياره رياضيه ولا عائليه اختار من ذولا موتقولي محتاار الله يجزيك خيرر
كيف محتار بين تاهو وكاماروا
ارجو اعاده النظر في كلامك

^

كلام سليم , ماقصر


وانصحك بالاستخاره قبل كل شي

فئات السيارات بالمقارنه مختلفه و كل وحده لها استخدامها الخاص
اذا كنت راعي بر و طلعات و عائلتك كبيره خذ تاهو
اذا كنت شباب وحداني :smile:و تحب السرعه و المقاومات خذ كامارو
اما اذا كانت عائلتك متوسطه و استخدامك مدني و تحب الرسم و الكشخه فخذ اللكزس
بالتوفيق و شكرا

هههههههههه

لا تعليق