ابي النصيحة يا شباب .... حدي 115 الف وش تنصحون ؟

وصح نسيت أضيف رأي شخصي خارج نطاق السيارات الي ذكرتها ,,
مبلغك حلو لسيارة ألمانية مستعملة ..

فياغرا 350 مثلا ً .. على شرط أنها مريحة وسيفتي وثبات وعزل ومكينة وقير
وفخامة وقوة وكل شي أفضل من السيارات الي ذكرتها ,,

هذا إذا كنت تبغى مستعمل

هذي نصيحتي

ابعد عن التويوتا,, ياخي وكيل نصاب، يجيبها حلوة ويبدل كل شي فيها لصيني
غير الأسعار المرتفعة على قلّـة مواصفات ! ,,

أنصحك بالألتيما 6 سلندر ..
والله حلوة ، كاميرا خلفية وهاردسك وبلوتوث ومكينة وعزم جباااار ,,
غير الثبات والعزل الممتازين ,,
5 نجوم في السيفتي ,, سيارة من جد متكاااملة ..
والتجديدات الجديدة في 2010 جداً مميزة ، خلتها خااارج السرب ! ,,

ولا تنسى بعد المكسيما ,, جاية بقوة هالسيارة ..
كشخة وفخمة ومكينة جبارة ، ثبات وعزل ممتازين ,,

إذا محتار بين شي ، فـ صراحة مفروض تحتار بين الألتيما أو المكسيما ..
وبالنهاية تقرر أي وحدة فيهن ,,

الأكورد حلوة، بس صايرة في كل مكان موجودة ..
ويمكن هذا يدلل على إنها ممتازة ، بس .. سعرها غااااااااااااااااااالي
ومواصفاااته مافيه ابدا ً ! ماتتقارن بمواصفات الألتيما ابد ابد !! ..
الهوندا من يومه أغلى من غيره وبدون سبب مقنع ! ,,

موفق ..

اخوي العزيز

اقولك زد ميزانيتك شوي وخذ المازد cx9 والله قمة يكفي رزه وقوه وجوده

والا اذا تبغى راي ثاني خذ السوناتا الشكل الجديد والله قمة في الروعة

والا اذا مصمم على الخيارات اللي قلتها خذ الاكورد v6 (انصحك فيها واسئل مجرب)

والله رحت اليوم للحمراني العليا

وخقيت فعلا على المورانو بس انه غالي :smilie20:

القهر انه الماكس قاضي ما عاد لي الا انتظر الى الصيف !

وقالي الالتيما خياراتها محدودة الحين ...... الموظف قالي في الصيف بيعجبك العروض اكثر

وما قصرتوا على المعلومات

والله من راي تزود 9 الف وتاخذلك افالون لميتد وتراه شيك بجيبك يعني اذا بعد فتره تبي تبيع تحصل قيمه طيبه وفوق هذا فخامه ورساوه وصدقني راح تدعيلي ولاتنسى تستخير

ها بشرر اخوي وش سار بالمعارض

وانا انصحححك بالاوريووووووووووووووووون وابعد عن النيسان يتهربد سريع سريع

والله يا شباب انا شايل التيوتا من راصي بعد اعلانها عن الخرابات

والحين العالم كلها تقول اوريون + افالون حط عليهم اكبر X بسبة المشاكل

بس يجيب الله مطر :) بروح الليله المعارض ويصير خير

مالك الا سيارتين
اذا تبغا الفخامة و الكشخة خذ افالون
و اذا تبغا سيارة شبابية مع شوية فخامة خذ اوريون

الله يكتب لك الخيرة
لكن أشوف لك يا الاكورد أو الافلون لو زدات كم الف بحكم تجربة مع الشباب و إلا أف جي أذا تحب البر وتبي تطلع فيه للبر أم السوناتا على ما سمعنا انها قوية وجبارة بالنسبة لل6 سلندر لكن هل سعره بعد البيع مرضي ؟
فيه مفارق بين الاكورد والسوناتا من نحية السعرها بعد الاستعمال
ولا تقارن اف جي بسيارة الصغيرة لانها ما فيه مقارنة لان هذي سيارة بر وطلعات وتتطعيس وهذي سيارة مدينة .
لكن أنصحك بالاكورد أذا رجلك حلوه على الدعسه وبعدين الاكورد يابانيه أصليه ولها وكالة نوعا ما كويسه وصيانة ومكاينة جبارة وتتحمل وسيارة ما تطلب منك قطع كثير لو انت محافظ أم أذا كانت رجلك حاره على الدعسه وتحب اسرعة وما ترحم السيارة أنصحك بالتويوتا أفلون أو أريون ولا تفكر في الكامري أبدا

السلام عليكم
بس حبيت اضيف لك سيارة الا وهي الاوريون سبورت 2010 سعرها حول الـ 105 بالكثير أفخم نوع

يعطيكم العافية يا عيال :)

تبين لي من الردود انه التيما 2010 هي التوب ( بس ان شاء الله القا اللون الاسود )

جزاكم الله خير

رآي من رآي الشباب

الآلتيما وحــــــش و آسآل مجرب :bigggrin: الـ ٦ سليندر طبعا >> آخر مطارحه مع c300 :a1120(86):

لكن ٢٠٠٥ كانت فيها مشاكل و الوكيل معروف :a120(115):

عندك كمان المازدا ٦ سواء v4 آو v6 كلها روووووعه

عندك تورس ٢٠١٠ من فورد جنااااااااااااان بس غاليه شويتين :)

و غريبه الآكورد >> آتغيرت نظرتي فيها :confused1: شكلها حلو حتى من جوا لكن ما فيها مميزات على كلام الآخوه آجل شيلها من راسك :wink:

و الله يكتبلك الخير حبيبي

^
^

الأكورد من ناحية القوة ترا تعبانة جاد بسبب نظام السفتي فيها..

واحد\ اعرفه من اصدقائي لمن يحطه بالفاضي ويدوس الضغط ما يوصل

الا لخمسة ويوقف...

المفروض داموا حطوا فيها اي - فيتك يفكون السيفتي ياخي

خلي الناس تروح خخخخ

والالتيما 2010 صراحة جباااااااااااارة

شكلها مميز جدا جدا

بس داخليتها والله شوي لك عليها في احلى منها ..

لكن ماشاء الله شكل وقوة وعزم خصوصا الـ 6 سليندر @@

وعليكم السلام ورحمة الله

بهذا السعر تقدر تحصل ألتيما فل اوبشن موديل 2010 مع نظام ملاحه هاردسك وكاميرا خلفية ومقاعد جلد وفتحة سقف وجناح ومدخل USB وذاكرة لتخزين الملفات الصوتية في مسجل السيارة بسعة 9.3GB يعني ماتحتاج تجمع عندك سيديات كل ماعليك تخزن بالسياره كل الي تبيه بالاضافة الى ان الشاشه تشغل اقراص ديفيدي وتقدر تركب ايبود

مواصفات السياره جداً متطوره والهاردسك والذاكره وتشغيل الديفيدي والـ USB مايوفر حتى بسياره اعلى منها وهي الماكسيما

لكن طبعاً كل سياره لها مميزات تتفرد بها عن الثانيه وانا لو كان القرار لي اخذت ماكسيما وصار لي هذا الموقف واخذت ماكسيما لأن شكلها وفخامتها اعجبتني اكثر رغم ان الالتيما اصبحت جميله اكثر من السابق بعد تغييرات عام 2010

بالنسبه لباقي السيارات فهي ممتازه وبالاخص الاكورد شكلها وقوتها وداخليتها حلوه ولكن تنقصها المواصفات ويعيبها سعرها المترفع دون مقابل فهي لاتحتوي ابسط المميزات التي تتوفر في السيارات الانفة الذكر ومع ذلك سعرها نااااااار