معاناتي مع السواقة

مثل كلام الاخوان

ونت لا تصير خواف والعن بلييس

ترا الوساويس نهايتها الجنوون ......!

انصحك خل ثقتك بنفسك عاليه وامس ونت مرتااااح

اسال الله ان يمنحك الثقه فيه نفسك

تقبل شكر وتقدير اخوكم { mr.nawaf }

اخوي ترى الفرصه ماتتكرر

سقها وتمش فيهاااا ودلع عمرررررررررك

وكل واحد متوكل على الله

وبالتوفيق لك

اخوي توكل على الله واللي يتوكل على ربه مايخاف انت خذ بالاسباب وحافظ على الاذكار وسق السياره عادي جدا
وصدقني لو الله كاتب شي بيصير حتى لو السياره واقفه داخل البيت

يا غالي ,, ودي اخليك تسوق عند الحرم يوم عيد الاضحى ,, وش رايك

صدقني بتقدر تسوق بالراحة في اي مكان ,, السواقه هي السواقة في اي مكان

بعدين فكر معي ,, وش بيصير لو صدمت صدمة خفيفة ,, ولا شي

والصناعية ليه مليانه سيارات ,, ترى كلهم سواقين لكن امر الله ان جاء ما تقدر ترده حتى لو كنت تسوق بالرياض لحالك

اما طريق الملك فهد ,, لا تمسك المسار الايسر خلك بالوسط ولا تنسى المسافة اللي بينك وبين اللي قدامك وتمتع

وكل الله يا بطل وابيك تصور كم صورة في عز الزحمة

المشكلة عندك وتخفا علينا اسبابها في ما لو سار لسيارة شي

أول شي وقبل كل شياء الورد والأذكار اليومية . وصلاة الفجر في جماعة المسجد .
شدعوه يخوي اطلع وفلها وخذ راحتك بس خلك حذر ولا تتجاوز الأنظمة وخذ بالأسباب اللي تمنع حصول حوادث لا قدر الله .

والله هالمعاناة انت جايبها لنفسك انا ما شاء الله من يومني صغير واحب السواقة واتفنن فيها والحمدلله وهالحين دوامي للجامعه دايم من الخط السريع اللي حصد أرواح بالهبل والحمدلله الحياة مستمرة يخوك .

الخوف من مثل هالامور التافهه يدمر الإنسان ولا يعطيك الثقة بنفسك أبد , لأن اهم شي بالسواقة الثقة من غير إفراط فيها .

ودامه موتر اخوك حبيبك يعني ما عندك مشاكل تمون عليه ويمون عليك لو صار شي .

والله يعينك ويشفيك ويشيل عنك هالخوف .

سلملم .

ههههههههههههههه

والله معليش وش تحس به انت ياخي عادي سقها كنت تسوق سياراتك وخلاص انتيهنا

دعا الركوب

لله يعطيكم العافيه جميعا

لكن مشكلتي الخوف من الزحمه خصوصا بطريق الملك فهد و طريق لعليا كيف قدر اتغلب عليها بحكم اني ساكن هناك بوسط الزحمة حقت العليا

اخوي قول الاذكار بس وتوكل على الله

وشوف في ناس تطلع ببنتلي وناس تطلع بمزراتي ....... الخ من السيارات فلا تخاف

وبعدين كلها حديدة لا راحت ولا جت.... وانتوا مشتريها عشان تخدمكم

عليك بالاذكار بس وتوكل على الله

تحياتي،،،

انا اوافق اري مع الاخى كبرس

صحييييييييييييح 100%

you just said my words - LoL :bigggrin:

توكل على الله ,, وفلها

لو انك انت طلبت السيارة ممكن تخاف

انا بعلمك بطريقة وترى اللي يسوق كورلا يقدر يسوق تريلا

تمشى بالسيارة اخر الليل ولف الرياض كلها ,, او اليوم الصباح مثلا ,, يوم جمعة وما حولك احد

ساعتين ثلاث فقط لين تتعود على السيارة وتعرف حدودها وابعادها

بعدها اضمن لك انك بتعسكر في الموتر 24 على 24 ساعة

اخوي توكل على الله ترااااك سوااااااااق

شوف :

صدقني ما راح يصير لك غير اللي ربي كاتبه

أنا في بدايتي كنت أخاف من السواقة في الملز من بد أحياء الرياض كلها

لأن شوارعه نفسها خلفه!!!
غير إنه مكان لأغلب الدوائر الحكومية و زحمته شديده خصوصاً الصبح
و لكن لما أوصل للمكان و أبدا أسوق في الزحمة صدقني أستمتع بالإحساس و أنسى الخوف كله
مع العلم أن سيارتي قير عادي يا صاحب

سوق و أنت مرتاح يا رجال و لا تهتم و تفكر كثير - ما انت بصادم أحد إن شاء الله
أمسك مسارك اللي أنت فيه و لا تهتم للي يساقطون و هدي أعصابك على الآخر و أحذر إنك تتصرف بشكل مفاجئ و بس!!

هذا كل اللي تحتاجه

:xyxwave:

وش الخوف ذا ..؟؟

الي يخاف من العفريت يطلع له

كل الناس تمشي وتروح وتجي عادي ببانوراما وغير البانرواما

فل الحجاج وخل عنك الهواجيس كلن يموت وحاجته ما قضاها