هل فرق المواصفات بين التاهو LT و LTZ يستاهل دفع40 ألف ريال فرق

يستاهل كل ريال يدفع فيه
مواصفات ما تلقاها في اي سيارة يابانية او اوروبية

ماتوقع يستاهل 40 الف كثيره اخذ لي سياره صغيره ثانيه للمشاوير احسن لي

يستاهل تحط عليه 40000

عزيزي ...
انا اشووف انو الفرق يستاهل 40 الف بس في حالة وحدة اذا انت محافظ على السيارة ...
الشغلة الثانية الان في هالفترة عندهم عرض اذا عندك واحد شاري يوكن او تاهو ..الخ
من موديل 2007 الى 2011 وده معاك ويسجلون السيارة باسمه ويعملون لك خصم قد يصل الى 15000 رياال
اتمنى اكون افدتك واعتذ على الاطالة \....

والله من رأي اذا وصلت للسعر ذا اخذت دنالي

حسب كلام الاخ مازن من التوكيلات العالمية انه كل ذا يركب بحوالي 15 الى 20 الف بالكثير يعني حرام تدفع 40 وانت تقدر تدفع بس 20 بس الي راح يكون الفرق هو المقاعد وفتحة السقف فقط لا غير

ياعمي صحيح ان التاهو مكينته عالية وقوته اقوى من الاند لكنه خرررردة تجربة امريكي جميع الانواع ..
الاند لا خذته ارقد وآمن من جميع النواحي وخاصة انه اقوى . انا ماانزل من قيمة التاهو كل سيارة ولها عشاقها وانا من عشاق الامريكي لكن لو يكون زي تيوتا من ناحية القوة ( القوة اعني الاستمرار معك زمناً اطول وليست قوة السيارة او المكينة )
هذا رأيي وارجوا ان تتقبله

حاول تبحث عن اللي يجيك المفتاح حقه فيه زر يفتح ويغلق الشنطة الخلفيه و زر تشغيل المحرك عن بعد.

ومواصفات الإل تي زد إبدااااع وأشوف يستاهل 40 ألف

:smilie16: فل كامل وريح راسك وانتهينا

^^^^^^

وين نحصل LTZ 2010 لؤلؤي؟؟؟

ياليت تفيدوني ،، مو لازم لؤلؤي بس وين الوكالات يقولون مخلص واخبره كان بـ154 عند بالبيد في رمضان

السلام عليكم...
التاهو تستاهل كل قرش ...بس انت اسعارك على 2011 انت خذ 2010 و هي بنفس المواصفات و الشكل و ارخص ب 20000 الف ريال تقريبا بدون دبل

و الله يوفقنا و يوفقك للخير,,,

يعطيك العافية .
أهم فرق في ال LTZ هو نظام التعليق إلي يختلف عن التاهو LT وعن التاهو Z71.
يعني المسألة ماهي مسألة جنوط وإكسسوارات.

تدرون وش مشكلتنا؟ مشكلتنا إنا نبحث عن المواصفات وذا أحصيت إستعمالك للمواصفات تلقاها 10 بالمية وأكثر من يستفيد من المواصفات اللي يركبون معك هم اللي ينبشون ويشغلون وانت بس تناظر وتدفع ل خرب فأحسن شي أشري كلاسيكي وذا حسيت إني بطبق مواصفات أستاجر موتر أسبوع ومليان مواصفات والعب على كيفي هههههههههههه وش رايكم؟ ما نيب قعيطي؟:ch19:

أنا أضم صوتي للأخ TKS سعر كل مواصفة لوحدها وبعدين جمع الكل وشوف احتياجاتك ولا تنسى إنك دافع ١٤٠ ألف يعني مو مستاهلة تاخذ الأرخص لأنها أرخص وبعدين تقول ياريت دفعت ٤٠ ألف وأخذتها بفتحة ومقاعد جلد وووووو.

أيضا لاتنسى إنك ممكن تركب جنوط وشاشة ودي في دي بس لايمكن تركب تدفئة وتبريد المقاعد والذواكر ولا يمكن بأي حال من الأحوال أن يكون أي شي مركبه إضافي مثل شد البلد وخصوصا الفتحة والشاشة وفتح الشنطة الخلفية كهربائيا ورفع الكرسي في الصف الثاني.

رأيي لاتوجع راسك و٤٠ ألف ماهو مبلغ كبير خصوصا بعد دفع ١٤٠ غيرهم بس إركب سيارة كاملة المواصفات وكل المنتقدين رح يأيدوك أول مايركبوها ويستخدمو هالمواصفات الإضافية.... وبالتوفيق إن شاء الله

لنفترض إنك إمتلكت تاهو LT

وتبي إكسسوارات الـ LTZ

من الطبيعي راح تدفع 40 ألف للوكالة على شغل نظيف يقلبون الموتر LTZ

ومن المعروف أن الإكسسوارات لدى جميع وكلائنا غاليين

لنفترض إفتراض آخر = لديك LT

وحاب تضيف له جنوط الوكالة + الشاشة النافيقيشن

أحسب معي وكلها فرضيات

الجنوط على أقل تقدير الأصلي من الوكيل حدود : 15 ألف + شاشة بحوالي 8 آلاف ريال

يطلع المجموع فقط للجنوط والشاشة : 23 ألف ريال

صحيح مبالغ في الأرقام لكن هذي حسبتها الصحيحة بما أن كل شيء أصلي
وشد بلد ...

وأضف إلى هذه الخصائص الأشياء الباقية مثل تبريد وتدفئة المقاعد وما إلى ذلك

يطلع الـ 40 ألف مبلغ صحيح

لكن كل واحد وأنا أخوك ياخذ حسب إحتياجاته

يعني ماله داعي أدفع هالفرق وأنا لا أحتاج الشاشة أو الجنوط أو باقي الإكسسوارات

لسبب أنه يكون فل كامل

هذا والله أعلم ,,, بس هذي وجهة نظري