السلام عليكم ورحمة والله وبركاته
اليوم راح انزل لكم تقرير عن صيانة عبد اللطيف جميل وانتم احكموا في النهاية
طبعا الصيانة اللي سويتها كانت لسيارتي كورولا موديل 2007 اول شي دقيت عليهم علشان
احجز موعد بعدها بـ 4 ايام وديت السيارة للوكالة وقلت لهم ابغى اسوي صيانة الـ 40 الف
قالوا لي يكلفك في حدود 1200 ريال شامل كل القطع اللي راح نغيرها لك البواجي + الزيت +
الفلتر قلت لهم الزيت توني مغيرها عند شركة ( قلف اكسبرس ) قالوا راح ننزل من سعرها 150
ريال قلت اوكيه ،،،
رحت لمهندس الصيانة وشرحت له عن المشاكل اللي عندي والمهندس طلع مصري صغير شوية و يمكن اصغر مني بصراحة طلع محترم وكان
مستمع جدا لي //
مستمع جدا لي //
قلت له اولا // القزاز الخلفي خربان ماعاد ينزل ويطلع قال بسيطة وتم اصلاحها على الضمان
ثانيا // صوت تنسيم في المكيف تسمع صوت زي ( تسييت تسييت ) مع كل فصلة + رائحة كريهة
نوعا ما
مع تشغيل المكيف وتم تغير ( بلف المكيف ) على الضمان وتعبئة الفريون ( ما ادري على الضمان
ولا حسبوها على ظهري ) وبالفعل التبريد صار افضل والرائحة
اختفت ،،،
ملاحظة ( جميع موديلات الكورلا من 2001 ــ 2007 ) لايوجد فلتر للمكيف لكن يوجد بدالها
بلف) لازم يتغير كل بعد فترة ،،،
ثالثا // وجود رعشة في السيارة يعني بمجرد اني ارفع رجلي ولو شوية عن الكلتش اشوف
السيارة تهتز كانها بتنطفي وهذه العيب موجود
من بداية شرائي السيارة علما انها ماكانت موجودة في سيارتي السابقة ( بيجو 206 )
المهم قالي طبيعي قلت له انتوا كل شي تقولوا طبيعي طبيعي :a120(115):
راح كلم مهندس ثاني مصري قال له ( ياعم ماتغيروا عـ الضمان وخلااااص ) :bigggrin:
علما ان القطع الاستهلاكية مو داخلة الضمان بس اكتشفت ان المهندسين بيدهم كل شي ،،،
وتم تغير طقم الكلتش بالكامل على الضمان حتى شغل اليد برضهم ما اخذوا شي مني
واللي عجبني انهم خلصوا الشغل في يوم واحد يعني ثاني يوم رحت استلمت السيارة على طول ،،،
جيت وقت الدفع ( طبعا بعد ما عطيت كرتي للمهندس وقلت له اني شغال في الشركة الفلانية
واي خدمة و و و و .... الخ ) ضبطت علاقة معاه حسب لي كلها بـ 820 ريال ،،،
وكذه استلمت سيارتي وله الحمد ،،،
ننتظر آرائكم وتعليقاتكم ،،،
