فورد تورس ... هل الدفع الرباعي يستحق 7000 ريال ؟؟؟

11 الف كويتي ؟
على سياره فورد ؟
على تورس !!
11 الف فيها مرسيدس فيها جيب طوارق فيها انفنيتي فيها لكزس فيها وفيها !!
اروح اشتري تورس !!
والسعر ترا يفرق معروف ان الاوربي اغلى من الامريكي والياباني ويعني فوق هذا السعر مقارب بينهم
11 الف ؟ هههههههههه صالون اغلى من تاهو كامل المواصفات ؟
لا صراحه سعر شنيع
اول مره اشوف شركه بحياتي الصالون سيدان اغلى من الجيب !!
وتقولي اودي a4 شكله معوق ؟
من صجك :S
والله اول شخص اشوفه ينتقد شركه اودي انت صراحه
اذا شركه اودي تصاميمها معوقه فورد شتطلع !! حرام عليك التعصب عمى عيونك :P
في فرق لا قلت اودي
وفي فرق لا قلت تورس تورس متى طلعت اصلا !!
وقلت لك لا جيت عند المواصفات روح للكيا يكفي تسفط من كيفها وسعرها رخيص ياخي ماهي خياليه
والجينسيس كذلك
والتيقوان فولكس واجن
وثانيا الي يقول اسعار دوج
الدوج اسعاارها جدا رخيصه بالنسبه للباقي
قارن
التشارجر من ارخص السيارات 6 سلندر
والدرانقو كذلك ارخص جيب امريكي لاجيت عند المكينه
والاس ار تي جيب لك مكينه قوتها 425 بهالسعر مستحيل
اسعار فورد ماتدش العقل
وفوق هذا
فورد غير سياره فيكتوريا وماركيز لا تاخذ الباقي كله خرابات ولوعه جبد [ طبقا لان الفيكتوريا لا فتحت الكبوت كأنك فاتح سياره موديل 98 ] وجذي مانلقى خرابات واجد

من ناحية الشكل هاذا ذوقك وانتا حر بالنسبة للشكل انا شايفه جميل يجمع بين الفخامة
وشبابية ومثل ماأشوف بنظري Audi a4 سيارة معوقة الشكل كل شخص وذوقه

والتورس سعرها في ولايات المتحدة الأمريكية 37 الف دولار اي مايقارب 138 الف ريال
اي يساوي 10909 دينار كويتي

على ماأعتقد التورس فئة وحجم اكبر من Audi a4

ايضا محرك Audi a4 حده 4 سلندر مزود بتيربو بقوة 211 حصان يعني محرك معوق تقريبا

على اي اساس تعيب محرك تورسس ؟ اغلب السيارات بفئتها تكون بنفس المحرك وهو 6
سلندر يولد 263 حصان يعني اكبر من محرك Audi a4 سعة وقوة ولايوجد اي مقارنة هذ

بخصوص سعرها قارب لكزسس ؟ طيب لو لكزسس تاخذها فل كامل كم بيكون سعرها ؟؟

انتا في سعر 37 الف دولار كاعد سيارة تجمع كل مواصفات السيارات الفخمة في فئتها

منها الرادار والنقطة العمياء والمسياج ونظام سينك

وكلامك مو مقنع والفورد مشهود له بكل مكان لايمكنكك التقليل منه

اخووو يكفيك نظاام الرادار الي مايوجد الا بالالماني

توكل ع الله وخذهااا خلك من كلام الناس المتعصبه

الله يعطيك خيرهااا ويكفيك شرهااا

طيب سيارتك الدوج تستاهل سعرها الدوج سعره في العلالي اكثر من فورد وفورد جودته افضل من دوج بشهادة الكثيرين ممكن تقولي ايش تتفوق على التورس من الناحيه التكنلوجيه والمواصفات غير الماكينه انا عندي كرايسلر من فتره وما فيه مواصفات ولا تكنلوجيا من استخدامي اراها سياره عاديه جدا

اولا سعرها مو فيها نهائيا
لا من الناحيه الشكليه ولا من ناحيه المكينه يعني
ثانيا لو تبي سعر ارخص منها واحسن مواصفات منها
ماكو احلا من سيارات الكيا والهيونداي جينسيس وازيرا
ولكن هل تدفع كل هالفلوس على هالسياره ؟
سياره سعرها شوي ويطق اللكزس !!
عندنا بالكويت سعرها سعر Audi a4
واخرتها صالون وماتسوى شكلها
حتى الواجهيه الاماميه مافيها شي يجذب كأنها فورد فوكس الشبك جدا عادي مافي شي مميز
ياخي انا اقولك كل شركه فورد اسعارها مو فيها
الا يمكن الفكتوريا والماركيز لانه طبعا سياره قديمه
لكن شوف التورس ، شوف الفايف هاندرد وميلان وغيرها من هالسيارات
اسعار بالعلالي والسياره ماتسوى
يعني الحين هل هالتصميم يقنع ؟
وركبت عده مواتر فورد
ايدج ، فيكتوريا ، مونديو ، فايف هاندرد
مافي مكيف مثل الاوادم الا الاكسبلولر ..

انطر السيارات جيل 2011 لين الشكل كله يتغير وقارن التورس مع باقي السيارات :bigggrin:

^^^^

بعض ما عندكم........ وهذا كله بسبب دعمكم

و كل الإخوان (( بإذن الله )) ننفع بعضنا للوصول للأفضل.

و أشكر الأخ راعي الموضوع.......... الذي سأل هذا السؤال

888

وفقك الله
والف شكر لك لتوضيح اهمية نظام الدفع

معلومات وافيه وشامله مختصره تفيد الكثيرين فيما يتعلق بأمور المحركات مع انظمة الدفع

تحياتي

السلام عليكم

بغض النظر عن نوع السيارة................... فورد أو غيرها

لكن مبلغ 7000 مقابل ميزة الدفع الرباعي......... مبلغ زهيد جداً جداً.
_________________________

لاحظ أن أي سيارة من اودي هي دفع أمامي.. طبعاً فئات الستاندرت..... لكن عند تزويد سياراتها بمحركات ذات القوة العالية........ تزود السيارات بنظام رباعي.

يعني وجد النظام الرباعي في السيارات ذات القوة العالية..... من أجل الأمان أولاً..... و الأداء (( كي يتوافق مع قدرة المحرك العالية )).

_________________

و بصيغة أبسط...... عندما تكون سيارة فوق 300 حصان ..... و الأهم العزم متوافر على كل السرعات..... ضروري تكون....... خلفي..... و الأفضل رباعي.

لأن (( في حالة الأمامي )) عند الإقلاع القوي ...... ستبقى السيارة بمكانها... و الكفر يدور و يدور على نفسه..... (( و هذا بسبب انخفاض الوزن عن المحور الأمامي ))

و هذه مشكلة..... عند حصول مثل هذا الأمر في منعطف.

أما في حالة (( دفع خلفي )) عند الإنطلاق بسرعة (( قومة )) يزداد الوزن على المحور الخلفي...... و يزيد من تماسك العجلات بالأرض.... و يكون (( التفحيط أقل )).


و في حالة (( الدفع الرباعي )).......... عندها تكون حققت افضل ارتباط بين المحرك و الأرض.

و لا ننسى النظام (( تراكشن كونترول سيستيم ))....... الذي يمنع حالة التفحيط...

أتمنى أني أفدتك...... آسف للإطالة

ياأخي هل انت جربت السيارة ؟؟ وهل ركبتها وامتلكتها اكثر من اسبوع لكي تحكم عليها ؟

اتمنى ان تترك موضوع التعصب حين تجربتك للسيارة لك الحق ان تنتقدها بعد ذالك

من ركب تورسس اثنى عليها لديك تقرير من مشرفنا جذاب في منتديات اخرى امتلكو السيارة

واثنو عليها ....

بخصوص السعر في تعتبر من السيارات السيدان الفخمة يوجد فيها تقنيات لاتوفرها حتى
المكسيما مثل
1- الرادار
2- النقطة العمياء
3- الميساج
4- نظام سينك

ياأخي جيبلي اي من سيارات السيدان بفئة تورس وبنفس سعرها وتجمع المميزات المذكورة لك


سلامي

ما انصحك فيها نهائيا
احس هالسياره مالها دااعي السعر مو فيها ابد

الرباعي

اول شي..ثبات وقت الامطار...

ثبات على المنعطفات

راحة في الطرق السريعة ..

المقدرة على المناورة بسرعة وثبات

وغير كذا يفيدك في التسارع ...ويثبتلك السيارة وقت القومة او قمت ما تتجاوز سيارة ثانية

لاحووووول من البنقاله الي كل شي في سيارته رهيييب
وتروح تلاقيها حتى في الكرسيدا

ياخوي شوف انتا في الدفع الامامي لك في المنعطفات حتى 140 وع ضمانتي
اذا تبغى اكتر ما ادري ممكن الرباعي يفيدك
بس شوف ادا ما همتك القروش خد الرباعي
بس انا اشوف انه الامامي حلو ومرررة مريح

اكيد ارسى بس ب7000 احسها مبالغه من فورد لو من شركه ثانيه كان السعر مناسب

السلام عليكم

اخي العزيز بكل تأكيد يستحق ليسو اغبياء الفورد بتوفير الدفع الرباعي المستمر على
تورسس حيث اثبت وافضل من الدفع الأمامي


ودعك من بعض المتعصبين بردودهم في هذا الموضوع حيث كل همهم التقليل من
شأن تورسس وقوة مبيعاتها وتقليل من حجم فورد نفسه

في تجارب كثيرة من اشترى فورد توريس الكل يمدحها ويثني عليها

هههههههههه قويه هذي صراحه بس تصدق فعلا حسب المقارانات بين التورس والهوندا تفوقت الهوندا على التورس بس مو متاكد اللي قارنوها هي دفع رباعي والا لا واتوقع انها دفع رباعي الفل الكامل ومع ذلك تفوقت الهوندا

اما بالنسبه للسعر اتوقع انها ماتستاهل كل هذا السعر ممكن الف الفين بالكثير اما اكثر اسمحوا لي وشكرا

اصلا الموتر بكبره مايستاهل القيمه

بعدين فيه سيارات دفع امامي فيها امان وراسيه مثل الاكورد

حبيبي على حسب الكلام اللي قريته الدفع الرباعي مفيد للتسارع من 0-60 وفي المنعطفات يكون الرباعي ثابت مع وجود انظمة فورد للثبات

دفع ربااعي يعني ثبااااااااااااااااات عااااااااااااالي وخصوصا بالمنعطفات

ادفعها وانت مرتاح

بس عن الفرق صراحة ماعندي علم اقصد الميكانيكا

ما تستاهل وخاصه في دول الخليج

والدفع الرباعي المستمر معمول اساسا للدول اللي تعاني من الثلوج والامطار لفترات طويله مثل امريكا وكندا لانها تتسبب بآلاف الحوادث سنويا