واخيــراً .. نزول سوناتا الشكل الجديد عند الناغي

Guitariano @user_202139 · 28-02-2010

A

A.K.N

السلام عليكم ورحمه الله

كيف الحال شباب المنتدى
عساكم طيبين

لي فتره ابي اعرف وش حكايه المووضوع (بيع سيارتك قبل 27 فبراير) اللي ابلشونا فيه

وفي الاخير طلع الاعلان عن السوناتا

المهم اليوم رحت للناغي اشوفها

مانزل غير نوعين
نص فل و الفل

سالته عن تدفئه المقاعد وللاسف قاللي ماراح تنزل بتدفئه المقاعد
الاستاندر باقي مانزلوها
وبالنسبه للنوعين كلها نزلت بفتحة بانوراما >> بس راح تنزل بفتحة سقف

صراحه السياره رووعه شي يفوق الخيال

المهم اعذروني ع الصور السيئه والقليله جداً نظراً للزحمه الشديده اللي ف المعرض

عجبتني حركه تصفيط المرايات زي حركه البي ام

هذي داخليه الفل

جنط النص فل

جنط الفل

بالنسبه للفروق بين النص فل والفل

الأسعار:

الاستاندر << باقي مانزلوها =73000
الله اعلم بالموصفات اللي بتنزل بس قاللي انها بتجي طاسات
وبيكون فيها فلشرات في المرايات

النص فل = 79000
مقاعد مخمل - فتحة بانوراما - تصفيط المرايات اوتوماتيك - جنط 17 - مكيف عادي - عدم وجود مكيف خلفي

الفل = 88000
البصمه والتشغيل بزر - زينون - مكيف لمس - مكيف خلفي - مقاعد نصها مخمل ونصها جلد - جنط 18 - تحكم الكتروني لمقعد السائق

وقالو انها بتنزل فئه اعلى من الفل المعروضه
بتكون جلد كامل المقاعد
ومادري وش بيكون فيها زياده

في فروق ثانية بين النص فل والفل بس والله هذي اللي اذكرها

واعذروني على ردائه التصوير وعلى اي خطأ موجود

المفروض كل فئة أقل بــ 3 ألاف ريال كي يكون السعر منطقي ... لكن دامه السعر كذا أول ما نزلت السيارة .. أجل مقبول نوعاً ما ,,, الصراحة في أماكن ثانية السيارة وصل يعرها إلى 105 ألآف ,, لكن الناغي الصراحة أبدع في السعر .. شكراً لصاحب الموضوع

- ملحوظة : السوناتا الجديدة ممتازة .. من الداخل ومن الخارج .. لكن في مشكلة عندي .. ما هضمت اللون في الداخلية .. لو كان كله أسود جلد .. كان تماااااااااااااااااااااام .. يعني تخيلو السيارة على أبيض لؤلؤي ومعها البانوراما وداخلي جلد أسوددددددددددد .. صراحة تطلع ممتازة

راعي الكوري @user_174437 · 28-02-2010

تقرير رائع

الــعــمــري @user_206271 · 28-02-2010

الله يعطيك العافيه اخوي وانشاله تتطلع كويسه موزي بعض الناس يقولون خطا في الصنع