رسالة غاثتني عند استخدام دبل التاهو

جزاك الله خير على الأفاده

ابد طال عمرك الدبل لا يؤثر على حرارة السيارة واعتقد انه ماله دخل في تقصير عمر السيارة واذ خرب طنشه وعده لمبة السقف محروقة

طيب عندي سؤال هل الدبل فعلا يقصر عمرالسيارة أذاأستخدم بشكل صحيح ولكن بكثره وهل صحيح أنوالدبل يخلي السياره تسخن أرجو الأفاده

اخوي TAHOE رجعت للكاتلوج وقريته ولقيتهم ينصحون بفصل التراكشن نظام الثبات واذا غرزت السيارة فلابد من اطفاء نظام الثبات حتى لا يقع ضرر في الدبل

لكن تهقى لو اني طفيت النظام كليا بالظغط على الزر لمدة 10 ثواني ما يفيد او يقلل من خروج الرسالة لاني حاس ان نظام الثبات مضيق صدر الدبل وقاعدله في الطالعة والنازلة يعني ناشب في حلقة

على العموم اكتشفت ان دبل الامريكي حساس جدا ويبيلك تعامله برفق يعني تدخلبه البر وركبك تنافظ لا يطلع لك بلو وانت ماتدري

مشكور اخوي TAHOE على المعلومة القيمة يعني ظنك ان سبب خروج الرسالة عدم اطفاء جهاز الثبات ، ابجرب في القريب العاجل ونشوف

اخوي A L R A J H I سرعتي ما تعدى 60 كيلو ، لكن احيانا اتعمد اني اغرز بالموتر ثم اجرب اطلع بالدبل الخفيف واحيانا اجرب الدبل الثقيل (المسألة استخدام الدبل لا تجيم تروسه من قل التشغيل)

مـا هي السرعة الي تمشي فيها بعد ما تشبك الدبل ؟؟

يعني أنت شبكت الدبل .. (( الدبل شغال )) ..

ماهي السرعة الي تمشي فيها بعد ما تشغله ؟؟

أتمنى السؤال واضح لك ..

حي الله ابو هذال

الدبل ما فيه مشكله شغال والعزم طيب لكني لاحظت انه اذا دست على الفرامل فجئة والدبل شغال وانا امشي في منطقة رملية احس ان فيه صوت غريب يصدر من الامام جهة الكفرات والظاهر انه من جهاز ثبات السيارة

^^^

طيب كيف ادا الدبل

تحس ان الموتر نشيط و عزم ة لا خرطي

مشكور اخوي على نصايحك وتفاعلك معي بارك الله فيك والحقيقة متعود على دبل البرادو 97 الموتر يمشي وشغل الدبل (الدبل يدوي) ولا شفنا مشاكل اللهم اذا ما طفت لمبة الدبل ريوس وتنتهي المشكلة
وبعد ما رجعت للكاتلوج اللي فهمته ان الدبل الخفيف يمكن تشبكه وانت ماشي ولا عندك مشكلة لكن في الدبل الثقيل يجب ان تتوقف وتفضي السيارة ثم تحول على الدبل الخفيف

اول ما ادخل البر اوقف واشغل الدبل الخفيف ويكون القير على الان واحيانا وهو على الـD وبعد ما ادخل في مناطق غراز واطلع منها احوله على الاتو والموتر يمشي بسرعة لا تتعدى 30 كيلو

مشكور اخوي سوبربان على رفعة الموضوع

رجل قانون

تشكر على الافادة والنصح بارك الله فيك ،واستخدامي للدبل حسب ما ذكر في الكتلوج الثقيل ما اشغله الا بعد مااوقف ويكون القير على الان اما الباقي فاستخدمه عادي احول بين الاتو والخفيف بس على سرعه منخفضه ما تعدى العشرين

forsakin

مشكور اخوي على التجاوب والحقيقة طلعاتي للبر قليلة ولا اطعس بالسيارة لاني اعيش في الغربية، مجرد ما ادخل بطن وادي فيه بطاحي واشد على الموتر مخافة التغريز احيانا تطلع الرسالة ولا اخفيكم احيانا اشد على الموتر واقعد افحط به في الوادي (اذا كان هذا السبب في ظهور الرسالة فاشهد ان دبل الامريكي خرطي في خرطي واحمد الله اني ما بعت البرادو من يوم شريته ولا عمره اشتكى ما شاء الله عليه)

اخوي TAHOE

تشكر على الاستجابة وعند استخدامي للثقيل اوقف السيارة وافضيها ثم اشغل الدبل الثقيل وعند الاطفاء مثل ذلك

طيب هل اذا دخلت البروشغلت الدبل الخفيف او الاتو لازم اوقف نظام ما نع الانزلاق مع اني احيانا اطفيه لكن تظهر الرسالة والظاهر ان اللي مسبب المشكلة هو نظام مانع الانزلاق

اصحاب اليوكنات هل تواجهون هذه الرسالة

السلام عليكم
انا عندي تاهو 2007 دبل , مره طلعتلي هالعلامه حقرتها مع انها جابتلي الضيقه لأني استعمل الدبل واجد اليوم الثاني شغلت السيارة ردت مافيها شي خطأ كمبيوتر فقط

بسم الله الرحمن الرحيم
اما بعد
حقيقة عندي تاهو 2008 صار لها عندي سنة ونص واستعملها استعمال خفيف واروح بها البر واستخدم الدبل الاستخدام العادى
لانه الامريكى بطبيعته حساس
ومن يوم خذت السيارة وانا استخدم الدبل على الاوتو لانه يفى بالغرض المطلوب
وانصحك يخوى انت ايضا تستخدم الاوتو بس لانه الثقيل للاستخدامات الشاقة وغير اعتيادية
ودائما لا تشغل الدبل الا والسيارة متوقفه تماما والقير على الان ولا تحرك السيارة الا بعد ما يشبك الدبل تماما وكذلك عند الاطفاء وان احتجت تبدله للثقيل عند الضروره فاتبع نفس الخطوات ولا تبدل والسيارة بحالة السير ابدا ابدا واتصور انه هذا الى سار معاك
الان جتك رسالة وضايقتك لكن الرسالة اختفت فليش انت مضايق ؟؟؟؟
خذ الامور ببساطه السيارة ولا فيها اى مشكلة جرب وشغل الدبل وشوف وان صارت معك نفس المشكلة راجع الوكيل لان السيارة على الضمان
تحياتى لك