مشوره باستخدام فولكس فاجن طوارق V8

نصيحه اخوي بدل ماتطقلك طوارق مستعمل ب120 الف ولاكثر خذلك تيجوان جيب شبابي وتراه قوي لاكن ماتحس ان طوارق حق عوائل يعني مو شبابي00000000000000
تقبلو مروري-----------

اذا كذا توكل على الله و طبعا مثل منت عارف الالماني لازم تدور عليه بعنايه و يكون ماشي قليل مو زي الياباني و اولا و اخير استخير و عن نفسي افضل لو تاخذ 6 سلندر لان مثل ما ذكرو الاخوان اعطاله و صيانته اقل عكس ال 8 سلندر

و اول ما تطلعها قلنا عشان نباركلك ان شاء الله :xyxwave:

من ناحية الموديل ما يفرق معي لاني ابي اخذه مستعمل

عند نفسي انصحك تستنى شهر زي ما ذكروا الاخوان لان الشكل الجديد جداااا فرق السما عن الارض عن الشكل الحالي الإ اذا انك تبغاه مستعمل لانك حتلاقيه تقريبا رخيص او اذا كان ما يفرق معاك الشكل

اتمنى اكون افدتك :xyxwave:

السلام عليكم ..
من واقع تجربه لمده ثلاث سنوات.. علما اني ماجربتها في البر والرمال..
الساره ممتعه في القياده..
راسيه في الطرق والمنعطفات..
متماسكه..
انيقه..
تحس ان كل قطعه بها مدروسه ... حتى ادق التفاصيل..

العيوب من وجهه نظري ..
- غلاء قطع الغيار الا ان عمرها الافتراضي طويل نسبيا
- التكييف في فصل الصيف ماهو قد كذا - طبعا اتكلم عن اجواء الرياض -
- صيانتها مكلفه
- قليل جدا من الورش اللي يعرف يعمل لها صيانه
- سعر بيعها بعد استعمالها يقهرك..

عن نفسي فانا مهمل بالصيانه حتى مره مشيت على الزيت 43 الف كيلو وما من مشكله الحمدلله..

ارجو اني قد وفقت لافادتك اخي الفاضل

وعليكم السلام ورحمة الله وبركاته
انا عندي طوارق V8 ....
بالنسبة لموضوع الصيانة وقطع الغيار ماقدر افيدك لاني متواجد في امريكا ..ماعندي علم كيف الوضع في السعودية في الخليج عموما
الطوارق 8 سلندر افضل من ال 6 في اشياء كثيرة اهمها القوة والعزم في الرمال وغيره..
مصرف البنزين فهي تصرف بحكم انها جيب لكن السيارة مريحة وعزمها قوي وناعمة..
بالنسبة للطوارق الامريكية فهي تختلف في المواصفات عن الخليجية واقول لها ان الخليجية فيها مواصفات افضل من الامريكية مثلا تعشيق التبترونك من الدركسون وتشغيل السيارة من دون مفتاح . اما الباقي فهو نفس الشي الا ان المواصفات في امريكا تختلف على حسب الطوارق نفسها مثلا الهيدروليك بعضهم ماهو موجود وايضا لون العداد بعضهم يجي ابيض وهو الافضل والنوع الثاني يجي عادي لونه ازرق..طبعا عندك الامريكي يجي فيها لمبات صفر في النور الامامي وايضا في الصدام الامامي واللوحة ورى مربعة ماتجي طويلة .. بحكم انها للسوق الامريكية
نصيحة انك تنتظر الموديل الجديد فهو افضل من الموديل الحالي وشكله جميل
وعلى العموم السيارة قوية وتحتمل واجزم لك انها قوية في الرمال لاني اسوقها في الثلوج والسيارة جبارة في الثلج واي استفسار انا حاضر

مشكور اخوي لكن ابي معلومات اكثر من كذا ومن مستخدمين للموتر