يا حقين الورشه وش رايكم بـ ابيكا 2004

سلام
علي فكره الدايوقصدي الابيكا ممتازه بس اذا عرفتلها
اسف علي التدخل:ch19:

اخوي اسمع مني السياره ما جاها صدوم ونظيييف توكل على الله ولا تردد والله اغلب الناس تتكلم عن السياره وما جربوها يسمعون كلام لناس الموتر يبي ناس تهتم بس واخوي امير الارض ما قصر



سلالالالالالالالالالالام

اخوي السياره تخبط اذا انقطع سير التايمن هذا السير موجود في السيارات الجديده ومنها الكامري والسوناتا .. ويغير السير كل 80.000 كم اذا سائق السيارة ماغيره وانقطع احتمال كبير تخبط المكينة .

اما مسألة سيارة اسرع من الثانيه في القومه انا ماتفرق معاي وش بستفيد اذا سيارتي تقوم اسرع السياره هذا شئ غير مفيد والسيارة عملية وماعليها كلام

واحد من العيال معه ابيكا 2004 مغير المكينة مرتين
ومشكلتها علطول تخبط المكينة ورحه اسال اهل المكاين قل لهم وش اكثر شي عليه طلب يقولك مكاين ابيكاء
بعدين عزمها ضعيف انا كان معي اكسنت 2005 على ايامها تقاومت مع ابيكاء 2004 قير عادي ثلاث مرات والله عجز يطلع علي وبعدين ابيكا واوبترا وافيوا معروف شركتها الأصلية

ياحبيبي اذا كان اخوك يسمع لكلام شخص في الصناعيه مايعرف يقرا ولايكتب فهذي مشكلته . قالك القير مخبط وصدقته ؟ انا قبل سنه كل الورش قررو ان سيارتي القير مخبط والسبب اني مغير زيت القير بالصناعيه وبعد تعب كبير اكتشفت ان المشكلة هي زيت القير مافي ولا ورشه بالصناعيه تعرف تغيره بشكل صحيح كلهم يسوون تجارب على السيارة والمسكين صاحب السيارة يكون الضحيه وهذا يحصل في سيارات الموديلات الجديده.... آخر شي فعلته اني غيرت زيت القير في مركز ريدكاب فرع الرياض كان طريقة التغيير عندهم مختلفة تماما وانا موضحها في توقيعي والان سيارتي ماشيه 150.000 واقولك ان العزم والمحرك والقير على حالته من يوم اشتريتها ماتغير فيها أي شي

نصيحه لوجه الله أفقع ولا تاخذها
خوي عنده وحده 2006 ضرب عليه القير ووضبه والين الحين يشتكي منه وعزمها بايخ جدا جدا ويقلي خرباتها ماتنتهي
عاد انت شوف وقرر والنصيحه لوجه الله

والله العظيم اني انغشيت فيها.. شريتها ولا انتبهت زين وبعد ماشريتها اكتشفت انها كانت بمحل إيجآر

يالوافي

انت اخذت وحده مستعمله ومصدومه


يعني المكينه متضرره وتعبااانه كثير


واكيد بتكون حالتها سيئه

إنحششششششششششش إنحش وبقوة بعد .. طحت فيها والله الخسارة لو إقولك اياها ماتصدقني شآريهآ بـ18 الف ريآل.. إبيكآء موديل 2004 ماشية ماتذكر بس مو إكثر من 150.. بس جايتها صدمة من قدام ومصلحة . بس من زمان هالكلآم إستعملتها شهر وهي تجيم المكينة وصلحتها وبعدها وقفتها بالمعرض لمدة 6 شهور واخر شي إيست وبعتها على السوداني حق المعرض بـ5 الاف ريآل ولا بـعد اإقصآد والله على ماقولة شهيد...

سييييييئه عندي وحده وكل شويا بمشكله وعمر قطعها قليل جدا بسرعه تتاكل وتخرب
وحساسسسسسه ودايما فيها رجه وتعشيقها غبي مره

عظ ثوبك واشرد عنها

جزااااااااااااااااااااااااااااك الله خير وماااااااااااااااا قصرت ومعليش اقلقتك ..
اجابه شافيه ووافيه سلمت يمينك .


مااااااااا قصرت وجزاااااااااااك الله خير








جزاااااااااااااااااااااااااااااكم الله خير جميعاً

أخوي لفت نظري كثر مشاكل الجير فيها

مثل ماذكرت هي مسئله توفيق والابيكا يعجبني فيها تكييفيها الجباااااااار مشاء الله يذكرني بالكرسيدا

قسم بالله سمعت أن الابيكا أرسى من الكابريس بالطريق
طبعا 2007 مافيها صوت تنسيم ولا شي والرجال معاه سبع شهور مادفع ريال الا على المويا والزيت
استخير الله قبل لاتشتريها وماخاب من استشار

وعليكم السلام
انا عندي ابيكا 2004 والله الموتر ممتاز مع اني كنت اكره السياره من اللي سمعته من الناس بس بعد ما جربتها حبيتها والله تتحمل كرف بس لازم اذا خرب فيها اي شئ لا تتأخر عليها عشان ما تكثر الخرابات عليك وتكره الموتر وللمعلوميه كل السيارات كذا اذا اهملتها وكثرت الخرابات بتكره الموتر
بنسبه لي عيوب الموتر تسارعها ضعيف ما لها اكسسوارات عندنا .

واي استفسار انا جاهز

ومبروك عليك الموتر عليك مقدمأ

سلام

مافي فرق كبير لكن تحسن المحرك بشكل بسييط من ناحية العزم والعزم في الابيكا 2004 يعتبر عادي التسارع من 0-100 في 12 ثانيه

بالنسبة للاخطاء انا اشوف الحمد الله ماشيه تمام والان وصلت 150.000 كم والحمد لله ماواجهت مشاكل مشكلة نقص ماء الرديتر وكان علاجها تغيير طرمبة الماء وتغيير قربة رديتر وتغير خرطوم رديتر بسبب استعمال ماء الرديتر التجاري وجدت الطرمبة متاكلة تماما وهذه واضحه في سيارات الشفر تخرب الطرمبة وملحقات الرديتر بسبب ماء الرديتر التجاري او ماء الصنبور ..

من مساوئ السيارة وجود رجه بسيطه تظهر بعض الاوقات لاتؤثر لكن السائق يشعر بها بعض الاوقات ولايوجد لها علاج .

الجميل في السياره انخفاض تكلفة القطع تقدر تسال عنها في محلات الشمراني - محلات المنصوري ... ايضا سياره صيانتها بسيطه غير معقده لكن الواحد لازم يكون ملم بأمور الصيانه حتى لايتعرض للغش والعبث من اصحاب الورش

الممشى جيد 130.000 على 6 سنوات استخدام في كل سنه 21.666 كم يعتبر اقل من المتوسط (30.000 كم )

نوع الفل كامل LT ست سلندر ابتداء من 2005 اكيد لكن 2004 ليس اكيد :smilie16:
وتغيير المكينة ليس مشكلة طالما انها تمشي بشكل سليم وليس فيها مشاكل في وقتها الحالي .

^^^^

جزااااااااااااااااااااااااكم الله خير جميعاً

بندر - اسامه - امير الارض


سؤالي لامير الارض .... هل فرق 2006 عن 2004 شئ من حيث
التصنيع والجوده وتلافي الاخطاء ... ؟ او هو نفس الشئ ؟

سؤال اخر .. هل 130 الف كم كثيره عليها ولا وسط ؟

وجزااااااااااااااك الله خير