أخي الكريم، حسب ردود الشباب المجربين للكابريس زي ما انت شايف غالبيتهم يقول انها ماشية معاهم تمام التمام ما شاء الله،،
و أكيد الماركيز ماهي منتشرة بهالشكل إلا وهي ممتازة بس حسب كلام الأخوان في الوكالة إن شكلها 2011 بيتغير وحسب ما قرأنا عن السيارة إن احتمال كبير انها تنضم إلى فورد وتتوقف القراند ماركيز..
أنا أتصور إن من ناحية الرساوة وراحة القيادة الكابريس أفضل والله أعلم، لكن إذا كنت إنتا مجرب الماركيز أعطينا رايك فيها ،،، خصوصا في صيانتها؟!
واذا كنت بآخذ ماركيز فأكيد رح آخذ الشاصيه الطويل GSL لأنها أوسع وشكلها أفخم،،
والا اش رايك؟
راحة قيادة الكابرس مجنون ما فيه راحه مشتهي البنص على طول ودك تراح شوف الفورد وش حليليه وحليل ممشاه
بالنسبه لي تقريبا انا عندي فكره مختلفه شوي عن الخرابات لاني قبل فتره كنت بدور كابرس لاخوي قابلت واحد معرفه معاه 08 اص اص وقلته اذا كان ناوي بيع و عن خرابته قالي عنه انه يبغاله شوي محافضة لانه كان معاه اص اص 06 ويقول كان يستحمل اكثر من هذا وخرباته اقل
قلت له معاك 08 وطلع فيه خرابات اكثر من القديم ..؟؟
قام يغير السالفه
يعني بالنسبه لي 06 احسن من 08
والي اكدلي اياه اغلب الشباب حقين الدعس عندنا معهم من شكليت 06
عشان كذا الي يخبرلي 06 نظيف يعلمني لاني مقتنع انه احسن موديل بالكابرسات الجديد
بدون تعصبات بدون شي لا لي ولا علي
وعلى فكره حقين الوكالات احسهم ما عندهم سالفه كلمت واحد من حقين الحاج عن الميركوري قالي مستحيل تنقطع بغيت اقوله طيب وش اسوي بسبعين موضوع وسبعين توكيد من شركة فورد انها راح تنقطع
الماركيز الي معي شايف البلاوي الي تطلع فيه طبيعيه لانه قديم وراعيه مو مهتم فيه و فحصه لي فلبيني يقول هذا على الاقل كان واقف ست شهور بالمينا مو متحرك يكفيك انه العضلات الي تحت نصها حمرا والنص الثاني سودا لاني مغيرها
ما ادري كيف شريته غرني سعره الحلو و وقفته الملكيه ومواصفاته الدلع
