من يريد تركيب عازل (تظليلة 3M ) ؟ - ملحوظة بخصوص الخصم -

^^
جزاك الله خير .. والله ما ودي اقلل من قيمة 3M خاصه انها شركة قويه جداً ومعروفه وكنت بظلل عندهم انا بنفسي .. بس طبعي انا لما اسوي شي احب الفلف كل المحلات بنفسي واطلع المميزات والعيوب لكل نوع

رحت اول شي لجونسون شفت الافلام وكل شي .. قالي اول شي الفلم مو اسمو جونسون .. اسمه ICE IRED وجونسون شركة تجارية اي مسمى وهي تستخدم افلام ثانية .. شفت نسبة العزل لواحد بصراحة الفلم نظيف وواضح في الليل والتقطيع ممتاز القص ..

رحت لزيبرا .. ميزتهم القص بالكمبيوتر . هذي ميزه مره حلوه عندهم
بس الافلام حسيت انها لعب في لعب الوان وخرابيط حسيت انهم بس مسوين دعايه على الفاضي لكن كمنتج ما عندك أحد .. ومستغرب ان كل الافلام بسعر واحد ومو حاطين لمبه يوريك العزل وقوته .. بس قصهم نظيف .. ومحلهم ديكور وخرابيط بس انت ما عليك بالاسم لك بالمنتج نفسه ..

رحت لثري ام ومتشوق لها كثير .. لان معروفه الشركة قديمة ودائما تحط يدها في شي تبدع فيه .. حصلت ان ثري ام في العزل للرمال اي الواجه هي الافضل حالياً ولا يوجد منازع لها .. ميزتها تقدر تفكها ولا تترك اثر ما تصفر نهائيا وعليها ضمان ..

شفت العزل الحراري باللمبه العزل كويس ما انكر هالشي لكن برضو في حراره بسيطة .. اتوقع انها افضل شركة بعد في كول حالياً ..

رحت لفي كول خاصه هي الاقدم بالسوق ودخلت موقعهم لقيت ان افلامهم خاصه لهم باسم في كول ومتخصصين فقط في عزل السيارات فقط ولا عندهم عزل رمال ولا شي اقصد عزل الواجهه لما شغل اللمبه خاصه انها حاره جداً وحط الفلم الفي كول اغلى نوع بصراحة جداً شي خيالي ولا شي .. يعني لو الشمس تضرب فيك تحس انها بارده .. حسيت بجودة منتجاتهم

تعرف ايش عيب في كول .. دعايتهم ضعيفه جداً اسعارهم غاليه .. ما يراعون بالاسعار ولا ينقصون .. شغلهم لك عليه الناس صارت تقص بالكمبيوتر وهم القص يدوي لسى وفي عيوب طفيفه في القص .. يعني بس يبغالها وكيل نشيط وربي لا يكسر على كل العوازل لان البضاعة نظيفه .. انك لك بالبضاعة وليس بالاسم التجاري .. بعد الفي كول بوجة نظري الثري ام حاليا .. ثم زيبرا و جونسون ..

ولا اخفي لكم شركة لومار .. برضو شكل شغلهم نظيف واسعارهم بالمره رخيصه بس مدري احيانا الواحد لما يشوف شي رخيص يحس انه سيئ والله واعلم قد يكون افضل منهم كلهم مدري مين جرب لومار لاني قريت عنها طلع افلام خاصه لها اسمها لومار ومتخصصين بالمباني وناطحات الساحب والسيارات لهم خبره بمجالهم وكبير جدا .. سعرهم جداً رخيص 1050 ريال للعادي والشفاف جدا تقريبا 1800 ريال يعتبر ارخص ما في السوق .. بس مدري مين مجرب لهم .. للاسف ما عندهم لمبه للاختبار عندهم .. المفترض كل شركة تحط لمبه حراره وتجرب المنتج عندهم .. عشان الواحد يقتنع ..