الآخوة الكرام في هذا المنتدى الرائع
السلام عليكم ورحمة الله وبركاته
وأسعد الله أوقاتكم بكل خير
ماندم من استشار وماخاب من استخار
من هذا المبداء احببت اني استشير من له خبرة في شراء جيب كوماندر ومواصفاته كالتالي
موديل 2007 فل كامل هيمي نظيف جدا ماشي تقريبا 85 الف كيلو طبعا سعودي من المتحدة.
السعرتقريبا حوالي75 الف ريال .
كيف السيارة لللاستخدام وهل هي مريحة وهل قطع الغيار متوفرة ؟ مع العلم أني قرأت في بعض المنتديات انه سيتوقف انتاجها والله اعلم
يعني طلبي هل اقدم على الشراء ام لا ؟
وفقكم الله لكل خير
هلا اخوي
اولا بالنسبة للسعر فيعتمد على فئة الكوماندر هل هو لمتيد او اوفرلاند ؟
الاوفرلاند تميزه بالتخشيب على الدركسون
اذا كان اوفرلاند ونظيف فسعر 70 الف يعتبر جيد ولو تحاول بأقل يكون افضل ,, اما اذا كان لمتيد فأعتقد السعر الجيد حول الـ 65 الف
ايش لون الكوماندر؟
انا استخدمت السيارة لمدة سنتين والسيارة جداً ممتازة من ناحية المركب وانظمة الامان والديكور الداخلي والخارجي ,, انا استخدمتها استخدام شاق جداً والسيارة جملت معي كثير والاعطال كانت في حدود المعقول بالنسبة لسعر السيارة
محرك الهيمي ممتاز ويجي معاه نظام دفع رباعي رائع اسمه Quarda Drive II
انا ما اعرف ايش احتاجاتك ,, لكن اقول لك ببساطة اذا انت منت راعي بر فالسيارة ما تناسبك ,, السيارة مجهزة بشكل جيد للطرق الوعرة والبر (ما عدا ارتفاعها)
بالنسبة لقطع الغيار ,,, كل المحركات وكهرباء السيارة وكثير من القطع الداخلية هي نفسها في الجراند شيروكي ,, الفرق الوحيد بينها وبين القراند شيروكي هو البودي والديكور الداخلي والمراتب
قطع غيار المحرك والقير مافيه اي مشكلة كون المحرك هيمي موجود في كثير من سيارات جيب وكرايسلر ودودج ,, والقير في الجيب من عام 2003
بشكل عام قطع الغيار مسئلة متعبة بالنسبة للكوماندر من ناحية الوفرة ,, لكن ميزة الوكالة انها توفر لك القطع من اي مكان في في خلال اسبوعين اذا كان خارج المملكة
بالنسبة لأنقطاع الكوماندر ,,, في السعودية ودول الخليج جا موديلين فقط 2006 و 2007
لكن في امريكا موجود الى 2010 ,, وهو اخر موديل للسيارة لأنها انقطعت بشكل رسمي
الخلاصة ,, اذا ما كنت رغبان الكوماندر بشكل كبير فلا تشتري السيارة ,, لأنها تحتاج شخص رغبان
والله يسهل لك كل خير ,,
تحياتي
أبو وسن
