رجة كابرس 2004

السلام عليكم
ياخوي كانت عندي نفس المشكله ودوختني من كثر مروح للورش
وفي الاخير طلعت من جلد المقصات غيرتها وراحت الرجه

صاحب الموضوع الله يعينك ويعننا على خرابات الكابرس
شباب انا عندي رجة غريبة مرة عند 80 وال 90
طبعا الرجة ذي ماتطلع الا وانا داعس بنزين اما اذا السيارة ماشيه لوحدها مثلا في نزول عادي
الرجة بالدركسون

السلام عليكم

الرجه من كراسي المكينة

يا خوي والله غيرت كل شئ ولكن

هذا اللي الاغلبيه قالو غيره وانا غيرت كل المطلوب وبرضو نفس الشئ

حتى لدرجه واحد قلي انساها !!!!!!!!

المقص والاشياء الثانيه سليمه على قولتهم

ولكن يوم سمكرت السياره السمكري قال انه كان فيه طعجه مدري وش سوا سحب الشاصي او انه عدله

وعموما الصوت طلع من بعد الحادث الى يومك هذا وانا من النوع الي احب كل شي تمام ولكن الله ابتلاني
بخرابات الكابريس

انت تقول ان الرجة جت بعد ضربة في الجهة اللي جنب الراكب وورشة العضيب عدلوها لك فهذا اللي عدلوه يجب تغييره لأن سمكرة المقص او غيره لا تنفع في اغلب الأحيان

السلام عليكم

يا اخوان
اقسم بالله ان هذة المشكله لها معي سنتين ما قدرت احلها طبعا انا جتني دقه خفيفه في جهه الراكب
وبعدها فرش الكفر ووديته للعضيب وسوو سحب!! وعدلوة

المهم انا يا اخوي بقلك وش غيرت عشان تستفيد ولا تاكلها مثلي

* الفلنجه اللي تقولون عنها اللي هي اسمها رمانات على كلام الورشه اللي غيرت عندهم
هاذي رحت عند اطلق مكان ما عرفو لها غيرتها ((( 3 مرات ))) ولا فيه فايدة

* طبعا واحد تفلسف على وقال غير الكفرات وغيرتها وبرضووو نفس المشكله بس راحت اول اسبوع ثم رجعت

* قبل اسبوعين قفلت معاي وقلت بغير كل شي
المساعدات الاماميه 2
كراسي ورمانات المساعدات اللي فوق المساعدات
الاذرعه الداخليه والخارجيه 4
جلب مقصات كبير وصغير كلها 4
وزن وترصيص وتغيير فحمات مع الخرط


اقسم بالله ولا كأني سويت شئ اللهم رجعت قساوه السياره

مع العلم اني اشوف تهريب بسيط عند الاذرعه اللي جوه
وانا كنت واقف على راس العمال لما كانو يفكون الاذرعه اللي جهه السائق عادي انفك معاهم

اما اللي جهه الراكب واللي جتها صدمه خفيفه ماقدرو يفكونه الى باللحام وهذه لاحظتها اكثر من مره لما اغير الاذرعه من بعد الحادث البسيط خلال السنتين اللي راحت

وصراحه انا مدري قمت اشك في الدوده علما بأن الصوت يطلع معاي اذا كنت ماشي من 90 وفوق اذا كنت معدل الطاره ويزداد اذا انعطفت يسار خفيف يصير قوي الصوووت
في الخطوط السريعه >>> الدائري و الخطوط السريعه

وعمود الكردان هذا ما عندي اي خلفيه عنه

انا مشكلتي اذا انعطفت الى اليسار بشكل بسيط


الله يعين

انت تقول انك شيكت على اللي قلت لك طيب هل شيكت على كراسي المساعدات
وجلدة عمود السحب

يا اخوان كل شي سويتة رصصنا الكفرات بلكمبيوتر والجويزات و الأذرعة سليمة
لكن جلد المقصات يقول الفني انها تمشى وانا ما ادري جلد المقصات اذى كانت تعبانه تسبب رجه علما ان الرجه في الطاره لدرجة ان الراكب يسمع صوت الطارة

الرجة اذا تجيك اذا ربطت فرامل فمن الهوبات تحتاج خرط
اما اذا مع المشي فالسبب الترصيص وما قلت في السابق وهل شيكت على كراسي القير والمكينة

المكشلة واضحه

تاتي الرجه من بين 90 الى 110 فقط

او اثناء الضغط على الفرامل بقوة

السب يكون في الهوبات الامامية تحتاج اما لخرط او تغير

وايضا تغير الفحمات هذي المشكلة الاولى

اما الفلنجه فهي صوت ومع اايام يزيد الصوت وتسبب في ازعاج وغصيان عن الشخص الراكب داخل المقصورة وسعرها جديد الاصلية 670 ريال طبعا هذي الي يوجد فيها abs

والي بدون abs سعرها 590 ريال
والامريكي والدرجات الاخرى سعرها 160 ريال الى 280 ريال

واي خدمة في الكابرس تحت امرك هنا او الرسائل الخاصة

والله الموفق

اعتقد أن شاء الله الموضوع بسيط شيك على ترصيص الكفرات

لأن بعض محلات البنشر لايضبط الترصيص جيداً

والله أعلم

والاخوان ماهوب مقصرين يفيدونك أكثر

دمت بخير

عمود الكردان والجلد سليمة والرجة في الطارة وليست في القير