بخصوص استخدام باترول 2010 و لاندكروزر 2010 و دينالي 2010

هههههههههه

الدنيا تجارب شي طبيعي




اوكي الاند ارسى من الجمس اللي مخصص لها الشي :xyxthumbs:

ومالومك شوارعنا الجميله والاند مخصص برضه لها الشي عشان هيك حكمت :bigggrin:







سبحان الله يعني تويوتا تقصد انه نازل من السماء ولايطلب الاقطع استهلاكيه ولا وش رايك ؟ :c0214:

ولازم الاختلاف وانا مانقص من سياره كلها ارآئي ووجهات نظري

وفيه ناس معهم امريكي ولا طلبت الا قطع استهلاكيه وكذلك كوري وكذلك الماني

عادي جدا جدا جدا , ماهي ميزه بسيارات تويوتا المعجزه

ولاتنسى الاعطال بالسياره ماهو عيب فيها , العيب البلاء لاجاء عيب مصنعي

والله لايكتب لكم ربي لا مشاكل لابسياراتكم ولا بغيره ويطعمكم من خيره ويكفيكم شره






قلت عيوب

قلت بس متعقد من تويوتا من تالي مايوتا





هالكلام قديم جدا جدا

هو لو هو اقل اعطال واكثر تحملا من السيارات مثل ماقلت , كان مانافس احد .. الا هو مثله مثل غيره حاليا

وتويوتا اول ماحد ينافسها وسمعتها القويه والسيطره كذلك ع السوق ولا فيه احد ينافسه

وطلع هالكلام , والمشكله للحين ماشي سوقه

ولافيه زود عن غيره حاليا بتطور باقي السيارات بشكل ملحوظ جدا

واقبال الناس ع تويوتا مو مثل اول وكذلك ذم الناس له اكثر من اول

[COLOR=black]شوف انتشار الكوري وتطوره كدليل بسيط [/COLOR]

واتمنى انك تفهم كلامي زين .






عادي , كلن معه عقل وعن نفسي اقوله رح دور وجبه غيري والعب عليه !

والسوق عرض وطلب ,

خذ هايلوكس من القصيم ولا الرياض وبعها بجده وشف طيحه السعر ولا بريال تسوى عندهم

فهمت الحين ؟

وكذلك الاند اوقات الشتاء يرتفع سعره فوق الخيال

وكذلك الجمس يرتفع سعره فوق الخيال بآوقات السفر


واكيد الشي الجديد مايطيح سعره

وشكلك انت ماقريته زين :c0038:





قصدي

الفي اكس آر ,, كم باقي تزود فلوسه عليه وتشري رنج

وايهم الافضل ؟

لاتقولي يمسك سعره , عشان تفهم قصدي

واحترم وجهك نظرك , وانا لست من هالناس حاليا !






لو هو افضل كان قلت

وش يمنع يعني ؟






والسكويا متى نزل عندنا بآي موديل مع اكسسوارت صينيه ؟

وماقنع احد انا ,

وانا قلت مشكله ابو جميل ماقلت مشكله لاند ولا سكويا

ولا اللي براسه بطحه

هع

وهالمصدر على انه موثوق الانه موب مصدق واقعيا

تخبر راعي جيب اللكزس ابو جنوط صينيه اللي صار عليه حادث كم كان موديله ؟ ( هذى لكزس )

وابو طبيع مايخلي طبعه






[COLOR=black]خخخخخخخ

قصدي السكويا ياحبيلك

ولا الاند مليان ماشاء الله

بس قهر الواحد يشري لاند ويخلي السكويا مع انه مثله بس هو اقوى مكينه ونفس السعر مافيه فرق ( رآيي )[/COLOR]






تدري لو يقولي واحد

جيب هواندا ولا مستبيشي مثل باجيرو اقوى تحمل وافضل من الاند

كان قلته له مافيها كلام

ياباني 100 %

( فيس يقول وش انت يالاند بلا سمعه هالعالم عليه ) :bigggrin:

لولاها كان علوم

ولا وش رايك ؟

لاتقول قطع غيار غالي ,

لاجاك ياباني ياباني ماشاء الله , ماتشيل هم قطع الغيار وهذى خبرنا بالياباني

وبعدين عندي سؤال بالنسبه ( الاكثر ملائمه لـ اجوائنا ) اللي تقول

تقصد المكيف ( الحمد لله والشكر ) شكل باقي السيارات مراوح :a1120(121):

يعيش يعيش بس مكيفات الفراره :bigggrin:

أي واقع عزيزي اللي تتكلم عنه ...

أكثر من شخص يقربولي معهم جيب من تويوتا وأنا معي جيب فورتشنر , والحمد لله إلى الآن ما واجهتنا أي مشاكل في السيارة , بإستثناء القطع الإستهلاكية طبعاً !!

أسمحلي أخوي : أنت من الناس اللي لا يملك الإثباتات والحجة فـ تذهب إلى التنقيص من السيارة وأنت ما جربتها وتقول الواقع والواقع ما أدري أي واقع اللي تتلكم عنه :c0214:




عقدة أيش يبو عقدة أنت :bigggrin: ههههه

لا تقعد تخربط بـ الكلام ...

هل هؤلاء كلهم ليسوا على صواب , وأنت فقط على صواب !!! عجبي !!!



اللي حاب أوصله :

أن سيارات تويوتا بـ صفة هي أكثر السيارات تحملاً وأقل في الأعطال من باقي المنافسين ...







شكلك ما قريت ردي مضبوط !! :bigggrin:

سؤالي كان / وش راح ترد عليه إذا قالك الأمريكي ينزل من سعره كثير عند البيع ؟!! :a1120(86)::smilie16:

بتقوله أن الجمس مريح ولا الجمس أقوى مكينة ههههههه

عموماً اللي حاب أوصل :

أنه مهما وصل إليه الجمس مستحيل يكون مثل ( اللاند ) رغبة وتمسك بالسعر عند البيع ....







تويوتا مرتفع على غير سنع ؟!

هذا رأيك وأنت حر فيه ولكن ليس صحيح ...

وصدقني مثل ما ذكرت في رد السابق :

سيارات تويوتا هي أكثر سيارات تستحق سعرها عند البيع ( بغض النظر عن مواصفاتها ) لكن لإنها أكثر سيارات مرغوبة وتجيب سعر عند البيع ...

لكن شوف السيارات الأمريكية :

مجرد ما تخرجها من الوكالة وتعرضها شوف كيف نزلة السعر , فـ كيف لو كانت مستخدمه لفترة ...

وأحب أقولك ( من وجهة نظري) : الناس لما تشتري تويوتا تعرف وين تحط فلوسها !!





مناقضة عجيبة !!!

وكـ أنك تعرف إنها الأفضل , ولكن ما ودك تقول :bigggrin:



عزيزي ذكرت لك :

أنه يا كثر اللاند الخليجي بالمعارض , وكلها شد بلد ....

يعني لا تحاول تقنعنا بالأمريكي حقك !! :bigggrin:


وعلى فكرة / حسب ما تأكدت من مصدر موثوق , أن عبداللطيف لعب في الإكسسوارات باللاند في عام 2008 , لكن بعد ما عرف أنه الناس كشفتها ما قام يغيير في الأكسسوارات ,,, وإلى ذلك وطبعاً هذا في 2009 أو 2010 !!




الظاهر أنك ما تخرج من الحي اللي أنت فيه .... :bigggrin:

أجل الجمس منتشر أكثر اللاند هههههههه وين عايش أنت !! :bigggrin:

يا أخوي روح لك مرة المعارض وشوف كم معرض يبيع تويوتا جديد وكم معرض جموس جديدة !!

راح تجد بين كل 10 معارض تويوتا معرض أو معرضين يبيعوا الجمس !!

هذا يدل على أيش يا عزيزي !!!







ههههههههه لا يكون على بالك أنك أفحمتني :c0038:

أقولك شيء :

أنت من لست من الناس : ( اللي اللبيب بالإشارة يفهموا ) هههههه

كل شيء أقصد فيه كل الأشياء اللي تتحمل وجهات النظر ....

يعني بالله عليك لو قلت مثلاً اللاند أقوى مستحيل أحد يصدقني !!

بالطبع لا , لأن الأرقام تعكس ذلك !!

لكن لما الواحد يقول :



هذا هو المقصود يا أخي الفاضل .....

تحياتي للجميع ~ :xyxwave:

الناس تقبل عليه في الاجازه عشان الوسع الي فيه وهاذا افضل شي فيه وبعدين من كلامي له...
مهوب معناته انه مهوب مريح ابد ولاكن الاند اريح منه وارسى في الخط وعن تجربتي ...
والاند الي جربته مهوب لي...

هلا بك لحن المشاعر . كنت اشوف اللاند من مدة طويلة انه مستحيل جيب يكون مريح مثل سيارات السيدان .

يوم كان عمري 20 سنه قبل ماأشكي من الآم الظهر والرقبه ، كانت راحة السيارة ماتفرق عندي . كل السيارات عندي مريحه حتى المكيف ماسألت عنه .

مره من السنين استأجرت بي ام دبليو الفئه الخامسه مااذكر كم موديله الظاهر 95 . كنت واقف عند الاشاره ادعس على البنزين بس ماش مافيه فزه يسرع على خفيف ، لازم ادعس على أخر شيء علشان اسمع حنه الموتر ويقوم الموتر .

بس بعدين عرفت وش كان قصدهم من هالحركة ، وهي لراحة عظام وعضلات الرقبه . لها اسم بالانقليزي نسيته قوة الجاذبية ماادري وشو .

كنت اقيس السيارات بقوة فزتها في القومة . علشان أسابق خلق الله عند الاشارات كأني باخذ جوائز وشهادات على الحركة السخيفة ذي . بس كنت أحس بقوة ( وهميه ) واغترار بالنفس .

واخوياي ماعندهم سواليف عن السيارات غير الماكسيما تقوم على الالتيما وماادري ايش تقوم على الكرسيدا . يعني عقولنا كلها في القومات صارت الماكسيما موديل 89 فيراري والالتيما بوقاتجي . وعلى ذا الحال . واذا مر من عندنا بورش هجدنا كلنا وهدينا السرعة علشان ماتنفشل قدامه . وينقلب الحوار من القومات الى اللعن والإعجاب . يلعن امه شف البورش يعلن امه ، يلعن امه . لك الله ياشيخ ، هلا والله . وبعد مايبعد عنا وماصرنا نشوفه ، نرجع لموضوعنا الرئيسي السدرك تقوم على الكرسيدا بالراحه . وعينك ماتشوف الا النور .

ليش نركز على راحة السيارة ؟ بسبة شوارعنا اللهم لك الحمد مطبات وخفوس وحفر . معي كرسيدا موديل 95 . كل شوي أقول أي أي اح أح اوووف .

ركبت مع واحد يقرب لي لاندكروزر ، كان معه مستعمل موديل 2004 . ولا اعرف من اللاندكروز الا أسمه لاني راعي جيوب ولاني راعي بر . ياولد وش ذا ، الخفوس والحفر والمطبات يمر عليهم مثل السلام . حشى ماطلع جيب ذا . وين الطقق والطمممممب . ليش راسي ثابت مايترنح يمين وشمال . أنتظر متى ناكل مطب يحبه قلبك ، والله وياكلها على ثقل كأنه يقول ماتهمني مطباتكم ذي اللعبو غيرها .

الجمس حق الوالد سوبر بان سست 94 ماهو حوض ، راح نبيعه علشان التركه . الله لا يرده ثقيل بس على غير سنع . نقز فيني الله لا يوفقه ، ذبحنا بارتفاع حرارة المكينه . المكيف مايبرد ينفخ هواء أذكر عقبها بكم موديل شايف اعلان في الجريدة عن مكيف الجمس وحاطين بطريق ماادري ثلج ، على بالهم ترانا صلحنا المكيف وماهو على خبركم . الاكاديا من جي ام سي خقيت معها اول ماشفتها ، بس يوم سقتها غسلت يدي ، جوانب المراتب كأنها صخر شادين ضغط الاسفنج . الدركسون ثقيل مره المكيف نفس برودة المكيف الصحراوي ضعيف مره وفتحت المكيف لما تحركها يمين شمال ماتصدق انها موديل2007 . تستحي من المطبات والحفر ماتجامل تاكلهم اكل محترم . صوت السماعات ضعيف مره وماهو واضح كأنه مية واط اللي يحطونه في المسجلات الصغيره .


راحه الامريكي مو في الفور باي فور ولا في الاس يو في ، راحتها في سيارات السيدان من الستينات فما فوق . على ايام الكاديلاك في الثمانيات والبونتياك على أيام الشنطه تحط فيها خروفين من كبرها . بس ماتسلم من تفكفكها . على أيام البيوك موديل 85 استلمتها من ابوي في اوائل التسعينات . والله موتر كنت اعبي التانكي فول بـ 22 ريال تقريبا على أيام الرخص . وتمتير بالشوارع مشغل جورج مايكل وفيل كولينز وبراين آدمز ومايكل جاكسون وفايف ستار البريطانيه وبالحالي مااركب أحد معي ، كل من ركبته معي طلع الشريط وحط شريط عربي :bigggrin: وانا مايعجبني الا الغربي .

وعليكم السلام

لكن الرحلات المنظمه هذي فقط لـ فئات معينه من السيارات

من الدفع الرباعي والجيوب المخصصه للآماكن الوعره والصحراء

والصراحه فكره رائعه , وتكون قوانين الدفع الرباعي تبع تنظيم الرحلات ومواعيدها

نفسها للسيارات من الفئات الثانيه , من اخلاء المسؤليه اخلاء تام من اي حدث او مشكله تضر بالمنتدى او الاداره وهيك

[COLOR=black]ورآيي هي كافيه لتحمل هالقسم وتجنبآ للمشاكل

[/COLOR]وانشاء الله مافيه بس كآحتياط لتجنب المشاكل والسلبيات مستقبلا :xyxwave:

السلام عليكم
شكراً على الفكرة الرائعة

من المؤسف عدم قدرة المنتدي على تنفيذ مثل هذه الاقتراح لان فيه تحمل مسؤولية والمنتدى غني عنها
لو رغب الاعضاء بالقيام بعمل مماثل فسيكون خارج مضلة المنتدى وبدون اي مسئولية عليه

نحن في نادي الدفع الرباعي نقوم بتنظيم رحلات برية برغبة الاعضاء ويلقي فيها الاعضاء ومن خلالها بامكانهم تجارب سيارتهم باختيار منهم دون تدخل المنتدى ومسؤوليته

تحياتي للجميع وامل ان تقل حدة النقاش قليلاً

اخوكم
صالح

حلو

نسمع رآي الاداره

بس اتوقع لها سلبيات مثل ماهي لها ايجابيات

ماعطيناه اكبر من حقه لعلمك , كل من قال راحه قالوا امريكي

من متى صار العكس

يكفي اوقات العطله الصيفيه والسفر ( اقبال ع الامريكي ليش ؟ اتوقع الهدف واضح جدا جدا ) :a1120(121):

ولا واحد يبي يسافر يآخذ له جيب ولا كامري

بالاول وين يبي يحط عفشه وماشاء الله شنطه الاند صاله العاب من كبرها :bigggrin:

ولاتقول لي فوق , وش حاده الواحد يسويها من مشاكل واخطار


هذا اولا

ثانيا

الاند مريح ماقلنا شي بس يجي واحد ويقول اريح والجمس يلعب بالخط

لو هي كامري ولا كرولا كان قلنا يمكن

بالعقل قسم بالله كلامكم مايدخل العقل , واحلف بالله اني اقول شكل اللي يتكلم هذا كذاب مع احترامي !!

ترضى لنفسك , اظن ماحد يرضى لنفسه ينقال له هالكلام

يكفي وزنه وثقله ومعروف الشي الثقيل واظن كلامي واضح

خبرت صبه حقات الحفريات تلعب مع الهوا ؟ :tongue:

اجل نقارن الاند بالرنج ولا الالماني ولا لا يابوحميد ؟

ولاتنسى ان هالجمس اللي معك ابو 8 مسامير سست

وخلاص بعه علي وخلك ع الاند :tongue:





انا اقول الواقع , والواقع اكبر دليل واثبات

وشف بنفسك وتتآكد من كلامي انه صح

والله العالم انها سقطت سهوا اعذرنا :bigggrin: بس صدقني كنت ماقصدها





ههههههههه باين عقدتك من تويوتا :bigggrin:

ومافي شي خالي من العيوب ( هذاي قلتها لك عشان ترتاح ) :wavey:

وانا تكلمت عن الايجابيات اللي بعض ناس تقلل منها وترفع غيرها بالغصب :rolleyes1:






طيب انا قايل شي

كل سياره ولها عيوبها , مادري وش هدفك من هالكلام ولا ليش قلته :confused1:

وكل شركه لها بلاويها ماتدري عن الخافي بعد







لا والله قصدك فرق بين اللي يدخل يدربي الراس ويلعبون عليه هالشريطيه وبين اللي يدخل وعقله معه :bigggrin:

ويقللون من قيمه السياره بحجه انه امريكي ولاسعره فيه يالغالي بس ناس للحين ماتفهم وهذي وجبه دسمه للشريطيه

ومن ناحيه انه ينزل سعره فهو ينزل , بس مايطيح بالارض

ينزل شي معقول , وهذى موب عيب بالسياره نفسها بنظري والغش والبخس اللي فيه

عيب بهالسوق .. واللي يبي يبيع يابعدي من حقه يطلب السعر اللي يبيه ولا احد يبخسه له

مثلا معي امريكي جديد بـ 100 الف .. استعملته 3 سنوات

وابي ابيعه اذا السياره نظيفه ماراح ارضى بسعر مبخوس فيه ع الاقل 40 الى 55 والى بالكثير 60

والناس اللي يدور النظيف يلقى اللي يبيه وسعر لابآس فيه وفيه حقه

ولا يآخذ موتر رايح فيها وسعره طايح , والواحد يآخذ الزين مايهم السعر اذا جاء شي زين

وبعدين من الاساس الامريكي سعره ماهو مرتفع مثل تويوتا غالي على غير سنع :wavey:







لاتنسى ان الجمس انواع , وفيه انواع مايكل عيش معه من ناحيه الفخامه ان ماصارت كلها :wink:

بس مشكلته ابو جميل وفخامته الصينيه كااكسسوراات وشاشات :wavey:

ولاتنسى ان انتشاره حاليا مهو زي الجمس الشكل الجديد

وش يدل عليه :confused1: تلقاه ما آخذوه عشانه فخم ولا مريح و و و الخ

والراحه الصراحه ماجربت الموتر , مع اني ماتوقع ياباني يكون اريح من الامريكي

الا اني انشاء الله بجربه

بس سؤال لاهنت

يتفوق فيها بكل شي ( تقصد الاند )

طيب وين راحت .. آمان الجمس وقوه المكينه و مواصفات بسعر معقول وهذي بحد ذاتها ميزه وتفوق

وياقلوب مؤمنه شفت وش يقول هالرجال

يقول يتفوق عليه بآشياء يقصد الجمس الا الراحه فهو اكثر ( وش ردك يابعدي :c0214: )

عندي فكره حلوه مره مره مره . ليش مايتعاون الاعضاء اللي من مدينه وحده ، يعني انا ناوي على سياره معينه . وعضو عنده نفس السياره اللي ابيها . نتقابل ويعطيني فيها دوره . الوكالات ماتطالع فيك اذا انت مو مربي كرشه وعندك كرسترول و سكر .

ومواعيدهم تطول واذا كان حظك زين وماصرفوك عطوك السياره بعد مرمطه يخلونك تركبها وهي واقفه .

ابداً ينفسي ، اللي عنده لاندكروزر 200 في الرياض ويخليني اسوقها شوي . راح ادعي له من قلب :rolleyes1: . نتقابل في مقهى اعزمه على كوفي .


والشاب الطيب صاحب الموضوع لا تبخلون عليه ، والله لو عندي وحده من السيارات اللي طالبها ماتأخرت عليه بخليه يسوقها ، شغلة حقت ربع ساعة او نص ساعة بالكثير . يعني هو يحكم بنفسه لا يسمع كلامي ولا يسمع كلام غيري ، التجربه خير برهان .


واذا فيه قسم تحت أسم على سبيل المثال ( تعال جرب سيارتي ) وطلعت سيارتي الجديدة . راح احط سيارتي تحت أمر الاعضاء ياخذ بها لفه لفتين أنا حاضر ، غالين والطلب رخيص . ارسل رقم جوالك على الخاص وأنا في الخدمة . ويشرفني أتعرف على الوجيه الطيبه واعضاء المنتدى الحلوين .

السلام عليكم

الموضوع مع الاسف بداء يخرج عن طارة الاصلي وبعد الرد على استفسار العضو صارت مناقشات جانبية

الاخوان الي طرحو رايهم جزاهم الله خير ويكتفى بطرحهم بدون نقاشات لاتفيد

اتمنى الالتزام بذلك وشكراً

صالح

طيب ياشباب اللي في الرياض معه الجمس الله لا يهينه يقابلني وأعلمه وين المشكلة في الجمس ماادري اقدر احط جوالي هنا والا ممنوع . بحط بالحروف لو ممنوع الارقام بعد 050

سسبدس0ن

واذا حصل جمس ولاند يكون أفضل علشان المقارنه . اسمي عبدالرحمن

انا ماادري ليش الناس تسب الامريكي وناس تسب الياباني

المسأله اذواق مالها شغل بشي ثاني ومافيه سياره ماتخرب والله لو هي دبابه تبي تخرب دام انها تمشي انا ذوقي ميال للامريكي دائما وليس الياباني

وفي الاخير كل واحد يختار الشي اللي يرتاح له.........

يا أخوي قلت لك أذكر لي وش هي عيوب اللاند اللي تتكلم عنها ؟؟!!

لا تقعد تقول كلام بدون أي إثباتات !!

وثانياً أنت ذكرت أن اللاند مو مريح !!!



:confused1:

بالإضافة إلى أنه أنت قاعد تتلكم عن الدينالي وكأنه خالي من العيوب , أو كأنهم ما قد سحبوا سيارات لوجود خلل فيها !!

يا عزيزي أكثر سيارات يسير فيها سحب لوجود أعطال هي السيارات الأمريكية !!

وما ننسى أنهم كل شوي : يا يقفلوا مصنع أو يبيعوا شركتهم وغيرها من أخبار الأفلاس !!

وأهم شيء , وهو : المكيف وبرودته في النهار , واللي يتفوق على الجمس من هذه الناحية !!

وبدون ما أطرح لك مشاكل الجمس ( أبحث عنها بـ قوقل ) وراح تجد الهوايل !!

أما لمشاكل مع الوكيل أو لخلل مفاجأ في السيارة أو سحب سيارات منها لأعطال مصنعية وغيرها !!

وبخصوص البيع : أعتقد ما فيه شخص عاقل يقارن بين سيارات تويوتا وسيارات جي أم سي من ناحية (( أيهما يمسك السعر عند البيع )) يا ريت تأخذ جولة في معارض السيارات أو موقع السيارات وتشوف الأسعار !!

وللتأكد أدخل مرة المعارض ومعاك سيارة جيب أمريكي , راح تجد الشريطية يحدون سكاكينهم !!:a120(72):

وإذا سألته ليش نزلة السعر هذه , بيرد عليك وبإختصار هذا الأمريكي معروف ينزل من سعره كثير < < وش راح ترد عليه وقتها ؟!:a1120(86): :bigggrin:

لكن لو معك تويوتا , فـ يختلف الكلام !! :xyxthumbs:

وبالأخير أحب أذكرك بـ وحش تويوتا ( سيكيويا ) فـ هذه السيارة جميلة جداً جداً لمن يبحث عن الفخامة والراحة التامة واللي تتفوق بوجهة نظري من الجمس !!

ولا يهون اللاند فـ هو يتفوق بكل شيء من وجهة نظري إلا في الراحة الأكثر , والبديل وقتها هو (( تويوتا سيكيويا )) !!

سلامي ~:xyxwave:

من ناحية الراحه هاذي ابطة على الجمس يجي اريح من الاند والله ياهو ذا الجمس معطينه اكبر من حقه عندي 2005 2500 وينه وين الراحه لافي خط ولاغيره يلعب لعب ....
واما الاند راكب 2008 جي اكس ار ايح من الجمس ولافيه مقارنه
لافي الخط ولاغيره ماشاء الله...

^

هذي المشكله

ولكل سياره لها ميزه ع الثانيه

ويشوف اللي يميل له اكثر وينفعه ويحتاجه ويناسبه اكثر من الثاني

ويستخير الله بعدها

ههههههههههههههههههههههه
ان جيت للجد وانا اخوك راح يحيرونك كل واحد يمدح بنوع
الله ييسر لك السيارة اللي تلبي رغباتك
ولا تنسى الاستخارة

الله يوفقك في السياره الي تبيها وانا من ناحيتي هذا ترتيبي ::

دينآلي
لاند كرورز
باترول

والله الموفق واهم شي صلاة استخارهـ

وش جاب لجاب

الاند مريح , بس الاخ يقولك ان الامريكي الافضل والاريح

فهمت ولا اجيب سبوره ؟ :bigggrin:

وعلى طاري الاسعار

الامريكي الحين مهو مثل اول واللي ع خبرك

سوبربان 2006 نظيف , مسيوم بـ 90 :wink: السوق غير يابعدي .. مره يزود مره ينزل

وانا ابقعد احتري الاند الى الشتاء الجاي عشان ابيعه :tongue:

وكذلك الخرابات , الامريكي الحين عكس اول تحسبه زي تويوتا

واجزم انه افضل من الياباني حاليا بسبب تدهور تويوتا

وتسد شفت بهالقسم مقطع فديو لآجنبي معه فورد ماشي عداد الطبلون كامل

وصفره ورجع مشى زياده اظن 10 الاف او 100 الف

فيه ياباني مثله :bigggrin:

انا جربت الباترول LE ، من مميزات السيارة :
- عزل صوتي ممتاز جدا
- محرك مرعب و فيه عزم جبار
- مكيف ذو أداء مميز
- تنقيلات القير ناعمة و حتى قيادة السيارة فيها نعومة تحس كأنك تسوق سيارة سيدان فخمة

اذا كنت بتشتري انتظر الين تنزل الدفعة الجديدة من الباترول لأن الدفعة الحالية فيها بعض المشاكل ( المتوقعة ) كونها أول دفعة من السيارة

بالتوفيق