باركو لي شرائي تاهو وابي رائيكم

الف مبروك=

دامك ما اخذتها احسن

أحس فعلا ان السعر جدا غالي

انا لاقي يوكن سعودي 2008 ب 95 الف فل كامل ودينالي بعد


دور غيرها وبتلقى ان شاء الله

الف مبروك والله يكتب لك الخير .... ولي عودة وتعليق على بعض النقاط

مبروك 100% افضل من الياباني

الله يعطيك خيره ويكفيك شره

بالبركه بالبركه وعقبال ما أستلم سيارتي

الف مبروك الموتر والله يعطيك خيره ويكفيك شره ..

وبالبركة إن شاء الله ^^^^

حاول تنزل من سعرها حبتين ..

شاكر لكم ردودكم ..وتفاعلكم

طبعا السيارة مضمونه مكينة وقير ودفرنس ومكيف .. من صالة الإبداع بالشفا ضمان كامل يعني مو نسبة ..

بالنسبة انا كنت ابي اشتري وكالة 121000 تاهو LT مافيه اي مواصفات ..
الا الوالده الله يخليها تقول هذا للعائلة ..وانت تبي لكزس خذ لك بعدين وحده صغيره..
ياحليلها تحسب اللكزس بـ 90 الف ..المهم هي عجبها الموتر

طبعا اللون دم الغزال .. السيارة ماشاء الله تبارك الله فل كامل ..ناقص لها بس فتحة
جنوط دينالي عليها ..أسأل الله بأن يعطيني خيرها ويكفيني شرها ..

استفسار يا اخوان الآن هل اخليهم يغيرون الزيت والسيفون والفلتر وكل شي لأني باقي مافحصتها ..اخذت تقرير CARFAX بس السايرة عيها ملاحظة وحده ..ان صاحبها عليه رهن وما سدد بس..والباقي سليم 100% باقي لي فحص السيارة وبغذن الله راح اسويها عند دار السلام اللي بالشفا .. هل هناك نصائح

زود 20000 وخذ lt جديد 2010 ،، لكن جعله مبروك ومركوب العافية

سعرة غالي شوي والله يوفقك

ألف مبروكـ يعطيك خيرهاا ويكفيك شرها

بس 107000 والله غالي ..

مبروك السياره الله يعطيك خيرها ويكفيك شرها .

شوف احد الأخوان بالمنتدى العام للسيارات وضع تقرير مجاني مقابل تبرع لأحد المؤسسات الخيريه بــ10 ريال تكسب اجر وراح يطلع لك التقرير,,اما اصحاب المحلات اللي عندهم الخدمه هذي ياخذون70 ريال ..وترا ترجمة التقرير سهل جداً وهو يعطيك اهم اربع امور ,الحوادث ,ولاستعمال شخصي او تجاري وكم اللي اسخدموها ,والصيانات اللتي عملت لها,والمسافه المقطوعه حتى تصدير المركبه.فيه امور اخرى عن الأعطال والّرشه وخلافه تجدها اسفل التقرير ,,

http://www.assayyarat.com/forums/thread205352.html

طبعا راح اجيب اليوم رقم الشاسيه ..واطلع التقرير

طيب ممكن اعرف مركز فحص جيد بالشفا ما يكون متعاون..

الله يعطيك خيرها ويكفيك شرها أما بخصوص يوم يقولون لك لو أكتشفت فيها رش او مشكلة لو بعد سنة تقدر ترجعها لا يهمك كلامهم ولا كلام غيرهم صراحة هالصالات في السعودية ماتدري من تثق فيه الأكثرية لا ذمه ولا ظمير وأخرت موضوع في هذا المنتدى اللي شرى أكاديا من أحد الصالات وأخرتها يوم سوى تقرير الكارفاكس حصل ملعوب في العداد . أنت أطلب تقرير الكار فاكس عن السيارة وراح يبين اذا كان لها مشاكل في أمريكا وبعدين تقدر تفحصها وفي أحد المراكز المتخصصة مثل الغروب وكارتر أو البريدي على ما أظن بالنسيم لأن عندهم أجهزة تكشف اذا كان هناك رش ويعلمونك اذا كانت السيارة كويسة أو لا.