مشورة بسيارة يابانية للكرف

بخصوص الإبيكا فانا كتبت موضوع عنها قبل شوي


http://www.assayyarat.com/forums/thread211197.html


سيارة جيدو جدا وسعرها رهيب بالنسبة لمواصفاتها لكن فيها عيب واحد قاتل وضحته بالموضوع السابق م حل له اقراه قبل لا تشتري ...




بخصوص الموضوع اشكر الجميع على مداخلاتهم وفعلا احدكم صدق يوم قال 80 الف تقسيط ما تجيب اللي ابيه عشان كذه بأجل الموضوع لين اجمع مبلغ اضافي وربنا يفرجها


وتقريبا انا حاط عيني على كامري او أوريون ...اذا صرفية الأوريون اكثر بكثير من الكامري فبيكون الخيار كامري


بخصوص الهوندا كويسة ما عليها لكن فيها عيب واحد غير سعر القطع المرتفعة هو البدي حقها عمره قصير يعني لو تقارن كامري مع هوندا حتلاق الكامري محافظ على شكله حتى مع تقدم السنين اما الهوندا لا ...



بخصوص الكوري لا ما اعتقد بجيب كوري هالفكرة لغيتها تجربتي مع الإبيكا كانت جدية وخدمتني صحيح لكن طلعت عيني المشكلة اللي فيها

لو مكانك ..

هوندا أكورد 6 سلندر 2009

أو

اوريون 2009

وسلامتك .

أولا الأكورد
وثانيا أوريون

ملاحظة بسيطة : فيه ناس كثيره تشتكي من الكامري 2010 بخصوص المكيف يقولون زفت مره وفيه اثنين أعرفهم يقولون المكيف مره فاشل خصوصا في الظهر يقولون أفتح الدريشة أحسن لي من هالمكيف :bigggrin:

مبروك مقدما

صعب تلقى سياره يابانيه من نوع سيدان متوسط الحجم بالاقساط 80 الف ,, اقل شئ اعتقد 95 الف بالاقساط وهي الالتيما اقل نوع قير اوتو

انا حالتي مثلك مافي الا قوه كرف وسفريات ويعلم الله انه السياره 100%

اخذها قبل 9 شهور والان ماشيه 57000 يعني تقريبا 6334 كم كل شهر ,, ماشاء الله تبارك الله

السياره فيها كل اللي تبغاه : راحه - قوه - جوووده - اسعار قطع الغيار والله حلوه

ولعلمك انا اتوقع انها افضل سياره في فئتها ماتصرف بنزين الى الان ماشفت سياره مثلها في الصرفيه ماشاء الله عسل عسل

كل 800 كيلو 50 ريال هذا طبعا مع المشي حقي 180 طول الطريق يعني لو امشي 140 ايش راح يكون ..

والله انصحك فيها

والله يكتب اللي فيه خير لك

اخوي كيف بتحصل سيارة يابانية بالتقسيط تطلع 80 الف ؟

نصيحتي لك وجه السؤال بالقسم الكوري وراح تحصل على اجابات تبيض الوجه :xyxthumbs:

الله يرزقك ماتتمنى

العالم الغربي يعتمد على السوبارو كثير كسيارة مصنعه

من مواد ذات جودة عالية .. وأنـا أتفق معاهم في هذا

الشيئ .. وهي سيارة اسعارها معقولة ورياضية .

نصيحتي لك

نيسان تيدا هاتشباك

او اكورد كوبيه 4 سلندر

تحياتي لك

انصحك بالكامري وشوف الاوريون اذا تناسب
ميزانيك وكل التوفيق مع تحيــــــــــاتي

أكورد موتر خطوط راسي بمعنى الكلمة ثبت السرعة و إنس مهما كانت الظروف الجوية

سواء الهواء بالعكس او مع الجنب ماشاء الله ما تتحرك إسأل مجرب وبالنسبة لقطع

الغيار موديل 2008 قطع الغيار صارت أرخص من سيارات كثيرة راح أضرب لك أكثر

من مثال فحمات أمامية و خلفية ب 425 ريال مع العلم الأمامية أحيانآ تمشيك 60 الف

كيلو أو سنتين الخلفية جلست معي 9 شهور مع العلم الناس تشتكي منها

صدمات أمامي وخلفي الواحد ب 485 ريال

رفرف ب 600 ريال

وقطعها معقولة وارخص من سيارات يبانية و إنزل بنفسك وتأكد طبعآ اسعار وكالة

عبدالله هاشم .....................................................................................

بالنهاية كل سيارة لها عيوب ولكن نحن نبحث عن الأنسب للإستخدامنا و أنت تقول

كرف يعني هوندا .. خطوط تعني الأكورد ولاهو إنقاص من مستوى باقي السيارات مثال

الكامري والاوريون والألتيما ولكن أشوف الأنسب هي الأكورد والله يوفقك

انصحك بالاكووووورد

اخوي اذا بترجع تفكر في مسألة (ياباني)
انا بقولك خذ لك سوناتا نص فل فتحه وموصفات حلوه بـ68 الف وش تبي بعد ومن عندي تكرف لك اقل شي 5 سنوات قدام ما تغير فيها شي الا القطع الاستهلاكيه

اما اذا كنت شارط انه يكون ياباني فأنا اقولك اليباني مو مثل اول كله مشاكل خاصة التايوتا فعشان كذا اذا كنت مصمم على ياباني مالك الا الهوندا سياحي او التيما اي

آنصحك بالآلتيما يا وحش

ما شــاء الله تبـــارك الله رووووعه و فوق الوصف ١٠٠٪ ما راح تخذلك

حقت كرف و مريحه و حقت خطوط و سعرها شوي مرتفع لكن والله تستاهل و قطعها مرتفعه شوي و حالها حال السيارات الجديده كلها غاليه بالنسبه للقطع

و الآهم المحافظه عليها و تدلعها ^ــ^

و آسآل مجرب :)

و الله يبارك لك فيما تختار

أكوووووورد

ياليت تتكرم لنا بموضوع وتجربتك الشاقة مع الابيكا نكون لك شاكر ..اما نصيحتي لك الالتيما الاربعة سلندر مناسبة جدا

اخوي اول شي الف مبرووك مقدماً

نصيحتي لك خلك على السيدان المتوسط الحجم

اكورد او اوريون او التيما

وبعد عن الصغار لان في الخط متعبيييييين مره

واذا على الراحه ابعد عن الهوندا

لانها قاسيه ومتعبه للظهر انا اشوف التيما انسب خيار

سياره مريحه مواصفات قوية سعرها لك عليه شوي بس تستاهل

ليش يتلحط هذا الكدادة والليموزينات يوصل ممشى السيارة 500ألف والسيارة زي الفل

وبعدين الرجال خص الأمر بالياباني لو عمم الأمر كان قلت له الفورد

وبعدين الأكورد سيارة لا يختلف عليها اثنين لكن قطع نااااااار ونصب عيني عينك .

لو شلت خيار: مريحة. كان قلتلك لانسر او امبريزا

لكن اذا تبغاها مريحة مالك الا التما او سيفك او اوريون او تاخذ سيارة امريكية

والله ما يبيلها تفكير خذلك اكورد معروف انها الاكورد افضل سياره يابانيه ومعروف رساوة الاكورد بالخط ورح اسأل اي احد معه اكورد كيف سيارتك بالخط وتشوف الجواب

اخوي اذا تبي ياباني يكرف معك انصحك بالكورلا مع انها سيئة مابها راحة بس تكررف معك ..
وعن تجربة تبي موتر راحة وكرررررف الحماار اكرمك الله الالنتراا ماشاء الله واسعة ومريحة وداخليتها حلوة واذا تبي برضو اكسنت تكرررف بس مب مريحة:c0038:هذا طبعا اذا نظرتك للكوري زينة بالنسبة لي لو خيرت بقول النترا وتحيااتي اخوي