علبة الدركسون والقيـر ؟؟؟؟ مكسيما 99

حاجه غريبه !!

المشكلة ما فيه مركز ثقهـ .. واذا لقيت احد شغله كويس تلقاهـ ما يفهم بقير المكسيما ..

لان حسب كلام الورش يقولون قيرها معقد شوي ..

والله ودي اساعدك ولكن سيارتك تحتاج معاينه وخبير يعاينها ليعرف المشكله

و السموحة

غريبة !!

طيب وش تفسيرها اجل .. اذا الزيت بمستواهـ الطبيعي القير اوكي .. اذا الزيت ناقص تعلق بالتبديل من الاول الى الثاني ؟؟؟؟

الورش اطال الله عمرهم اذا جيتهم قالوا لك توضيب على طول ..

حتى لو كانت مشكلة بسيطهـ .. للأسف ما فيه ثقهـ

فورد افر فيها على ورش الصناعية كلها يقولون لي توضيب .. وبالصدفه اطيح عند واحد قال ولا توضيب ولا حاجهـ قطعة منظم سعرها 60 ريال وشغل اليد 150 ريال كلها 210

شفتوا الفرق ؟؟ من 3000 ريال .. صلحتها بـ 210 ريال

والمكسيما الحين من يعطينى الحل ..

طيب اخوي ليش مش من الدوده وهي تؤثر على المحرك من ناحية تعادل الهواء مثلا لو لفيت على الاخر في الدكسون يختلف هواء المحرك وتختل كذلك قد يؤثر على حركة الجير
لو صلحت الخرطوم او مكان التهريب اعتقد ان مشكله الجير بتنتهي
وكثرة التهريب من هذا الزيت قد يخرب لك اسلاك ثانيه او مشاكل ثانيه مثل الجوزات

الخرطوم و الدودة كلها على جنب



فكرت في هذا الموضوع لقيته صعب جدا
حتى وان كان الزيت هو نفسه حتى وان كان مبرد قريب من الباور ستيرنج او الراديتر ولكن الجير له قياس مختلف مثل ما انت عارف مثل قياس الماكينه
وانت لما تصب مكان علبه الزيت للدركسون مكتوب عليها باور ستيرنج وليست ترانسميشن
برغم من ان الزيت واحد
ولكن كل جهاز منفصل

لا يالغالي ما اعتقد انه من الدودهـ لان التهريب جهة اليمين فقط ..
اعتقد كما قلت انه من اللي ..

لكن مو هذي المشكلة .. المشكلة عندي اذا نقص زيت الدركسون تصير المشكلة اللي بالقير واذا الزيت طبيعي القير طبيعي ..

اللي مجنني وش دخل زيت الدركسون بزيت القير .. هل مركز التغذية واحد ؟؟؟ (( يعني العلبة اللي تنعبى مشتركه بين القير والدركسون نظرا لاتحاد الزيت ))

مو معقوله تجي بالصدفهـ !! اتمنى رد مقنع

حياك الله

باين ان التهريب عندك من الدودة او كما تسمى من بليات الدركسون وهي الي تسرب ويجب فكها وتبديلها او تصليحها بشراء كازكيتات جديدة وتركيبها وان كانت البليات الي فيها تحتاج تغيير او شي منهم متكسر يتبدل و الزيت الي على الجنوط سببه التهريب الي من تحت في الدودة الدركسون ولكن الافضل تتاكد قد يكون من الخرطوم الموصل لها وليس فيها وبذلك يكون الموضوع اسهل يعني مجرد تبديل خرطوم ولو ان مكانه في الضيق ولكن سهل عند اهل الورش ان شاء الله

زيت الدركسون ماعندي علم اما زيت القير يهرب عندي من له 4 سنوات ناس يقولون من الصوفه وناس يقولون الوجه الوكاد زرقتها الى يومك هذا كل ماغير زيت ازيده زياده سياره مكسيما قير عادي اذا سيارتك قير تماتيك صلحه فوراا