السلام عليكم راح اكتب المشكله بالترتيب كثر ما اقدر
السياره : تاهو 2007 وكيله الغانم بالكويت LS 4X4
الممشى: 88 الف كيلو
المشكله بالتفصيل من اول ما لاحظتها
--قبل اسبوعين تقريبا و انا راد ويا الاهل الظهر الجو كان شوي حار , بعد ما طولت بالوقفه ناطر الاهل , حركت الموتر ولا صار ثقيل و زين منه يشيل وزنه كأنه 4 سلندر ضغطي 2 و السياره يالله شايه نفسها على ممشى 60 , مشيت في شوي و ايدي على قلبي و فجأة بعد كيلو تقريبا رد خفيف الموتر و كأنه مافيه شي , قلت اكيد من زيت موبيل 1 لزوجته كانت -5\30 اعتقد قريت ان الزيت اذا لزوجته مو المطلوبه ان راح يصير تأخير في التبديل بين من عمل 8 سلندرات الى 4 و العكس .
--بدلت الزيت بزيت الوكاله و الفلتر معاه مع اني كنت ماشي عليه 7 الاف و اهو يمشيني فوق ال 15 الف ,المشكله خفت و راحت فتره او انه لأنه ما وقفت فتره طويله بجو حار , امس كنت راد الاهل من الجامعه كان الجو حار , فجأة ردت المشكله و صارت السياره تثقل اكثر و اكثر الى ان صارت ما تمشي قبل لا توقف وقف ال ABS-stablitrack و ارتفعت الحرارة الى تحت ال ثلاث ارباع طفيت السياره و نطرت اخوي ياخذني , وصل اخوي شفت الغايش (حزام المكينه) مافيه ولا الراديتر مايه تمام و كل شي اوكي هوز الراديتر كان شوي مضغوط مافيه ضغط عالي ,جربت اشغل السياره ولا ما تشتغل كأنه بطاريتها ضعيفه و البطاريه من الاصل ما غيرتها من شريت السياره .يعني من الوكاله
-- خليت السياره و جيتها بعد ساعه اشغلها السياره ميته كأن فاصلين البطاريه عنها ولا حتى اشارة الخطر شغاله , وديته كراج اعرفه على سطحه اول ما شاف السياره قالي بس بطاريه , سألته ليش احترت السياره اذا المشكله من البطاريه,قالي لأنه صار الضغط كله على الدينمو و الدينمو بروحه ما يلحق على السيار و البطاريه ما كانت اوكي , بدلت البطاريه و شغلت الموتر ولا كأنه فيه شي عبيت بانزين و رديت البيت
--اليوم و انا راد من مشوار بعد ما وقفت فتره في اشاره مشت السياره طبيعي و بعدها و حوالي 400 متر ردت ثقيله كأنها 4 سلندر و الموتر صار يالله يشيل نفسه و السياره تهتز مشيت على سرعة 80 حوالي 3 كيلو و فجأة ردت السياره خفيفه و مافيها شي.
الحين توني واصل البيت و منصدم من السيارة
-استعمالي لاني راعي مطارح ولا تفحيط و البر ما ينزله الموتر الا بالشتا
هل المشكله حساس تبديل من 4 الى 8 سلندر مع العلم ولا علامه شابه عندي بالطبلون .
