هلابك اخوي اول حاجة اذا كان الرديتر اصلي يبي له تسييخ وماء اصلي وتشيك ع كلتش المروحة واذا بتقدر تركب مروحة كهرباء اضافيه (تبع ميتسوبيشي او سوبارو) قدام الرديتر حلو راح تثبت لك الحرارة وانت واقف والمكيف شغال واذا كان الرديتر تجاري(سعودي) شوف اقرب زباله الله يكرمك وروح التشاليح راح تحصل اصلي او نحاس امريكي افضل من السعودي والاردني من ناحية ان السيارة تطفى اذا ارتفعت الحرارة 80% من طرمبه البنزين اذا كانت طرمبته ميكانيكيه(تجي بالمكينه) بدلها سعرها ب80 ريال على خبري بها ثانيا الكمبرسر مافيه مشكله عموم الامريكي اذا وقف يقل تبريده او اذا ارتفعت الحرارة وانتبه ترش ع الرديتر مويه ترا راح يكسر القزوز عليك ويمكن يشعر الراس لكن سو اللي قلت لك عليه وراح تدعي ان شاء الله لأني مجرب قبلك في بيوك بهذلني بالحرارة وعقبها تمام وبالتوفيق ............
انا اويد الكلام الي فوق لان برضو عندي كابرس 88 وترتفع حرارتة اذا وقفت بس انها ماتوصل النص صراحة يعني بين النص والربع والمكيف يقل تبريدة خفيف مو مرة لاني تقرريبا صاير مغير الريدييتر حوالي 5 مرات مابين حوادث الى صدا وعندي رادييتر 5 رصات مدري من وين جايبة لي الفني بس انه رهيب.
اذا انت بالرياض عليك بالصناعية القديمة وروح شارع الجميعة يا شيخ تحصل هناك مخترعين ويحلون مشكلتك بأذن الله
