مكيف +حرارة اليوكن ياهل الخبره

الف شكر لك عزيزي محبكم 2010 ويعطيك الف عافيه راح اشوف لي التشاليح او محلات اللي تجيب هالشغلات من الخارج واشتري المراوح واركبها بس اي مراوح حقت يوكن تركب على موتري ؟

البرمجة اخوي وهي انه اذا السيارة وصلت لدرجة الحرارة المطلوبة في هذا الوقت تكون المراوح مطفأه اما اذا زادت الحرارة عن تقريا 90 درجة تشتغل المراوح وايضا مع المكيف اول مايشتغل تشتغل المروحتين مع بعض بس مو على سرعة عالية حتى اذا حميت السيارة او المكيف مابرد زين تشتغل المراوح على سرعة ثانية وتكون قوية مرررررة تسمع صوتها عالي وهذا طبيعي من قوة المراوحه فانت لاتعمل دايركت اول ماتشغل السيارة تشتغل المراوح لانه راح تستهلك بشكل سريع فارجوا انك تسوي البرمجة واتوقع انه اغلب المحلات يسونها وبعضهم على كتاوت .

الف شكر لك عزيزي الباشا 606 وبارك الله فيك

والله اول ماشفت ردك رحت وشيكت على المروحه مثل ماقلت لي والسياره كانت بارده لها يوم واقفه شفت انها جامده وما تحركت بسهوله واعتقد انها طبيعيه

تحياتي لكل الاخوان الي ردو بس حبيت اوضح شغله انا معي يوكن 200xl وبلعكس ماشاءالله تبارك الله مافيه المشكله الي تقولو عنها ومع العلم انه امريكي .
انا اتوقع ان مشكلتك في تماتيك المروحه فهو يسبب الاوصاف المذكوره من الحراره ومشكله التكيف .
اذا بغيت تعرف ان كلامي صحيح افتح كبوت سيارتك الجمس وحرك المروحه اذا لفت المروحه بسرعه .. فعليك الاخذ بنصيحتي وتغيير تماتيك المروحه
واذا حركت المروحه ويالله تحركت يعني تحسها ثقيله . فذلك يعني تماتيك المروحه تمام التمام . ويليت ترد بعد ماتجرب الحركه وراح ادلك على معلومات افضل
وتقبل تحياتي

كيف يعني اعمل لها برمجه ؟

ممكن تشرح لي كيف اعمل كل هذي العمليه

وانا والله ناوي اشيل المروحه حقت الوكله عشان اهيا دوشتني واحس انها عمله جهد على المكينه فياريت تنوني عزيزي

باذن الله راح ترتاح بس سوي لها برمجه مثل حق الوكاله واتوقع المروحة اللي تدور مع المكينه لازم تشيلها عشان المسافه تكفي هذا اللي عندنا كذا 2005 ولاتنسى ترد لنا خبر .

يعطيك الف عافيه

يعني لو اغير المراوح راح ارتاح وانسى مشاكل الحراره وارتاح ببروده التكيف

شاكر لكم كل اهتمامكم وتقديركم ان شاء الله في ميزان حسناتكم

الجمس من موديل 2004 أو 2003 وتحت نفس المشكلة
اللي هي مع تشغيل المكيف والوقوف ترتفع الحراة فوق النصف المكيف ما يبرد القير ما يعشق صح وبعد ما تمشي تنخفض.
كل هذا يعود إلى أن المروحه على كلتش سرعتها محدوده وفوق ذلك تجهد المكينة

حلوها من 2005 عندي واحد سعودي مراوح كهرب لاحظت إنها 2 أمام الرديتر
مكيف تبريد عالي حرارة تمام تعشيقات تمام

بحثت عن حلول لجمس آخر لي موديل 1991 مع المكيف والوقوف ترتفع الحرارة ويلخبط بالتعشيقات مع إن تبريده في الوقوف حلو ومع المشي تنخفض
فسرت المشكله كالتالي:
بما أنه مع المشي تبرد السيارة ومع الوقوف ترتفع فهذا يدل على عدم توفر الهواء أكثر لتبريد المحرك زيه زي المشي
فكرت في الآتي
1/تغير مروحة المكينة بمروحة بعدد ريش أكثر لنه كثر الريش يسحب هواء كثر للمحرك
وجدت مروحة سيارتي 5 ريش فقط
بحث عن مراوح فوجد ماروح جمس ما أعرف موديله بس المهم 7 ريش ولقيت بع 9 ريش هذا بيوفر لي هواء زيده

2/عندي مروحة إضافيه كهربائية من وكالته لكن ما تأدي في تبريد المحرك لكن إنها أفادتني إنها تبرد رديتر المكيف فيبقى تبريد المكيف عندي تمام
لكن أب ي أضيف بدل المروحة مروحتين ذات سرعات عالية زي مراوح الرنج جبارة لكن غالية في التشليح كيف الوكالة وفيه المرسيدس والسوبارو
لأنه إذا جت سرعة عاليه جداً راح تبرد أقوى وتبرد رديتر المكيف وتعديه للرديتر الماء ويبرد والمكينة بعد
3/ فكرت كيف يصبح صوت السيارة والمراوح
قلت المروحتين الكهرب كل وحده على سويتش لحاله
الأولى مع تشغيل المكيف وتظل شغاله على طول مع المكيف بس يعني إذا طفيته تطفى
الثانية بسويتش داخل السيارة إذا جيت اوقف أشغل لما أمشي أطفيها
وفيه اقتراح إنك تركب حساس لها لما توصل درجة حرارة معينة تشتغل ولما تنخفض تطفى

هذي كلها فكرة دارت برأسي لكن ما أدري أحد يوافقني الفكرة لأني ماجربت

أتمنى منا قشة الأفكار


تحياتي

اخوي اذا كانت ترتفع بشي بسيط عن النص هذا طبيعي لكن اللي استغربت منه المكيف يصير حار!!


تاكد من ان المراوح سرعتين مب وحدة

السرعة الاولى مع المكيف والثانية مع ارتفاع الحرارة

هذا اللي اعرفه حتى اني قاريها بكتالوج الجمس 2006

الف شكر لك عزيزي

أبد عندي جمس 96 نفس المشكله

اذا وقفت + مكيف = ترتفع الحراره والتبريد الله بالخير

مايبرد الا إذا مشيت

لكن انصحك تسلّك الرديتر وتسوي له تنظيف كامل
خل الصدى يطلع ويخف ان شاء الله

الف شكر لكم اعزائي على النصائح الطيبه

والله انا اشوف اليوكن اللي مع الوالد (2007) حمار مكدة وانتم بكرامة

4سنوات كد في المزارع وداخل الرشاشات وجر عربات ومقطورات واستخدام عائلي وتحت اكثر من رجل وسفرات في كل حدب وصوب لآلأف الكيلومترات ولله الحمد ماصار له شيء عكس كلام وكالة يقولون
على العموم لاتنسى ان ماعندك فنيين أصلآ ولا وكلآء ولاحماية مستهلك .

أتوقع لو تحط مروحة إضافية على الكوندنسر مال المكيف راح تروح المشكلة، يعني لما يكون المكيف طافي أكيد الحرارة ما ترتفع ، إذاً الخلل من المكيف وشي طبيعي لما الحرارة ترتفع فإن الكهرباء تنقطع عنه ، وعلاج هذي المشكلة إما بتغيير المروحة لأنها خربانه أو تعديل مؤقتها - بعضهم يخليها دايركت - يعني ما تطفي بالمرة. أو بتركيب وحدة ثانية أقوى بعضهم يحط ثنتين وحدة من الأمام تشفط الهواء و الثانية أو الأصلية ورى الكوندسر وهي تسحب الهواء.


هذا الحل إللي أتوقعه مناسب .

عليكم السلام ورحمة الله وبركاته
اخوي انت نظف فلتر الهواء او غيره اللي تحت درج الراكب وايضا نظف ثلاجة المكيف وان شاء الله بترتاح .
الحمدلله عندنا يوكون 2005 ومراوحه كهربائيه والحمدلله ماشتكينا من شيء مشاء الله تبارك الله .