مشكلة بعد تركيب الزينون على السيارة

^^^^^^^^^^^^^^^^^^
تفضل ياطيب
هاذا القطعه اللي تحتاجها
تقدر تطلبها من المتجر اللي بحط رابطه وان شاء الله يضبط
تلقاه في اخر الصفحه تحت
http://www.jethmarstore.com/9007.htm

الله يعطيكم الف عافيه اخواني على المشاركة والمساعدة

وصلت لشي بس مو حل يعني .. حللت المشكلة وطلعت بالنتيجة اللي ذكرها الاخ

فورد 2004

فعلا مثل ماذكر 55 وات .. والزينون اللي عند فعلا 35 وات والكمبيوتر يقراها

كأنها محترقة او ضعيفة او مش موجودة

بحاول اطلب الكانسلر .. اللي يلغي المشكلة قرأت عنه لكن مو كثير

اللي فهمته انه يخلي كمبيوتر السيارة يتجاهل الخطأ وكأنه مو موجود

او مو مشكله كل شوي الغيه بيدي خصوصا انه يطلع في اول تشغيل بعد كذا يروح

ومايرجع الا اذا طفت السيارة واشتغلت عموما مافي شي يخوف ان شا الله ..

الله يعطيكم الف عافيه جميعا على المساعده

هي مو مشكلة

هذي طبيعي تصير في اي سيارة

اقولك ليش

لان الوات حق الشمعة الهالوجين العادية بيكون عادةً فوق 55 W
انا الزينون ما يسحب غير 35 W
طبعا اذا الكمبيوتر ما طلعت القراية عندة 55 وكثر بيتعرف ان الشمعة محروقة او فيها مشكلة ضعف مثلا
وهذا سبب الظهور العبارة في كمبيوتر السيارة
وانا اشوفها طبيعي
او انك تشوع محولات تسحب 55 W وهذي نادرة
او انك ترجع نور الوكالة

يارجال قل اللهم اني استودعتك السياره
سيارتك ياغالي ان شاء الله مافيها أي مشكله مثل ماقال نور المنتدى الاخ أمير بكلمتي مشكله قراءه فقط لاغير

الله يعطيكم العافيه ياشباب ماقصرتوا ..

بس لازالت المشكلة موجوده جربت كل الطرق بصراحه .. فصلت البطارية وسويت كل شي

هو مافي مشاكل غير هالعله اللي تطلع لي على الشاشه اذا شغلت النور واذا كبست

طبعا الكمبيوتر المتخلف يقراها زي كأنها محترقه لأنه مايشوفها هو يشوف جسم غريب

داخل للسيارة بس ولاهو عارف وشو ..

بس صراحه احسها مشكلة عويصة لأن الظاهر مالها حل

يعني شلون الا غصب مايبوني اركب زينون ؟؟

هو بيني وبينكم الضمان حق الـ 60,000 كيلومتر او 3 سنوات

خلص السيارة وصلت 70,000 الان

ويوم صيانة الستين قالي حق الصيانة خلاص هذا اخر صيانة تحت ضمان

قلت يبو والضمان الممتد قال ايه الضمان الاول يشمل تغيير القطع على حساب الوكالة

من بعد الستين للـ 200 او 5 سنوات قير مكينة دفرنس مكيف

بس ماني متذكر جاب طاري الكهرباء ولا لا

عموما قلت له يعني الحين اركب اي شي او اضيف على السيارة عادي

قال ايه عادي مافي مشكلة

لو اتذكر انه قال لا .. ماركبت ولا قطعه اضافية بالسيارة

الضمانات الممتدة هل تشمل كهرب السيارة ؟؟

اللي اعرفه قير ومكينة فقط + دفرنس في حالة انها جيب يعني الدبل اقصد

يبي لي اقرا كتالوج الضمان الممتد

بس خلونا من الكتالوج الحين .. وش السوات بهالمشكلة ؟

تدرون وش يعجبني في الامريكان ؟؟

انهم ماعطوا الوكالة وجه .. اشوفهم بالمنتدى حقهم انواع الترهيم والتضبيط ومع انهم يعرفون كلش

الا اني لقيت بعض المواضيع في قسمهم تتكلم عن المشكلة هذي وكل واحد يشتكي منها يعني متكرره معهم

بس بعضهم يقول لا شغال معاي زي الحلاوه مافي مشكلة والله احترت صراحه

أغلب الي يركيبوا زينون يركبوا كتاوت الأنوار او كما تعرف بالظفيرة الصفراء

عشان لا قدر الله واصبح فيه مشكلة متتأثر اسلاك الوكالة وانما يكون العطل على نفس الظفيره

أخوكـ

حياك الله يالغالي فيه طريقه وممكن تنجح معك ان شاء الله
وهي انك تفصل البطارية من السيارة نهائيا لمده 5 ثواني تقريبا وبعدها ارجع اشبك البطارية بحيث ان الكميوتر يسوي تشك من جديد وان شاء الله تختفي هالمشكله

ومن ناحيه الزنن مافيه مشاكل باذن الله اذا كانت الكتاوت والظفاير ممتازة ونوعيه ممتازة واهم شئ الشغل النظيف
وماعندك اي مشكلة
ومن ناحية ان الزنون يكون قوي على اسلاك الوكالة فهذي معلومه غلط لان الزنون كما هو معروف يكون استهلاكه للطاقه اقل من انوار الهالوجين العاديه ويعطي قوة اكبر
وهذا سر الزنون

انا مركب زنون كلف عليه حوالي 2500 ريال والسيارة جديدة مامشت 10 الاف كيلو والى الحين ماواجهت اي مشكلة والحمد الله
اما الوكالة فالله يكون بعونك لانه ينلغي الضمان مالك الا تفك الزنون قبل ماتوديه الصيانة وبعدها ترجع تركبه.... صح مشوار لكن كل شئ الا الضمان

عموما جرب افصل اصبع البطارية وعطني خبر


موفق خير حبيبي

اخوي ابو راكان الله يعطيك العافيه ..

الزينون جاي معاه كتاوت ..

مشكور وماقصرت

--------------------------------

اخوي امير بكلمتي

يعطيك العافيه .. كلامك مضبوط هذا اللي انا حللته .. الكمبيوتر مايقدر يقرأه

محولات الزينون .. لكن اللي جالس افكر فيه كيف الغي هالمشكله وماتطلع لي كل شوي

بيني وبينك فكرت اوديها البيان الجديد يحاول يبرمج فيها او يشوف لها حل بحكم انهم

متخصصين بالفورد ..

وكلامك برضو صحيح لو رجعت انوار الوكالة وفصلت محولات الزينون من اسلاك الوكاله

راح يستوعب الكمبيوتر ويرجع طبيعي

لكن بما انك ذكرت هالنقطه حبيت استفسر عن شغله ثانيه

الحين الرجال ركب لي الزينون على نفس سلك الوكالة بدون ترهيم او تغيير شي

لكن اللي ابي اسأله هل في مشكله انو التركيب على اسلاك الوكالة اخاف لا سمح الله تسبب شي

مادري عن اسلاك الوكالة تتحمل الضغط العالي حق الزينون ولا مالها دخل ؟؟

انا شفته اخذ كهرب المحولات من البطارية .. واسلاك الشمعات مشبوكه باسلاك الوكالة

بدون تغيير .. يعني على فيش الوكالة ماغير شي .؟

بصراحه اول مره اركب زينون واخاف يصير شي لاسمح الله واقول ياليتني ماسويته

ودي احد يفيدنا بعد عن الموضوع ؟

علما بأن السيارة تحت الضمان الممتد .. وليس الضمان العادي .. لأنه خلص على 60.000 كيلو وبدأ بالضمان الممتد قير مكينة دفرنسات لكن بالتأكيد بيقولون لي انت ركبت اشياء اضافية

وعليكم السلام ورحمة الله وبركاته

بصراحة أنا اشوفه طبيعي جداً والسبب ان كمبيوتر السيارة جالس يقرأ من المحول على انه نور واحد فقط

ولكن عند تركيب سلك الوكالة في شمعة الوكالة راح تختلف القرائة على انه يقرا نورين

لذلك ماعتقد فيه حل الا اذا رجعت انوار الوكالة

أخوكـ