اشكركم يااخوان على التفاعل لكن تسرعت وخليته يشتغل عشان كنت بالحيل مستعجل
واليكم النصب بأم عينه اكتشفت اني احمق ودرس لن انساه
اخذ مني 1000 ريال تصليح الكمبيوتر(وهنا السرقة)
و370 ريال مفتاح وكالة مع البرمجة انا الي شريته وبرمجته عند محل مفاتيح
لكن تدرون ليش سرقوني عشان المفتاح فعلا تجاري وانا كنت مسافر وحر الرياض تخبرونه والمفتاح اصلا يرقل بس حرارة بسيطة جته تفتح من جهة البلاستك وماشيه السيارة حتىىىىىىىىىىىىىى انقطع جنزير الصدر بالماكينه(الصدفه)وطفت السيارة
وبداية تعاون الاخوان العرب في سرقتي بداية من صاحب الصطحة الي طق صدرة وقال ابشر بمن يساعدك ويدلك على افضل ورشة بالرياض ميكانيكي وكهرباء واسئل المحلات
صراحة بسبب سذاجتي وطيبة قلبي صدقت راعي الصطحة السوري الله لايبيحه اثاريه سلمني للمسلخ ابناء جلدته والله والله والله مارتحت لهم بس جيتهم الساعة 12 باليل وهو الورشه الفاتحة الوحيدة تقريبا وقرفان من نفسي وعندي مراجعه الصبح قلت اترك السيارة عندهم وافحصوها بكره وردولي يوم خلصت شغلي رحت لهم لقيته فاك الدنيا كلها
وطلعلي الكمبيوتر وقال محترق وقال يكلفك من التشليح2500 لكن خلني اصلحه لك ب1000 وظمان 3شهور قلت اشتغل يوم خلص قال رفضت تشتغل السيارة وفحصنا الماكينه لقينا الجنزيز منقطع ونزينه لك ب2500 يوم اكتشفت انها سرقه طلعت زعلان وجبت سطحة ابحملها ابطلعها لصناعية الجنوبيه الى يوم انقلبو 180 درجه كل شوي خصم 300 او 500 حتى صفو عل 1700 قلت انقلع بس ويجيني هاك الاردني من نفس المحل ويمسكني على جنب وقال لي (***********) وانا ابنفعك ومقدر وضعك وانك مسافر متعطل شوف اسحب السيارة وروح للورشه الفلانيه بيشتغله لك بس الجنزير فك وتركيب ب700 وفرحت وعشان اتحاشى النصبه رحت لمحل اخر وسعرت الشغل لقيته ب900 قلت اشتغل ياولد يابو700 وبخلال ساعتين اتصل علي وقال فيه مشكله بالعصافير وعمود التيمن بنظبطها لك قلت خلصوني بس يوم اشتغلت السيارة واتضح انه لاكمبيوتر ولا خرابيط الجنزير سبب المشكله قلت كم حسابك قال 1400 يوم بغيت انصرع بجنبه ليه وكيف ووش سويت قال زينت لك العصافير و التيمن كان حارف
وانا الغلطان الي ماخبرتك عن سعر الشغله الزياده ذي وانت كريم وحنا نستاهل وجدعت 1000 ريال واخذها من دون نفس ماكانت اللقمة الحرام كبيره تملا بطنه
وجيت داعس القصيم بالسلامه بعد خسارة 3200 الله لا يحللهم الحراميه حتى متسلفها
لكن اعتبر انه درس قاسي لي
احذرو من العرب والبنغال واحذرو من ورشتي هذي(أم الحمام-صناعية بن علي-ورشة رقم46)
وشاكر لكم صبركم علي لو انكم لستم مجبرين على قراءة قصتي ووفقكم الله
يا اخي الكريم :
انت سالت وانا اجبتك واستغربت من انه يوجد علاقه
بين خراب مفتاح السويتش مع كمبيوتر السياره :confused1:
على كل حال وبرايي الخاص : كان بامكانك تؤجل تصليح
السياره للصباح .. وشغلك تقضيه بتاكسي اجره مثلا .
