استفسار عن سيارة سنتافيه هونداي الوعلان

هونداي الوعلان @user_227555 · 19-06-2010

سلام عليكم ورحمة الله وبركاته

مساء الخير على الجمييع

والله يحييني بينكم :ch19:

ياجماعة الخير ماعندي الا سلامتكم :xyxwave:

مرة من المرارير قبل ايام ذهبت متجها إلى وكالة الوعلان وكنت أبحث عن سيارة عائلية للأسرة الكريمه وتكون بسعر ممتاز المهم طاحت عيني على السنتافيه وأعجبني وسعره في متناول اليد

المهم أستفسرت من الأخ المصري وحيد ( على طول عرفنا اسمه وعنوانه وتاريخ ميلاده :smilie16: )

عن الأسعار والمواصفات ومن هالكلام .. وفهمت منه أن موديل 2010 فيه تغييرات عن 2009 وخصوصا حجم المكينه اللي تغير من 2700 الى 3500 في السته سلندر واخترت فئة اقل من الفل أوبشن وفيها فتحه وتكييف مركزي والمراتب مخمل والاشياء الاخرى وسعره 85000 ريال المهم قال مر علي بكرى .. ومريت عليه وقال للأسف مافيييييه 2010 اتصلت على الرياض ويقولون مافيه ! وأنا اذب عليه العقال وقلت له تكفى ياحفيد الفراعنه افززع لي قال مابئدرشي :blue: ... قال فيه 2009 نفس المواصفات اللي أخترتها ولكن سعره 88000 وانتم تعرفون فرق حجم المكينه وزيادة على ذلك .. أغلى بـ ثلاث الالف ريال وأقدم سنه في الموديل ؟؟

كل الكلام اللي فوق تمهيد لسؤالي المهم ..واستفساري اللي يطرح نفسه

هل اتهور واطلب 2009 رغم قدمه وفرق حجم المكينه وارتفاع سعره شوي .. أو أنتظر لين ربنا يفرجها ويقول الأخ المصري انتظر لين تجي دفعه ويمكن ماتجي :c0214:

ننتظر اقترحاتكم وآرائكم التي تتمحور حول محور الموضوع .

البرق سامي @user_23153 · 28-08-2011

شكل الرجال مل من ردود الإنتظار وشرد
كلكم انتظر انتظر

نفسي اعرف وش سوى الله يوفقه

جمال القباطي @user_213892 · 29-07-2010

يا اخي انا من رأئي تنتظر شهر او شهرين الى ان تنزل الـ 2011 لانها سيارة قمة في الروعة ومختلفة عن الـ 2009 بكثر

هونداي الوعلان @user_227555 صاحب الموضوع · 28-06-2010

أمس رحت للوكالة وقالوا لي ان 2011 نزل بالرياض .

وسألتهم عن الاسعار قال للحين ماوصلنا شئ . راجعنا بكرى ( ياثقل دمهم )

المهم جيتهم اليوم الصبح ولقيت الاسعار كالتالي طبعا نتكلم عن السته سلندر حجم المكينه 3500cc

سانتافي 2011 بدون فتحة 86.200

سانتافي 2011 فتحه 87.800

سانتافي 2011 نص فل 95.300

بس ابي اعرف وش الفرق بين اللي بفتحة والنص فل ؟؟ فرق السعر شوي كثير ولكن ما أظن فيه فروقات كثيرة .. والفل أوبشن ماقالولي عنه الظاهر مانزل ..

وأخيراً فرجت .. وفكنا الله من ال2009 القديم والمكينه الضعيفه والسعر الغالي

د.فراس @user_215861 · 27-06-2010

نا شرائي للسنتافي مو عشان السيارة نفسها او شركتها

ولكن هي السيارة الوحيدة اللي تناسب ميزانيتي فما عندي مشكلة موديل السنه او السنه الجايه المهم سيارة ترفع رجلي عن الناس وتكون مناسبه للاسره ..

عندي استفسار عن سانتافي 2009 فل اوبشن رأيت بعض الصور في المنتديات أنه يأتي بحجم مكينه 3300cc صح هالكلام ولا لا وهل فيه نفقيشن

والله أنا من رايي إذا مو مهمه قصة الموديل ولا كثرة الميزات ... ومضطر الى الشراء الآن ... وموجود محرك بسعة 3.3L فل كامل كما نقل الأخ f.i2 فتوكل على وأستخر...

abunwaf99 @user_8349 Registered User · 27-06-2010

f

f.i2

اخوي خذ العلم الاخير

من 2007 انتجو مكينة 2.7

من 2008 الى 2009
بدأو بإنتاج 2.7 الى 3.3
من 2010
صار 2.7 و 3.5 للفل اوبشن

انا جاني عرض من الناغي سنتافيه 2009 مع كامل الاكسسوارات 3.3 بـ 85 الف
ومحتار وافكر تفكير جدي اني اخذه

سعر حلو لو جدييييييد

f.i2 @user_169085 · 27-06-2010

اخوي خذ العلم الاخير

من 2007 انتجو مكينة 2.7

من 2008 الى 2009
بدأو بإنتاج 2.7 الى 3.3
من 2010
صار 2.7 و 3.5 للفل اوبشن

انا جاني عرض من الناغي سنتافيه 2009 مع كامل الاكسسوارات 3.3 بـ 85 الف
ومحتار وافكر تفكير جدي اني اخذه

د.فراس @user_215861 · 27-06-2010

مع البحث والتجول في المواقع المرتبطة بشركة هيونداي وجدت أن شركة هيونداي تنتج سنتافي بـ7 محركات 4 منها بنزين وهي على النحو التالي:
1- 2.4L ويسمى (Theta II ) وبقوة 174 حصان.
2- 2.7L ويسمى (Mu) وهو سته سلندر وبقوة 185 حصان.
3- 3.3L ويسمى (Lambda) وهو سته سلندر وبقوة 242 حصان.
4- 3.5L ويسمى ( Lambda II ) وهو سته سلندر وبقوة 276 حصان.

ولا أدري أي منها هو مخصص لسوقنا في السعودية خاصه والشرق الأوسط بشكل عام. لأنه من المعلوم أنه ليس جميعا تأتي الى الشرق الأوسط.

ولكن ما أثار دهشتي هو وجود محرك أربع سلندر على سنتافيه (نفس محرك السوناتا) .... فأنا مستغرب

ولكن على العموم يوجد محرك سعته 3.3L

لمرجعة بعض المصادر:
http://en.wikipedia.org/wiki/Hyundai_Santa_Fe#2009

هونداي الوعلان @user_227555 صاحب الموضوع · 27-06-2010

أنا شرائي للسنتافي مو عشان السيارة نفسها او شركتها

ولكن هي السيارة الوحيدة اللي تناسب ميزانيتي فما عندي مشكلة موديل السنه او السنه الجايه المهم سيارة ترفع رجلي عن الناس وتكون مناسبه للاسره ..

عندي استفسار عن سانتافي 2009 فل اوبشن رأيت بعض الصور في المنتديات أنه يأتي بحجم مكينه 3300cc صح هالكلام ولا لا وهل فيه نفقيشن

د.فراس @user_215861 · 25-06-2010

والله ياخوي أنا من وجهة نظري إذا تقدر تتحمل أنك تمشي أمورك شوي بهالفترة القادمه... أنتظر.

لأنه باقي على نهاية السنه 6 شهور ورح تنزل أكيد 2011 قبل نهاية السنه ... بمعنى آخر ممكن تعجبك 2011
والفكره الأهم أن 2009 رح ينزل سعرها أكيد.
وفي فكره أن رمضان باقي عليه شهرين ممكن تستفيد من عروض الشهر الفضيل أعاده الله علينا وعليكم باليمن والبركة.

وأنت صاحب القرار أولا ً وأخيرا .. فأستخر.. وإن شاء الله يوفقك لكل خير..آمين

هونداي الوعلان @user_227555 صاحب الموضوع · 25-06-2010

طيب الخلاصه أن 2010 مافيه أبد .. هل أخذ 2009 ولا لا ؟

وانا محتاج سيارة في الوقت الحالي وهي السيارة اللي تناسب فلوسي ؟

الوسم 2010 @user_206196 · 25-06-2010

انتبه تاخذ 2009

غريبه مافيه 2010

اصلا الكميه اللي نزلت قليله مره

عموما اصبر وخذ لك موديل جديد

وعن تجربه انا عندي سنتافي 2008 بصراحه عشقتها عشق

ولو غيرت راح اشتري سنتافي موديل جديد

هونداي الوعلان @user_227555 صاحب الموضوع · 23-06-2010

اليوم اتصلت على موظف المبيعات بفرع الوعلان في بريدة واستفسرت عن 2010 ؟

وقال خلاص مافيه ننتظر الـ 2011 ؟

المشكلة الحين 2011 متى ينزل ؟ وهل فيه اختلافات ؟ وهل سعره بيكوون غالي ؟؟

هونداي الوعلان @user_227555 صاحب الموضوع · 21-06-2010

ا

ابونورا

والله ونعم الاختيار صراااحة سياارة جميله بس ما تشوف انها صغيره شوي على عدد عائلتك !!!!!
وبعدين عندي لك رأي ليه ما تشوف شركة المجدوعي الي بالشرقيه قريبه منكم في الرياض وصراحة تستاهل المشاوار وإذا انت مرررره عجزااان :confused1: ولا تزعل ....
وصي واحد من شباب المنتدى الي ساكن بالشرقيه ما يقصرووون والله يكتب لك الخيره الطيبه ,,
إقتراح ( ليه ما تشوف الفيراكروز) ممتازة لعدد عائلتك ....
تحياتي

(أبونورا):xyxthumbs:

السيارة مناسبه جدا لعدد الاسرة ( تتوفر ثلاث صفوف مع تكييف مركزي ) ومناسبه ايضا بخصوص سعرها .. ولكن المشكلة اننا نتكلم في سراب .. بالقصيم مافيه الا 2009 والرياض يقولون مافيه وانا احس الموظف مايصدق معاي لذلك اتمنى من احد الاخوان بالرياض يفيدنا اذا فيه جيوب سانتافيه 2010 بالرياض وله جزيل الشكر

وانا من القصيم مو من الرياض والمجدوعي مايناسبني لأني اباخذ السيارة اقساط

هونداي الوعلان @user_227555 صاحب الموضوع · 21-06-2010

m

mhmd14

انتظر احسن لك
بالتوفيق ومقدما الله يعطيك من خيرها ويكفيك من شرها

ان شاء الله

والله يجزاك خير

ابونورا @user_27530 · 21-06-2010

والله ونعم الاختيار صراااحة سياارة جميله بس ما تشوف انها صغيره شوي على عدد عائلتك !!!!!
وبعدين عندي لك رأي ليه ما تشوف شركة المجدوعي الي بالشرقيه قريبه منكم في الرياض وصراحة تستاهل المشاوار وإذا انت مرررره عجزااان :confused1: ولا تزعل ....
وصي واحد من شباب المنتدى الي ساكن بالشرقيه ما يقصرووون والله يكتب لك الخيره الطيبه ,,
إقتراح ( ليه ما تشوف الفيراكروز) ممتازة لعدد عائلتك ....
تحياتي

(أبونورا):xyxthumbs:

mhmd14 @user_157325 · 21-06-2010

انتظر احسن لك
بالتوفيق ومقدما الله يعطيك من خيرها ويكفيك من شرها

هونداي الوعلان @user_227555 صاحب الموضوع · 21-06-2010

د

د.فراس

في بداية الحديث:

صلي على النبي محمد صلى الله عليه وسلم

أولا ًتأخذ موديل أقل أنا مو مع هذا الرأي وأنت قدرتك تأخذ موديل أحدث

ثانيا ً إنت تقول أنه مواصفات أقل وسعر أعلى ... ومع إحترامي هذا إستغلال الأصل تكون بسعر أقل لأنها مخزنه!!

ثالثاً وهي النقطه الأهم سعة المحرك من أهم الأمور التي يجب أن تنظر إليها في السيارات الكبيرة فإذا كان المحرك سعة صغيره سوف تعاني من العزم المميت بالإضافة أن إستهلاك الوقود لن يكون أقل بل قد يكون مساو ٍ لمحرك سعته أعلى وذلك بسبب الضغط العالي على المحرك للحصول على العزم المناسب لك.

وأخيرا ً باعتقادي أن الشركة هدفها الأول والأخير التخلص مما في مستودعاتها فكلمة قد لاتأتي شحنه غير منطقي وإن كان ذلك صحيحا ً فلا تأخذها إلا من مسؤول في الشركه يكون كلامه موثوق.

اللهم صلي وسلم عليه

والله ياخوي انا شلت فكرة 2009 من راسي .. يعني قديم في الموديل وفرق في المكينه واغلى سعره شوي !! هذا استغلال وتصريف للسلعه على حساب تعليق ال2010

اللي ابي اعرفه وياليت أحد يفيدنا من اهل الرياض عند وكالات الوعلان هل في مجال خلال شهر تجي دفعه ولا لا ؟ لأني بعنيزه والموظف ماخذت منه لا حق ولا باطل ويتصل عليهم ولا يردون عليييه ابد ؟ وماوعدني بشئ ابد .. يقول ابتصل عليهم واشوف لك الوضع .

هونداي الوعلان @user_227555 صاحب الموضوع · 21-06-2010

b

bluesea864

حياك في المنتدى

ما هي سيارتك الحالية وموديلها

كم عدد افراد الاسرة الكريمة

كم الكاش اللي معك وكم قدرتك في الاقساط

ما هو موقفك من حملة خلوها تصدي

هذه بعض الاسئلة التي باجابتك عليها بتساعد الاخوان في نصحك

اخر سؤال مجرد فضول مني

وربنا يرزقك ويرزقني والقارئين

ج1- النترا 2007 قير عادي مكينه 1.6

ج2- عدد الاسرة الكريمه سته " قابل للزياده " :smilie16:

ج3- السيارة راح اخذها اقساط وراح ادفع لهم دفعة اولية تقريبا 25000 ريال وقدرتي في الاقساط ماتتخطى 1200 ريال شهريا .. لأني كلمتهم أول مره بخصوص سانتافيه 2010 سعره 85000 ريال اقل من الفل اوبشن وفيه فتحه وقير اوتوماتيك ومواصفات حلوه ومع الدفعه الاولى تكون الاقساط 1160 شهريا تقريبا وكان مناسب لي .

ج4- لا تعليق :a1120(121): انا امشي واباري الساس مدري عن شئ :rolleyes1:

وشكرا جزيلا على مداخلتك واسئلتك وننتظر تحليلك للأجوبه :smile:

د.فراس @user_215861 · 21-06-2010

في بداية الحديث:
صلي على النبي محمد صلى الله عليه وسلم

أولا ًتأخذ موديل أقل أنا مو مع هذا الرأي وأنت قدرتك تأخذ موديل أحدث

ثانيا ً إنت تقول أنه مواصفات أقل وسعر أعلى ... ومع إحترامي هذا إستغلال الأصل تكون بسعر أقل لأنها مخزنه!!

ثالثاً وهي النقطه الأهم سعة المحرك من أهم الأمور التي يجب أن تنظر إليها في السيارات الكبيرة فإذا كان المحرك سعة صغيره سوف تعاني من العزم المميت بالإضافة أن إستهلاك الوقود لن يكون أقل بل قد يكون مساو ٍ لمحرك سعته أعلى وذلك بسبب الضغط العالي على المحرك للحصول على العزم المناسب لك.

وأخيرا ً باعتقادي أن الشركة هدفها الأول والأخير التخلص مما في مستودعاتها فكلمة قد لاتأتي شحنه غير منطقي وإن كان ذلك صحيحا ً فلا تأخذها إلا من مسؤول في الشركه يكون كلامه موثوق.