ماذا تفضل ؟ الماء الاحمر او الاخضر لراديتر سيارتك ؟

ZGRT @user_191753 · 22-06-2010

السلام عليكم

اخواني الاعزاء ، اسعد الله اوقاتكم بكل خير

مع بداية هالصيف او الاجواء الحارة اللي ودك تخلي السيارة ثلاجة او ماتطلع من بيتكم ابد

السيارة مثل الانسان تحتاج شي يبرد عليها .. فكل مابردت عليها ارتحت في د****

بحثت عن افضل ماء للراديتر وكلن يعطي رائيه في المواقع

فالاسئلة هنا

ما افضل ماء للسيارة ؟ الاحمر او [COLOR=darkgreen]الاخضر ؟[/COLOR]
كيف تعرف اي نوع يناسب سيارتك ؟ (مع العلم اذا ماعندك كتيب المستخدم )
وهل الماء المقطر يفي بالغرض ؟

انا عندي ماكسيما موديل 97 ومااعرف وش يناسبها ؟

abo shLsh @user_215710 · 15-08-2010

ما فيه فرق أحمر أو أخضر

أهم شي يكون أصلي

أفضل ماء رديتر بالنسبه لي : موتر كرافت - ميتسوبيشي

مركبة فضائية @user_137865 · 14-08-2010

يوجد فرق بين الأخضر والأحمر
الأحمر يجي أثقل من الأخضر وممكن يؤثر على طرمبة الموية لو كانت غير مصممة لتحمل ثقلها

لكن الأحمر يتحمل درجات حرارة أعلى

S320L @user_6957 · 13-08-2010

اللون أتوقع مايفرق سواء أخضر أو أحمر أهم شي يكون أصلي أما أبو 10 ريال فهذا ماينفع

اللي يفرق هو أنه فيه نوع يجي ( مخفف ) ونوع ثاني ( مركز )

المخفف مايحتاج تضيف معاه ماء .. أما المركز فلازم تضيف معاه ماء مقطر ويكون مساوي بالكمية ولو بشكل تقريبي

ZGRT @user_191753 صاحب الموضوع · 12-08-2010

شاكر مروركم يااخوان

CAMRY 794 @user_5221 · 29-06-2010

انا كانت عندي كامري 2005 وكان الماي الي فيها احمر
بس مره فتحت الرديتر ولا مره عبيته (وديته التشيك حق الوكاله الى 55 الف )
قعدت عندي الى 2010 شهر ثلاثه تقريبا تالي راحت

lumy @user_174301 · 28-06-2010

حمراء خضراء تراها نفس الشي ما في فرق بينها اللهم اللون بس ..

ونعم .. الماء المقطر يفي بالغرض .. انا مستخدمه لسيارتي وأموري تمام ..

أ

أبو ماجد البشري

اهم شي ان يكون الماءاصلي

وزي ماقالك ابو ماجد اهم شي يكون الماء أصلي ..

شوف ماء لديتر الفورد ممتاز .. قيمته في السوق 35 ريال ..

othnokia @user_222141 · 28-06-2010

استخدم حاليا ماء اخضر

دكتر كيف @user_112046 · 28-06-2010

اذا نقص ماء اللديتر زدته بمويه عاديه

GLX 2700 @user_175555 · 27-06-2010

الاخضر يمدحونه

FORD-2003 @user_113409 · 26-06-2010

انا سويت حركه وارتحت نهائيا من الحراره

الموتر الفكتوريا

صيخت الرديتر ومريت على التقوى واخذ علبه مويه ذهبيه الجالون بـ 55 ريال على ما اذكر

وكرتون مويه مقطره يجي فيها 10 حبات

عبيت المويه الذهبيه كلها وخمس علب والرديتر غلق مع تشغيل الموتر

والافضل دائما ما تخليه كله مويه خضرا او حمرا او الذهبيه حط معها مقطر

والحمد لله الحراره ما ارتفعت من بعدها ولها الان سنه

بس الرديتر انشق ولحمته ونفس الحركه بالمويه والحين بعز الظهر مع الزرزره والحراره ثابته

moood @user_100127 · 26-06-2010

عن نفسي أشوف أنه مافي فرق باللون سواء أحمر أو أخضر

والأهم من هذا كله إنكـ تشتري ماء راديتر الأصلي ،،

والنقطه الثانية والأهم إنكـ اذا بعد ما تعبي ماء الراديتر الأصلي تزود عليه ماء مقطر ،،

هذي الطريقة أنا قالوا لي عليها أصحاب محلات الإديترات ،، وماشي عليها ،، كل بداية صيف أفضي مويه الأديتر القديمة وأسوي تنظيف للأديتر وأعبي مويه بنفس الطريقة اللي ذكرتها لك ،،

بالتوفيق

مجازف 1 @user_226535 · 26-06-2010

بالنسبه افضل المياه هو الاحمر والمقطر يقولون في اسواق التميمي بريال وربع والله اعلم

الشهاب اللملتهب @user_145270 · 24-06-2010

اهم شي يكون أصلي وفيه نوع يجي معه زيت يساعد على المحافظة على درجة الحرارة

يعني واحد أخضر واحد مخلوط بالزيت اس ديلكو هذا إذا فرغت الأديتر بالكامل تحط إثنين

من إللي قلت لك عليه و في حالة النقص علبة ماء مقطر والمقصود خالي من الأملاح

البزبوز و المساجد يوجد فيه أملاح و تسبب تأكل الأديتر و الصدأ و غيرها من المشاكل

فكتوريا2000 @user_209014 · 24-06-2010

الاحمرررررررررررررررررر

ابو خلود. @user_138684 · 24-06-2010

طازج من البزبوز الى الرديتر مباشرة

ابو نصره @user_12347 · 24-06-2010

انا ماني شايف فرق بالجوده بس الاحمر حق تويوتا 3 لترات والاخضر ميتسوبيشي 4 لترات

والسعر واحد 35 ريال

يعني الاخضر علشان ما تزوده ماء عادي او مقطر تكفيك علبة واحده

لحن المشاعر @user_126547 · 24-06-2010

ماء مقطر

: )

ستار نت @user_172249 · 23-06-2010

لا أنصح باستخدام الماء الرخيص الموجود عند محلات البناشر وأدوات الزينة
فهو كما ذكر أخونا أبو ماجد ، لايوجد فرق بينه وبين الماء العادي ، لكن أنصح
باستخدام ماء (تويوتا) للياباني ، أما (اسي ديلكو) مع أنه أصلي إلا انه مايصلح
للياباني ومايساعد على خفض درجة الحرارة .

وبعد كذا مع مرور الأيام إذا نقص مستوى الماء أكمله بماء مقطر ، لكن ما أشتريه
من محلات البنشر لأنهم يبيعونه بـ 5 ريال ، وفي بعض محلات قطع الغيار تلقونه
اثنين بـ 5 ريال ، وهذا اللي أسويه أنا ، أشتري 2 بـ 5 نفس اللي عند البناشر .

سفير السلام @user_227998 · 23-06-2010

بالنسبة لي أعبي مويه مفلتره محلاه يعني
من برادات المساجد ولا أي مكان...