الجميـــــــــــــــــح يعلن عن .

لمتى يا رب لمتى

متى ستقف الهواشات الا بين فورد و كابرس

يغلق لان النتيجة واضحة

شكراً يا ذكي .....
هذا رائى والا لازم تجبرني بالمدردع الكرنبع الى كل يوم وهو بورشة بقيمة الاصلاحات ممكن تشتري ماليبو

الحين ياحليلكم ياهل الفورد سياره ماتغير شكلها من 13 سنه خخخخخخخخخخخخخخخخ والى الحين فرحانين فيها وتقارنونها بالكابريس واللومينا

ياناس الفورد سياره ماتنباع الا في امريكا والا في الخليج بس ولا تنباع في اوروبا مثل المانيا وبريطانيا بسبب ضعفها من ناحية الامان تبون تقارنونها بالكابريس الا تنباع في كل دول العالم حتى في المانيا

ومن اللي مايقول الفورد خرابات والله لو تاخذ لفه على الصناعيه ماتلاقي في الورش الا فوردات من راس مكينه ضارب الين جلد مقصات واذرعه وركب
ومشاكل الكهرب غير مشاكل القيرات وحدث ولا حرج

اضافة الى انها طبلونها 180 وتقفل هذا اذا جابت 180 خخخخخخخخخ تشبهونها بالكابريس يالبى قلبه تطق 260 وانت تضحك
لا ومن زين ديكوراته وربي ان احس راكب سياره من سنة الطبعه لا ديكور زي الناس ولا شكل زي الناس وانواع الاصوات بصراحه لا تعليق انا مادري وين عقولكم بس

لا ويقولن بيوقفون الكابريس واللومينا خخخخخخخخخخخخخخ لانها سيئة الصناعه وخراباتها واجد

اجل وش بنقول عن توقيف انتاج الكراون فيكتوريا والقراند ماركيز كلها ابشركم بيوقفونها من زين صناعتها وجودتها خخخخخخخخخخخخخخخخخخخخخخخخ
والله اني ارثى لحال اللي يقول فورد ويضحك على نفسه خخخخخخخخخ

لا ومن زين الموضوع الجميح يعلن خخخخخخخخخخخخ يابن الحلال قول السوري يعلن ههههههههههههه والله موضوع مدري وش يبي

الله يشافيكم يارب

الله يرحم ايام الكوابرس القدية وين التسعاوي صحيح النار ما تخلف الا رمااااااااااااد ؟


^^

ياخي اي سياره اذ قارنتها بموديلها القديم تجد ان القديم افضضضضل اكيد !

ياخي وش ذا الغباء هههههههههههههههههههههه

ياخوي اعز اخوياي من ايام الطفوله معه فورد 98 وكل يوم معاه وعارفه

الفورد اي مطب يزززززحف فيك وخاصه وانت لاف كلام ثاني كذا خخخخ

الفورد الجديد تحسن شوي بس .. لكن صار المطب زي الشاص ههههههههههههه

خلاص شباب ماصار الا الخيرر

وكل واحد يصلح سيارته :bigggrin:




** يـــغلـــق ** :bigggrin:

الله يحفظنا جميعا من الحوادث ’’ قولوا امين




بالنسبة للإنقلاب هو خطا من السواق لانه مسك بريك

ومن الاساس شي طبيعي تنقلب السيارة إذا انفجر الكفر .. بالذات على سرعه 200 واكثر



طبعا انا املك السيارة وما شاء الله ,, في المطبات مريحه + الثبات رياضي + التركشن كنترول قوي بمعنا الكلمه


_________________________

الشي الثاني ثبات كابرس عن كابرس يفرق


لأن الرويال والـ ss ,, تعليقهم غير عن الباقي

وكثر ثبات من باقي الكوابرس




والسلام عليكم

تعليــقي هــو


انا عندي كابريس 2009 ,, مشيته 25 الف ,, على يدي من الوكاله


ما شاء الله تبارك الرحمن ,, ما اظن اني بحصل سيارة مثلها بـهالسعر

الشاهد في الموضوع ان اللومينا مثل الكابرس

وبعدين الشكل الجديد 2007+

ما كان فيه مشكله إلا في القير ,, لا وما تطلع إلا حق الي كارفين السيارة قومات

طبعا في 2009 عدلو هذه المشكلة ,, وحطو على الكابرس واللومينا اس اس قير كوفيت C6



,,,,,,,,,,,,,,,,,,,,,,,,,,,,,,,,,,,,


بالنسبة لإنقطاع اللومينا ,, هذا شي طبيعي لازم يصير ,, لان جنرال موتوز نزلت الماليبو في السعوديه ,, وهي نفس فئة اللومينا ,, يعني بالعربي ما يصير سيارتين من نفس الفئة من شركة واحده تسوق في سوق واحد ,, هذا السبب الوحيد ولا اعتقد انها انقطعت عشان العيوب والفشل على كلام الشريطية حقين الياباني




واتمنى الكـل يتقبل الرد ,, والسموحة


تحياتي

yasty

اخوي تبغى تثبت لنا انه الكابريس مو ثابت وانت وشو دلراك عن راعيه يمكن جاه النوم وهو يسوق جايب لي مقطع تقول انه الكابريس مو ثابت انا عندي لومينا ltz2007 وادخل فيها منعطفات على سرعة 140 قمه في الثبات واذا على هالمقطع انا شايف كامري بعيني في طريق الدمام الاحساء السياره زحفت في زحف حتى راعي الكامري طلع وهو خايف مو داري وشو صاير له معناها مو ثابت ولا تنزل مقطع وبس وماتدري وشو صاير لراعي الكابريس

الكابرس امريكي اذا شفروليه تقول انه امريكي( كسياره لا صناعه) انتم تقولون لا

هذي سياسه تسويقيه

زي السني عندنا نيسان عند كوريا سامسونق 3ام

فلا تفلسفون

بالنسبه لراعي الطعس الله يصلحك يعني تبي مدير الفرع يقول لك خذ السياره الي بنتقطع
واترك السياره الجديده

اكيد يبي يسب اللومينا على شان تاخذ ماليبو لأنه عارف ان اللومينا لها سوقها

ثانيا وهذا موجه لك ول GLX2700

طيب اللومينا خرابات وزباله ليه رايحيين تسالون عنها ولا انتم ما تعرفون هذا الشي قبل
لاتغالطون نفسكم

ثالثا هذا لناصر
اجل الفورد ما فيه امان ويزحف عن مطب
والله ما عندك سالفه
يمكن على شان ما عندكم فورد
الفورد حديد وراسي في الخط
جرب فورد ثمن رد علي

خلاص الهولدن افضل شركه تنتج سيارات بمحركات وقيور امريكية :) ولاحد يزعل...


تحيااتي .

اقول والله انكم فاضين وتتهاوشون على امور سخيفة كل واحد متعصب لسيارته وانها هي الافضل

اللي يسمعكم الحين يقول ذولي قاعدين يدافعون عن الرسول والا الصحابة

يا كثر ما شفت ناس يسبون الكابرس وناس يدافعون عنه ,,خلاصة الموضوع ان ما في شي اسمه كابريس , الكابريس توقف من عام 96 او 97 والله مدري الزبده انه توقف وبس

واللي قاعد انشوفه الحين عندنا في الخليج هذا اسمه هولدن افهموا يا ناس الله يرحم والديكم وانا مو ضد السيارة ولا اكرها ولا شي بس انا ضد فكرة النصب والاحتيال اللي حاصل عندنا في الخليج وتسويق السيارة بماركة الشفر

ياخي نزلوا السيارة بماركة الشركة الاستراليه (هولدن) وريحونا ماله داعي اللعب على عواطف الناس وتسويقها بماركة الشفر , اذا السيارة فعلا ذات جودة عالية راح تثبت وجودها في السوق الخليجي من دون الكذب والخداع

انا من اكبر المعجبين بشركة هولدن وما يصير نحكم على سياراتها المزيفة اللي تجي عندنا وانتم عارفين ان ما يجي عندنا الا الانواع السيئة والاقل كفاءة وجودة,, انا كنت بنيوزيلاندا عام 2008 اللي بجنب استراليا<<توضيح للي ما يعرفون الدولة>> وكانت سيارات هولدن منتشرة بشكل خرافي وكانت باشكال خيالية وفي قمة الروعه

حتى لو شفت وحده في الشارع اقعد اتمقل فيها خمس دقايق واقول الله يخلف على اللي عندنا حتى الناس يقولون وش ذا المهبول ,,من ناحية السلامة والاداء ما ادري بس على اللي شفته من انتشار اكيد انه على شي يستاهل

في النهاية ادري اني طفشت ام امكم بس تحملونا وترا كل الدعوة على بعضها حديد في حديد

وتقبلوا تحياتي......

الكابرس بيدخل في نهاية 2011
وسبق وحطيت رابط لكن شكلك ما شفته
المهم ادخل الرابط اللي تحت وتاكد بنفسك :smile:
http://www.chevroletcapriceppv.com/#home





اخوي انا معك ان الكابرس من الصابونه 94 وانت طالع حساس
لكن مهما كان ما فيه خرابات بدون سبب ...
انا اعرف واحد كان عنده كابرس 2001 شاريه مستعمل وانا اعرفه هالشخص راعي دعس وسرعه ورقي ارصفه واكل مطبات المهم يقول انه غاثه بالخربات ....
لكن يوم استلمه ابوه وحافظ عليه مشى معه تمام ...
وهالكلام يمكن قبل سنتين , يعني شراه وهو ماضي على موديله 7 سنوات وكان مكروف كرف ما تبيه ولا التشاليح :bigggrin: لكن يوم استلمه واحد محافظ عليه بمعني الكلمه مشى معه ....


تحياتي ...

كلمة حق يجب ان تقال

عز الله من ناحية الرساوة

و الله ما تصف بجنبه الفورد

يعني انا اعطي نسبة تفوق الكابريس على الفورد

أكثر من 60 بالمية

انا جربت الفورد و ركبت الكابرس لانقعد نضحك على بعض

الكابرس معروف يفرش مع الخط و درقسونه يثقل كل ما أسرع

لكن انا أعيب عليه خراباته اللي بدون سبب

و الهربدة اللي تجيه مع الاستخدام العادي و ليس الشاق

و الا انتم تتكلمون على التسارع و المكينة

هذا شيء أكيد كل هالمميزات من نصيب الكابرس لكن الزين ما يكمل خراباته شوهت صورته

الحمدالله ماوجهتني اي اعطال ولله الحمد وماشاء الله

وانا انسان ما اجامل اي سيارة تخسرني على طول الحراج

اي نعم مقتنع الكابرس تتكلم عنة مكينة وقير امريكي

يكفي الكابرس ستة سلندر اقتصادية وحقت مشاوير وكرف مو الامريكي الا تتكلم عنة شرب بانزين وخراب طرمبة البانزين والدينمو المكينة والسلف

ياحبيبي
انا عندي خبرة بالكابرس
كابرس صابونة 8 سنين خابزة خبز
كابرس 2006 اول دفعة ماشاء الله معي زي اللعسل ماشاء الله تبارك الله خمس سنوات ماقصرت
كابرس 2009 ماشاء الله راحة فخامة ومميزات كل شئ فية حلو

واذا انت موب صدق ارسلي رسالة خاصة نتقابل انا وياك منها وجة الطيب ومنها تشوف الموتر وتغير كلامك

السيارة مانقلبت والعين حق

يعني تبي تثبت لي ان الكابرس ماله امان قسم بالله انك غلطان

انا دايم انا اسافر بالكابرس ماشاء الله قسم بالله رساوة وراحة وما احس بسرعة

وش تبون توصلون لة

الكابرس ماعجبك او تكرة الموتر هذا شئ راجعلك

أتمنى المناقشة بعقلانية ,, تم تعديل و حذف الردود الي كانت خارجه عن صلب الموضوع

لذلك التحلي بآداب الحوار ,, وماعتقد فيه حديد يستاهل يفرق بين الأخوان

:rolleyes1:

أخوكمـ