اخواني بشتري ب 400 لاكن ؟؟؟؟؟

والله ان كلام اخونا بالصميم والله مامثل اللكزس ارتسب معه بس

وان فاض معك شي تراي حول زواج ياخوي ههههههههههههههههههههههههههههه

امزح الله يوفقك ويطعمك من خيره ويكفيك شره مقدما

bmw يكفي 5 سنوات مكفوله حتى القطع الاستهلاكيه

bmw بدون ماتفكر

او بورش كايين الجديد

اذا حضر الماء بطل التيمم

هالمقوله امشي عليها تقريبآ بأغلب احوالي

عندك 400 الف ريال << الله يزيدك

ومحتار بين لكزس وبي ام دبليو ومرسيدس

شوف اخوي

المرسيدس اول شركه طلعت سياره بالعالم كله تقريبآ

يعني هم ادرى بالسيارات ككل

بس بيني وبينك اشكالهم الآن ملينا منهااا يعني تقريبآ ما تشوف تميز بالشكل مثل البي ام دبليو

وهذا رأيي الشخصي


اللكزس انا ما ابلعهاااا يعني صعب تدفع مبلغ بالسعر الفلاني على سياره كثرت بالآونة الأخيره عيوبها المصنعيه

والشعب ياخذونها عشان يبيعونها يعني ارى ان هالشي ما يسمح لك انك تشتري هالسياره عشان سعر ما اعادة البيع

البي ام سياره خرافيه ما شاء الله تبارك الله

شكلها ما ينمل منه تكنولوجيا قمة في الروووووعه

اما الأودي سياره جميله بس ما اشوفها منتشره بالجبيل عندنا


لذا تقييمي

1_ BMW

2- Mercedes-Benz

3- أودي

وبيني وبين نفسي حرام اقارن اللكزس مع الشيوخ

انا شوفت ال730li 2010بي جميع المواصفات وقيمتها 350الف ريال مرره حلوه
الف مبروك مقدما

مشكورين ياخواني وانشاءالله النيه على الـBMW

:xyxthumbs::xyxthumbs::xyxthumbs:

فعلا الناس تسمع ولا تدري عن صحة الكلام

ياصاحب الموضوع اسال المجربين لاتسال فلان وعلان ماعمره ركب بي ام دبليو او مرسيدس

انا املك 730 موديل 2007 ماشيه الحين تقريبا 70 الف او اقل او اكثر

ترا انا اشوفها قليله لاني سافرت والسياره ضلت وافقه تقريبا شهر ونص والعلطه اللي فاتت واللي قبلها نفس الكلام

ماشتكي منها ولله الحمد ماغيرت فيها ولاقطعه امسك فيها خطوط واسوقها داخل المدينه واداوم فيه بعز الحر ولله الحمد سياره تنحط على اليمين:xyxthumbs:

واللي يقول لكزس انا اتفق معه تمام لاكن ارخص بقطع الغيار بشيء بسيط واللكزس يمسك سعره اكثر من الالمانيات

انا ماقلل من اللكزس لاكن هالفتره اصبحت سيئه بكثر العيوب المصنعيه
اذا تبيني اسردها لك ماعندي مانع وعلى فكره من ضمن العيوب لكزس 460 ,600 بالدركسون يعلق وتم سحبت سيارات بالالف بسبب هالعيب

وترا كلامي عن البي ام دبليو وينطبق نفسه على المرسيدس

يآجمآعة الخير ,, صآر نقآشكم برى موضوع الأخ الرئيسي .. الرجآل سأل سؤآل محدد وكلن يعطيه وجهة نظرة في نفس السؤآل ..
إن شآء الله ربي منعم عليه والله يزيده من رزقـه وبغى يشتري سيآرة بهالمبلغ مآ أتوقع إنه عيب أو حرآم ..
الأأمه والشيوخ والمفتين وكبآر العلمآء في قصور وسيآرآت فآرهه وأخذو من دنيآهم ولم ينسوا آخرتهم مآ قآلوا حرآم أشتري BMW بـ نص مليون !!
الشيخ والمفتي عبدالعزيز آل الشيخ أنآ شخصيًا أعرف بيته وقد شفت موكبه كذآ مرة ( مره بـ بآنورآمآ ومرة بـ لكزس 570 ومره بـ كآديلك )
الشيخ عآيض القرني BMW 2010 ..
الشيخ محمد العريفي لكزس 2010 ..
ليه مآ قآلوا حرآم هالأشيآء وإسرآف ومن هالكلآم !!
إن الله يحب إذآ أنعم على أحد بـ نعمه أن يظهرهآ ,, وأمآ بـ نعمة ربك فـ حدّث ..
لآ تتشعبون في الموضوع ..


أرجع للأخ السآئل .. أنآ قلت لك وجهة نظري فوق BMW هي الأفضل حآليًا ..

وبالنسبة للأخ بوشآفي اللي يقول أن الألمآلي ليس عملي وشكك في مرسيدس وBMW .. أقول له أنآ صديقي لديه مرسيدس S63 2009 يعني لو أخذنآ بـ منظورك فهي من أشد فئآت مرسيدس حسآسية لأنهآ من تعديل AMG الأن مآشية أكثر من 60.000 كيلو معه وسيآرة شخصية مآ يحب يسوق غيرهآ ومنقطع عن تشييك الوكآلة فترة ومآفي السيآرة أي عيب أو مشكلة ولله الحمد الله يطعمه خيرهآ ويكفيه شرهآ ,, واللكزس مآعليهآ كلآم أكيد فيهآ تحمل وجودة ولكن لآ تصل لـ مستوى المقآرنة مع الـBMW ومرسيدس ( مع فآئق التقدير ) .. اللي أتمنآه عدم ذم سلعة الا بعد التأكد منهآ وليس كمآ نسمع ونقرأ فقط !!

الله يلهمك الصوآب فيمآ أخترت يآعزيزي ..
لك خآلص التحآيآ ..

اخواني ما ادري ليش الكل حاط في باله انه اسراف
يعني لو تجي تاخذ امثلة على هذي
عندك كنا بالصغر ناخذ مصروفنا من عند ابونا
كنا نقتصد فيه
بس هالمصروف يقدر يسوي لنا شيء لما كبرنا
اكيد لا
كنا عايشين في غرفة
هذا اذا مو متقاسمها ويه خويك
بعدين كبرت شوية وكملت نص دينك
يعني كبرت مسؤلياتك وكبر الحيز اللي انته تحتاجه
الشقة ما راح تكون مناسبة بس راح تؤدي الغرض
بس لو عشت في بيت راح ترتاح
مثل الشيء السيارة
كل واحد على كبر لحافه
يعني انته عايش في فيلا وكل شيء عندك راقي بالفيلا وناوي تشتري سيارة
هل راح تشتري يارس
انته عايش بفخامة وتحتاج شيء فخم
فكل شخص يمد رجله قد لحافه وهذي مقولة صحيحه
فلو ما كان يقدر على هالمبلغ
ما راح يفكر فيها ابدا
الاودي اول خمس سنوات ما تدفع ولا هلة حسب علمي لا على السيرفس ولا على قطع الغيار
وغيرها من عروض الشركات كثير
ما اطول عليكم

تقبلو مروري

ابن مسجد لوجه الله

الجهة الشمالية من الحي اللي انا ساكن فيه اقرب مسجد لهم يبعد كيلو

و يصلون في بيوتهم ما يعرفون صلاة الجماعة الله لا يبلانا

الا بعض منهم اللي يروح للمساجد البعيد على السيارة

انا ذكرت لك مثال و ابواب الخير كثيرة

اكفل ايتام , تصدق و لك الاجر و الثواب , ياخي انا انقهر اذا شفت ناس فقراء يشحذون في بلد البترول و ماهم لاقين اللي يعطيهم

اما انك بتحط 400 الف في سيارة!!

أخوي أولاً أشكرك على ردك ولو كنت تختلف معي،، ولكن لو دققت في كلامي زين أنا ما قصدت أن الشخص مايشتري سيارة فخمة إذا كان الله موسع عليه،، بالأخير هذا أمر راجع له والفلوس فلوسه،،
أنا كنت أتكلم عن مبدأي أنا الشخصي وعن نفسي لو ثروتي كانت عالية جداً يبقى هناك حد معين لكل شيء فأنت مثلاً لو قلت لك جهاز جوال قيمته 50,000 هل تشتريه؟ حتى لو ثروتك تعدت 100 مليون؟ يعني هي المسئلة إعطاء الشيء حقه أو المبلغ اللي يستاهله، فمن رأيي لا أعتقد أن السيارة يجب أن يدفع فيها المبلغ اللي ذكرته أو بالكثير بالكثير 300 غير كذا أشوفها مبالغة لأنها تبقى سيارة يعني جسم متحرك على أربع كفرات لايتعدى الوقت اللي استغرقه فيها أكثر من 10% إلى 15% من وقتي خلال اليوم، فليش أصرف عليها مبالغ هائله وفيه أمور أخرى أهم بكثير من مسألة السيارة..!
وبعدين اللي ذكرتهم أنت أنا أثني عليهم والله يقويهم ويكثر من امثالهم بالعكس أنا ما أستخدم هذا المبدأ للحكم على أي شخص بأنه مسرف أو غير مسرف،، وإنما هو مبدأ أنا مقتنع فيه شخصياً وأطبقه على نفسي فقط لا أكثر ولا أقل يعني هي مسألة قناعات لا أجبر أحد عليها..
أرجو أن تكون فهمت مقصدي من الموضوع وتتقبل وجهة نظري بصدر رحب،،
وشكراً لك مرة ثانية.

مشكلة الالماني ان كل شي فيه غالي , قطع الغيار

و السيرفس ... حط في بالك انك راح تصرف عليه اكثر من السيارة اليابانية

اخوي اذا تبي موتر فخم بنفس الوقت عملي سفر خطوط استخدام يومي والله ماراح يريحك غير اللكزس لا الماني ولاغيره وانا اتحدى اي واحد معاه بي ام ولا بانورما الى 50 الف كيلو ما دخلها الوكاله واذا تبي موتر وسعر حلو خذ لك لكزس ال اس 600 سعرها حدود 380 الف او ال اس 460 فلك كامل 340 الف ,,

سياره فخمه ولخطوط ولا تعرف الخرابات واستخدام يومي وين تبي سياره غيرك كذا تفوقت على البي ام والمرسيدس والاودي والانفنتي عام 2007 وذا بغيت تبيع سعرها فيها بعكس المواتر الثانيه ,, وبالتوفيق ,,

صرحة كل انسان في هذه الدنيا الفانية يعيش على قدر وضعه*
المادي ، ومركزه الإجتماعي .
يعني فرق بين اللي ساكن في قصر والله موسع عليه وبين اللي ساكن
في فيلا ، او شقه مستأجرة ، او ملحق !!!


طيب اذا كان هناك رجل أعمال ودخله الشهري يزيد عن المليون ريال
ويسكن في قصر مساحته 10000 متر مربع ،*ولديه الخدم والحشم *
وقام المذكور بشراء سيارة يصل*ثمنها إلى قرابة الـ 800000 ريال*

وهناك موظف دخله الشهري 20000 ريال ويسكن في فيلا
ودفع مبلغ 200000 ريال ، قيمة سيارته الخاصة

وايضاً يوجد موظف آخر دخله الشهري *10000 ريال*
وإقتنى مؤخراً سيارة بقيمة *100000 ريال ، ومستأجر شقة سكنية !*

في نظرك من المسرف منهم !؟ :c0214:


هي نسبة ، وتناسب ...

أنا أعرف اسر كريمة في مدينة جدة تقتني سيارات البنتلي ، والروزرايز
ومعطين عيالهم سيارات البورش ، والاستون مارتن ، وغيرها اشكال ، والوان ...

وفوق هذا كله لم يتركو باب من ابواب الخير إلا وطرقوه ، تجدهم يكفلون*
الاسر الفقيرة ، والايتام ، والارامل ، ويكفلون المعسرين ، وهذا طبعاً
من فضل الله تعالى عليهم .

*

وأنا أؤيد كلام الاخوان،، أصلاً أنا عندي مبدأ أن السيارة يجب أن لاتزيد قيمتها بأي حال من الأحوال عن 200 ألف، أي شي فوق هذا المبلغ أعتبره إسراف بصراحة حتى لو كنت مليونير!! يمكن البعض يخالف هذا الرأي بس بصراحة أشوف أنه في الأول والأخير تبقى "سيارة" والمبلغ اللي ممكن أصرفة على كماليات أو مكينة لا أستفيد منها أو أستفيد منها بطريقة خاطئة تكون ضارة لي ولغيري ممكن أصرفة على أمور أخرى أكثر فائدة..

الله يكتب لك اللي فيه الخير يارب..

رجاء خاص / مالها داعي بعض التعليقات على الردود انها كلام فاضي ومن ها القبيل

تكلم عن نفسك وعن رأيك واترك غيرك هو حر في رأيه [/CENTER]


حاضر طال عمرك وانا اسف على كل من غلطت عليه ..:a1120(86):
:xyxthumbs: كذا

اخوي اشكرك على رايك الرائع

بس عندي ملاحظه على كلامك اذا هو محدد 400 بيشتري فيها سيار فمعناه ان الله تعالى منعم عليه بخير >>ما شاء الله تبارك الرحمن صح ولا خطا

إن كان الله منعم عليك وعندك حلال فخذ لك BMW740 " الواحد لازم يمتع نفسه "

إن كان الله رزقك فيها وما عندك غيرها خذلك GS300 والباقي اشتر ارض ولا اعرس :)