الفورتشنر 6 سلندر

اسئل مجرب انا عنديvx2 فرنتشر أشوفه ممتاز اذا بغيت عزم فخامه
ديكورات داخليه اقتصاد بالبنزين أما بالنسبه للبودي والصدامات ضغيفه مثل باقي سيارات تويوتا
وبعدين vx صناعته تايلند وgx صناعته اندنوسي

جزاكم الله خيرا على هذه الردود الطيبة ويعطيكم العافية
وبصراحة خفت وقلبي انقبض من الفورتشنر مع اني كنت احبه وانا سريع في تغيير رأيي

ارتفاع الفورشنر ربما يسبب الانقلاب على حسب ما سمعت طيب مافي طريقة انزل من ارتفاعه تهبيط مثلا والا يؤثر ذلك عليه

اشكرك على التوضيح ومنكم نستفيد
لكن حبيت اوضح
انا ما ذكرت السيارات هذي الا لتوسيع الخيارات والاخ موضح ان طلعاته متوسطه
وما اقصد انها افضل من الفورتشنل لسبب بسيط ما املك الخبره الي تأهلني للحكم
عموما
مثل الباث فندر مريح جدا داخل المدينه وفي الخطوط وبسعر حلو بحدود 115 وبيكون مكيفين
والقوة روعه وبيأدي الغرض في البر مع بعض التعديلات
والباجيروو ممكن تحصله 115 فل كامل والون الي تبي لكن تبقى مشكلة الضمان
طبعا امراتي وانا بنفسي مكلم راعي معرض بالامارات وموقع حراج يجيبه لحد الرياض 115
وموجود بمعارض النسيم 117
والملا بالكويت مسوي عروض حلوه وبتحصله باقل بحدود 2000 تقريبا
ودمت بخير

الفئة الأولى اللي تجي 2,7 منتشر وبكثر على ماذا يدل؟
فكيف vx ؟

كلام سليم

مكينه الفورتشنر 4,0 لتر

نفس مكينه الاف جي ولا تختلف ؟

من تجربتي الشخصية الأربع سلندر عزمه جيد نسبياً في بداية دوران المحرك، على الدوران المنخفض، وهذا هو أهم شيء لما تجي للرمال. والمحرك عزمه قوي لأنه مخصص للجر، صحيح أربع سلندر لكن فيه عزم. ويكفي في ذلك أن الهايلكس دفرنس واحد، بنفس المحرك، مكسر رؤوس كثير من سيارات الست سلندر في المقاومة، وبعضها حتى سيدان.

نعم الفورتشنر أثقل من الهايلكس، لكن يبقى المحرك ممتاز للتطعيس ولا بأس به في القيادة داخل المدينة، ومجهز بدبل ثقيل وخفيف ودفع رباعي مستمر وسبع مقاعد.



أحسنت أتفق معك. لكن الإكستيرا ليس أفضل من الفورتشنر في الأمان ولا في التقنيات؛ الإكستيرا ميزته فقط في قوة المحرك. أما من ناحية القدرات فالفورتشنر أفضل منه في أنه يجي مع قفل دفرنس خلفي. والباث فايندر للأسف على غلاء سعره، ما يجي فيه وسائل السلامة، لا تراكشن كنترول ولا نظام الثبات.

الباجيرو أغلى بكثير من الفورتشنر، أما الباجيرو سبورت، فهو مثل الفورتشنر في كثير من الأشياء، فهو يتوفر فيه قفل دفرنس خلفي وتعليق جيد مشتق من الترايتون L200 وهو تايلندي مثل الفورتشنر، لكن يعيبه المحرك ضعيف جداً مقارنة بمحرك الفورتشنر الست سلندر.

الموهافي قوته رائعة جبار الحقيقة، الست سلندر لا يستهان به، لكن له مشاكله في البر، فليس فيه تراكشن كنترول مناسب للبر، وبالرغم من وجود دبل ثقيل فإن أداؤه في البر ضعيف جداً وعزمه يبرد بشكل مزعج في التطعيس وقريب من الأرض. الكوريين ما زال يبغالهم شوي في سيارات البر.

السانتا في لا تصلح للبر أبداً، فليس فيها دبل ثقيل وتعتبر من فئة الكروس أوفر.

القراند فيتارا ممتاز لكنه صغير جداً ومنخفض ومحركه ضعيف.

هكذا نرى أن كل سيارة فيها عيوبها ومميزاتها والإنسان يوازن بين احتايجاته وميزانيته ويختار السيارة التي تناسبه.

هلا أخوي

أنا ما قلت إني كنت أطعس ,,,, لا

أنا قلت فيه شحنة تراب ما قدر يطلعها , أما التطعيس فيختلف عن ما أتكلم عنه تماماً وأنت أدرى مني بهالأمور .

أما فيما يخص التطعيس , فسبق لي تجربة سيارة الوالد ( الله يحفظه ) هايلكس 2008 4*4 وعندي خلفية نوعاً ما عن قدرات السيارة .

تمنياتي لك بالتوفيق

الله يسهل امرك
الفوتشنل اثبت جدارته خصوصا في البر
لكن يعيبه الامان وسريع الانقلاب بسبب رفعه وصوت الهوى
عموما دامك وصلت لسعر 110 تقريبا
فالخيارات كثيره
عندك الموهافي اذا الضمان لازال خمس سنين مفتوح الكيلو
وعندك السنتافي هيونداي
وعندك الباث فندر
وعندك الاكستيرا
وعندك المستبيشي الباجيرو والي اصغر منه
وعندك السزوكي قراند فيتارا

واذا الموتر معجبك توكل على الله
وجربه واستخر
والف مبروك مقدما

يا عزيزي انا عارف ان جيب المازدا يفصل وايضا عارف ان اغلب الجيوب بصفه عامه لا تتعدا سرعتها 200 وا قل..

لاكن مسألة العزم من تجربه اقول انها سيئة جيب 4 سلندر وعلى حجم الفورتشنر يعني لا عزم ولا اداء بالبر هذي المكينه مخصصه لداخل المدن فقط!!

واساسا لازم يكون فيه فرق بين سيارة هايلكس وسيارة فورتشنر لاكن الي نشوفه التطابق الكبير

لاكن انا اشهد ان 4.0 قوي ويستاهل يكون جيب كقوة واداء

مرة أخرى تتكلمون عن السرعة

يا اخوان إللي يتعدى 140 كلم/س في سيارة جيب بهذا الإرتفاع أصلاً يعتبر متهور جداً والمفروض تسحب رخصته. الجميع يحكم على السيارات بالسرعة القصوى! طيب وش رايك، المازدا CX9 إللي مفروض تكون رياضية نوعاً ما وخفيفة وكروس أوفر ومريح قوي ست سلندر 3.7 لتر، ومع ذلك سرعته ما تتعدى 160 كلم/س. أها، إذاً المازدا CX9 والفورتشنر أربع سلندر زي بعض عشانهم ما يتعدون 160! هل يعقل أحد يقول هكذا؟



أخوي يبدو إنك لست متعود تطعس بقير عايدي، وأشكرك على إبداء وجهة نظرك.

شكرا على الاطراء

هذه اعتبرها شهادة و وسام شرف من خبير مثلك و شرواك

لي قريب معه فورتشنر 6 سلندر وسقته من قبل وجربته بس الصراحه لك على السياره شويه حتى ان راعيه يقول كان بيقلبني مره بسبب اني هربت من سياره جنبي ولكن ستر الله واللفه كانت عاديه مو قويه .
وزميلي معهم فورتشنر وبرادو 2005 4 سلندر يقول هذي ماهي سيارات لا راحه ولا مكينه وازعاج بالخط وازيدك من الشعر بيت البرادو انقلب عليهم قبل فتره رغم انه مع الشايب وما تجاوز 100كم .
انا اقول مادام وصلت للفورتشنر ليه ماتاخذ لك يوكون ولو اقل فئه والله معنا واحد بصراحه لا لالالالالالالا احس بطعم الراحه الا فيه وقبل كل شيء الاستخارة .

اسأل الله ان يشرح صدوركم ياشباب الرجال يسأل وانتم جدال وخصام ماينفع قولوا ارائكم وبدون اي نزاع .

السلام عليكم
ارى ان الموضوع خرج عن اطارة الاصلي ومع الاسف اخذ منحنى شخصي

امل الالتزام بالموضوع الاصلي حتى لا اضطر اسفاً لحدف الردود

أنا سبق وجربت فورتشنر حق أخوي 2010 4 سلندر قير عادي

طبعاً التسارع لا بأس به

لكن قدام البيت فيه ( شحنتين تراب ) وكنت دايم أسوي تجارب عليها بالتاهو بخصوص قفل الدفرنس ( إذا كنت جايها سيده يطلع بدون دبل

المهم جيت أجرب بالفورتشنر ( طبعاً بالدبل الخفيف وجايه سيده يعني مو على جنب ) للأسف السيارة ما قدرت تطلع مع العلم كنت داعس على البنزين , لكن خفت الكلتش يجاوب وتراجعت عن الطلوع .

حبيت أدلي بما لدي

والله الصراحه يابعدي لي تجارب كثيره مع السيارات

واللي راسي عليه الجمس الحمد لله .. وحتى اني ماتوقعت الاكسبديشن يكون اريح من الجمس

من تجربه لموديل 2004 .. توقعت الراحه اللي مابعدها راحه بالماركيز بس

وثانيا : هذا كلام اصحابه يعني مافي بدون تجربه :rolleyes1: والملاحظه ليست جديده فـ هذي من قديم الزمان :bigggrin:

انا جربت 4 سلندر المفترض ما ينزل بالقوة هذي المتواضعه على سيارة جيب

بالخط مستحيل يتعدا 170 او اقل بعد..

ولا تنسى نفس مكينه الهايلكس

اما 6 سلندر فرق كبير بالقوة