اسعار ارخص السيارات العائليه

alzakri @user_231255 · 21-07-2010

السلام عليكم ورحمه الله وبركاته

كيف الحال جميعاً

يسعدني المشاركه معاكم في المنتدى
وانا محتاج مساعدتكم ياليت تفيدوني

قبل كم شهر جبت سائق للعائله
واشتريت سيارة مستخدمه لكن :a1120(82): السيارة خربت

قلت خلك عن السمتخدم وانتقل للجديد

وانا ادور عن سيارة اقتصاديه وتكون امريكيه او يابانيه وتتسع لسبع ركاب
او باص 15 راكب

دخلت على موقع تويوتا ولقيت الاسعار وابي اعرف اسعار باقي الوكالات

طبعاً ما ابحث عن السيارات اللي اسعارها مرتفعه السياره اولاً واخيراً راح تكون في يد السائق

وكمان ما ابي مواصفات اهم شيء سيارة يعتمد عليها يعني لما تنقل الاسعار لا تعطيني سعر الفل عطني اقل مواصفات اهم شيء في سيارة السائق المكيف بارد والباقي مومشكله

فياليت اللي يعرف اسعار السيارات العائليه اليابانيه والامريكيه يزودني بالسعر واكون له من الشاكرين

تحياتي

ابو زايد العنزي @user_222702 · 17-08-2011

عندك الفورتشنر بــ 80
والهونداي H1

نهار العيد @user_267054 · 17-08-2011

اينوفا وكالة بـــ 68000 ريال تقريبا

وكيا كارنفال وكالة بــ 72000 ريال تقريبا

اسعارهم مره رخيصه ,, كونهم سيارات تشيل 8 راكب واكثر

وثلاث صفوف مكيفات ( لكل صف فتحتين مكيف)

هذي تقريبا اسعار كورلا وهايلكس ببلاش

تاهوخليجي @user_264801 · 27-07-2011

هيوانداي h1 ( جديد )
كيا كرنفال ( جديد )
سكويا ( مستعمل أقل فئه بدون دبل ) يعني موديل 2009 وأفضلها على ما سبق إذا سعرها طيب
وإذا معاك فلوس خذ جمس يوكون xl أقل فئة ما يتجاوز 130 حتى لو تدور مستعمل موديل 2009 وفوق لأنه أجمل وأريح وأوسع

سماري @user_50839 · 26-07-2011

هههه

اشكرك على التعديل

المشكلة اني كاتب بالبحث اسمها صح وانا ادور على الصورة ..

بس والله ما ادري وش جاب اسم توسان ...

porsche fan @user_259532 · 26-07-2011

شوف يا الغالي , انا بتكلم لك عن تجربه وبالنهاية مثل ما يقولون اسأل مجرب ولا تسأل طبيب

احنا عندنا الهونداي H1 شريناها بعام 2008 وهي طبعاً موديل 2008 , الشكل الحالي طبعاً , السيارة اكثر من ممتازة معنا وشوف كم سنة من يوم شريناها تقريباً ثلاث سنوات وقربت تدخل بالسنة الرابعة لها , ولا مرة ودينها لورشة بسبب مشكلة فيها ما نوديها الا لتغيير زيت وكفرات فقط ما شاء الله تبارك الله , السيارة اكثر من ممتازة والسيارة عائليّة طبعاً وتكفي ثمن ركاب وممكن تكفي تسع ركاب اذا كان التاسع طفل مالا يقل عن 12 سنة لأن فيه مقعد بالامام لكن مساحته ضيقة ولكن راح يكفي للأطفال , على كلٍ اشوف رقم ثمن الى تسع اشخاص رقم اكثر من ممتاز , بالاضافة انها مقتصدة بالوقود جداً ومكيفها أكثر من ممتاز واحياناً بعد ما اشغل السيارة وامشي شوي ابرد واخفض عليه بعد بهالحر فالمكيف ما شاء الله تبارك الله , السيارة مسكنا فيها خطوط كثير جداً , مسكنا فيها خطوط للشرقية ولجدة وللجنوب اكثر من مرة لكل مدينة روحة ورجعة للرياض والحمد لله السيارة ما اشتكت ولا مرة وصابرة معنا , انصحك بالسيارة بالمقام الأول والسيارة اكثر من ممتازة , السيارة ممكن تكون كورية ولاحظت انك ما تبغى هالشئ لكن لا تخاف من كلام ان الكوري ما يعيش لأن الكوري تغير 180 درجة , خذها وانا أأكد لك ان السيارة اكثر من ممتازة وان شاء الله تعيش معكم مثل ما عاشت معنا

بالتوفيق

الراقي.. @user_246795 · 26-07-2011

هونداي h1 كيا كرنفال..
فورد فيلكس ممتاز جدا للعائله :xyxthumbs:..

بالتوفيق..

تاورس @user_256372 · 26-07-2011

س

سماري

السلام عليكم ورحمة الله وبركاته

انا لفت انتباهي كلامك (تركيزك على الراحة والسعر)

يوجد سيارة عائلية وسعرها بحدود التسعين الآن الوكالة مسوين عرض

ومن تجربة جميع من استخدموا السيارة .. مريحة جدا وعائلية واقتصادية

والضمان خمس سنوات أو 200 ألف

وبإذن الله ماراح تندم إذا تبغاها عائلية ومريحة

السيارة هي فورد توسان

وممكن تلاقي شي مستخدم استخدام بسيط ونازل فيه

والله يوفقك ويكتب لك مافيه خير .. آآمين

تعديل للأخ اسم السيارة اللي في الصورة فليكس وليس توسان

سماري @user_50839 · 26-07-2011

السلام عليكم ورحمة الله وبركاته

انا لفت انتباهي كلامك (تركيزك على الراحة والسعر)

يوجد سيارة عائلية وسعرها بحدود التسعين الآن الوكالة مسوين عرض

ومن تجربة جميع من استخدموا السيارة .. مريحة جدا وعائلية واقتصادية

والضمان خمس سنوات أو 200 ألف

وبإذن الله ماراح تندم إذا تبغاها عائلية ومريحة

السيارة هي فورد توسان

وممكن تلاقي شي مستخدم استخدام بسيط ونازل فيه

والله يوفقك ويكتب لك مافيه خير .. آآمين

azoz hamzi @user_252767 · 26-07-2011

كيا كرنفال قيمتها اقل فئة 70 الف وشكرااااا

مدريدي @user_30868 · 24-07-2011

أقترح عليك سوزوكي
طبعاً ماسبق جربتها لكن سوزوكي شركة يابانية واتوقع سعرها مناسب

yes1 @user_92356 · 22-07-2010

نصيحتي .. خذلك فورد فري ستار أو ويندز ستار
اسعارهم رخيصة واقتصادية واشكالهم مناسبة
وارخص لك من الياباني او باقي الأمريكيات بانواعهم.

بالتوفيق ،،،

الامل البعيد @user_231304 · 21-07-2010

اخوي شف اذا تبي كوري هونداي h1
كيا كرنفال
او تويوتا انوفا

mfromfro @user_217849 · 21-07-2010

اذا لقيت سيكويا 2009 نظيف واذا عندك قريشات خذها بدون تردد

سعرها وكالة كان 126000 ريال وذا مستعمله اكيد بيطيح لك كم الف

وسع وراحه وقوه وخفة في السياقة والانعطاف والدوران

الانوفا حلوه رخيصه بس ضيقه جدا صوت محركها مزعج وغير مريحه

mhamed ibrahem @user_118021 · 21-07-2010

يالطيب تبي سياره عائليه مالك الا كيا كرنفال معروفه وتقريبا اغلب السواقين يستخدمونها سياره عائليه بمعنى الكلمه وتشيلك سبع ركاب

alzakri @user_231255 صاحب الموضوع · 21-07-2010

الظاهر اني بسوي كذا خصوصاً ان السيارة بس تطلع من الوكاله يطيح من سعرها كم الف وكذا نكون حصلنا على سيارة اخت الجديده وبسعر مناسب

شكراً على النصيحه

m.l.k @user_148499 · 21-07-2010

السواق افضل انك تاخذ لك يوم تفر فيه بالمعارض الي عند خريص
مليانه سيارات هناك وتلقى جديد ومستعمل خفيف وباسعار معقوله

alzakri @user_231255 صاحب الموضوع · 21-07-2010

مشكور اخوي على النصيحه
وانا حاط هذي السيارة في بالي لكن ابي ابحث قبل ما اقرر

تحياتي

خيال حر @user_197724 · 21-07-2010

وعليكم السلام ورحمة الله وبركاته
اخوي افضل سياره للسواق وعائليه هي الانوفا من تويوتا سياره تتحمل لان محركاتها تقريبا نفس محركات الهايلوكس حتى دفعها خلفي وسعرها معقول لكن عيبها غير مريحه نسبيا
ولا تنسى الاستخاره والله يكتب الي لك فيه الخير
وهذا رابط انوفا من موقع الشركة بالمواصفات والاسعار وانصحك تاخذ من الوكلاء تلقاها ارخص بحدود الفي ريال وموفق ان شاالله
http://www.toyota.com.sa/modelsprices.asp?model_id=13