راح أكلمك كلام منطقي , أتوسم فيك خيراً :bigggrin: ..
اي منطق يا حادي العيس
و الله تتعب نفسك على الفاضي
و صدقني إذا واصلت معاه النقاش بتتعب
لا بتفيدك لا ادلة و لا منطق
لا خياليه ولا شي يابعدي
اذا انت تشوف الجوده والافضل من السمعه والانتشار وحب [COLOR=red]هالعالم لتويوتا فـ هذا شي ثاني !
ولاتزيد الامور فوق حدها[/COLOR]
معروف عنها الجوده والاعتماديه , لكن عندنا الوكلاء مهي مثل تويوتا وابو جميل بالتسويق
اها
على كلامك
جميع وكلاء تويوتا عالميا افضل من اللي ذكرتهم
انت تقول ان العالم حبوا تويوتا
سألتك وش الأسباب قلت لي سمعتها السابقة
أرد اعيد عليك نفس السؤال
هل سمعتها السابقة هي السبب الوحيد لما هي عليه اليوم ؟؟
طيب إذا كان جوابك نعم
فلماذا لم تستطع الشركات الباقية التغلب عليها
ما في شيء تخدمه سمعته لمدة 7 سنوات و هو في الحضيض و هناك منافسين آخرين يفوقونه من جميع النواحي
هذا كلام لا يقبله عقل
اقيس المؤكد بـ هنا .. فـ تجد التشكيك .. اليس لي الحق ؟ الا ترى ان المؤكد خلاف ذلك ؟ انا ارى ذلك !
لا من يقول
شك على راحتك
لكن
خل شكوكك بينك و بين نفسك إلا إذا تواجد لديك دليل موثوق و دامغ يدعم شكوكك ففي ذلك الوقت اطلقها و ناقشها لا على انها حقائق و إنما ظنون تحتمل الصح و الخطأ
يعني صارت الاولى عالميا , صارت الافضل .. لا !
انا مو هذا سؤالي
سؤالي واضح و يحتاج إجابة واضحة
إذا في شركات ثانية تقدم سيارات بجودة و مواصفات أفضل من تويوتا
فلماذا لم يتفوقوا على تويوتا للآن ؟؟
يعني ما اعتقد في فرصة افضل من الأزمة اللي مرت بها تويوتا
و مع ذلك تويوتا لم تتزحزح عن مكانها
وينهم المنافسين اللي يتفوقون عليها جودة و مواصفات و سعر إلخ
أليس من المنطقي أن يكونوا قدا تغلبوا عليها بعد تلك الأزمة و ان يتضح ان سياراتهم افضل منها للعالم بأسره ؟؟
عندك الماليبو الـ 7 عالميا ! هل يعني انها ليست الافضل ! لا
المصدر لو سمحت ؟؟
الاشخاص ليسوا كلهم اقتنوا سياره ويشتريها على انها الافضل والاجود بالسوق
يشتريها على شنو ؟؟
على انها الأرخص
تويوتا غالية و هالشيء عالمي
على شنو يشتريها ؟؟
ما في غير الجودة
لو بترد بتقولي السمعة
ابي افهم السبع سنوات اللي تقولها ؟
افهمك الحين
انتوا تقولون تويوتا كانت ممتازة للعام 2002
يعني بدأ السوء من عام 2003
من 2003 إلى 2010
هذي 7 سنوات تويوتا فيها سيئة على حسب كلامكم
عرفت الحين السبع سنوات جاية من وين
فـ السمعه اللي اتكلم عنها لتويوتا يوم كانت على جودتها القويه والاعتماديه كذلك ,
ايه انت تتكلم عن السمعة اللي تولدت عن تويوتا من عام 2002 و قبل
سؤالي بسيط
من 2003 إلى 2010 سبع سنين
هل يعقل ان السمعة وحدها هي ما جعلت تويوتا على الأقل (( لأنها في الواقع ارتقت )) ان تحافظ على مركزها في السوق عالميا طوال 7 سنوات ؟؟؟
وبدآت تتلاشى مع مر الزمان لـ حتى وقتنا الحالي
ربما ترجع عهدها الاول , اول لا ! وخبرك زمان
صار لها 7 سنوات و هي تتلاشى هالسمعة
و لا حنا شايفينها منتهية
متى (( برأيك )) بتنتهي مع ملاحظة ان هالسمعة صمدت 7 سنوات على الأقل و خلت تويوتا تحافظ على مركزها في الأسواق العالمية
و تذكر انك انت اللي قايل ان السمعه هي الشيء الوحيد اللي يخلي العالم يشترون تويوتا
ماقلت الامريكي افضل الله يهديك , ولاتستغرب من الماركيز الشي والامريكي عموما
اذا جاك نظيف صدقني فيه صبر وتحمل مايتحمل احد مثله !
و يهدي جميع المسلمين
ما علينا ما نبغي ندخل موضوع في موضوع لأن الأمريكي يحتاج موضوع لحاله
[COLOR=red]ارى ان المشكله في الاغلبيه ومثل ماقلت الاغلبيه تطغى على الكل [/COLOR]
ترى
يعني هذي نظرتك لا الواقع
وكل يوم مشكله بقسم الكامري ومنها الحذفه ! طيب ابيك تجواب على السؤال
واحد اثنين قلنا يمكن حاله شاذه لاكن اكثر من 100 واحد تشوفهم وش رايك وش تقول عن هالشي ؟
انت شفت مئة واحد يشتكون من الحذفة ؟؟
طيب شفتهم شوف عينك لو من منتدى تويوتا العربية ؟؟
طيب فيه دليل على كلامهم ؟؟
مثلا صورة للدركسون المايل
فيديو
رصيد معالجة المشكلة لدى احد المحلات
إذا ما فيه شلون حملت كلامهم على انه حقيقة على طول ؟؟
بتقولي
ولا احد اعترض على كلامه من اهل الكامري ليش ؟
بقولك من اللي فاضي
اقل شي راح يسويه راح يساله وين دليلك
بيرد عليه صاحب الموضوع الرد المعهود
(( يعني تكذبني ؟؟ ))
و يا بيقول ايه اكذبك و بتقلب هواش و عندك اعضاء عندهم حمية بينزلون مع الرجال و بيطلعون في الثاني و بتجيك ردود (( يا اخي عيب عليك تكذب الناس )) و غيرها
او بيقول لا ما اكذبك و بتنتهي القصة و ابو الشباب بيمشي سالفته
ياخي انت المشكله مانت مصدق المشاكل اللي بالكامري .. اللي الناس معطينها اكبر من حقها وهذي بحد ذاتها مشكله
و انت تصدق كل ما يقال عن الكامري حتى و إن كان بدون دليل و مستعد تتقبل اي شيء سيء عنها
انا ما اصدق لأن ما جاني شي بدليل
جيب لي شيء عليه دليل واضح و موثوق و لا يقبل النقاش .. ذيك الساعة إذا ما صدقت لك الحق
اما بتجيب لي كلام في كلام لا يودي و لا يجيب فأكيد ما بصدق
لو نقارن الكامري مع الاكورد قلت الكامري افضل جوده واعتماديه بعد ,, مع ان الاكورد مانسمع شي عنها الا قليل ,
ونرقعها ونقول يمكن العمر , ولا السياره مكروفه كرف فوق حدها ولا حاله شاذه
لكن كامري ماشيه 50 كيلوا ولا مامشت الا 20 كيلوا والمشكله كوامري مو كامري وحده ولا ثنتين !
احنا ما نبغي كوامري
احنا نبغي 10 كوامري عليهم دليل واضح في موضوع الحذفه و نقول لك نعم الكامري فيها هذا العيب
والله كل شي جايز , وهذا اللي اتوقعه .. لأ ني شفت موضوع بخصوص هالشي بس قديم شوي ,,
ان ابوجميل عنده حوش بجده ويعدل على سياراته
ولا مهب 80 بالميه من الكوامري يعانون منه , بس ممكن الخليجي مافيه الا العافيه
واكيد لآنك عايش بالسعوديه , ولا امريكي خرب عليه الكمبرسور وش يدرينا عنه ؟ :)
اولا انا من البحرين
و عايش في البحرين
ثانيا
كلامك لا يقبله عقل
يعني
قلنا يبدل مسجل
جنوط
دعاء السفر
شاشة
اما مكونات السيارة الرئيسية فهذي صعبة
يعني انتوا تشتكون (( كلامك )) من الكمبرسر
و من نقص زيت المكينة
و هالعيبين هذيلا ما سمعت عنهم شي على الأقل في البحرين و حسبما اعلم في الخليج
يعني مجرد السماع ما سمعت مو بعد تأكدت
بتقولي ابو جميل بعد يركب لكم مكاين غير ؟؟
حكم عقلك و شوف الكلام اللي انت قاعد تقوله يقبله العقل او لا
على فكرة الأمريكي اول واحد راح تدري عنه لأن هذيلا ما يسكتون على حقهم او غير حقهم
يعني يمديه يرفع قضية على تويوتا بسبة كمبرسر عطلان و يطالبهم بتعويضات مادية و نفسية و يحصل كم مليون و سيارة ببلاش مع ضمان شامل لمدى الحياة لو ثبت ان الكمبرسر اخترب بسبب خلل مصنعي :smile:
قلت ممكن !
لان ياخي شي ماتصدقه عن الكامري معقول الكامري صارت تسذا
والناس للحين الكامري جوده واعتماديه وكرف .. وينها قولي قلت ممكن هيك اجل !!
و لا شافت الإمكانية
في هالحالة ابو جميل يفتح مصنع في السعودية اشرف له
دام الشيل و الحط وصل للكمبرسر
و المكينة (( لأني ما اشوف غير السوق السعودي يشكي من نقص الزيت ))
ما فكرت تسأل نفسك يوم هالسؤال
ممكن الناس يكون معاهم حق ؟؟
ياخوي كيف ماعندهم دليل , اهل الكوامري الحين هم[COLOR=red] يقولونها بآنفسهم الا البعض اللي مو قادر يعترف ولا معجبه الوضع [/COLOR]
لا حول و لا قوة إلا بالله العلي العظيم
يبن الحلال ما في داعي اعيد الكلام كذا مرة
قلنا لك كلام اشخاص في منتديات ما يعد دليل
انت تعلم ان هالعضو صادق او كاذب ؟؟
انت تعلم ان هالعضو يملك كامري اصلا ؟؟
انت إلا غصب تبغي تمشي كلام المنتديات على انه دليل
ما يصير
و حطينا لك الموضوع اللي قفله المشرف محمد الحربي لأنه مبني على كلام اشخاص و غير موثق
يعني كلامهم مو دليل و لا يعد توثيقا
ولا من مشاكلهم اللي عكست كلامك على جودتها واعتماديتها , ياخوي لادخلت هالقسم [COLOR=red]احس اني داخل كامري صينيه مو تويوتا [/COLOR]
إحساسك و انت حر فيه
انت من الأساس تكره الكامري فطبيعي تحس بهالإحساس
انا عن نفسي احس انها مثل الشوكة اللي في خاصرة المنافسين و مو قادرين يلقون لها حل
وين اللي يقولون عنها ويقولون انها اعتماديه وجوده ! قلي انت وين الجوده والاعتماديه
تبي أكثر ؟؟
وكل مادخلت لقيت الاستفسارات والمشاكل منها
اللي يشتكي من الزيت ينقص ( ددسن 79 بالله عليك ذي كامري ؟ )
احد من هاللي شفته حاط دليل موثوق ؟؟ لو مجرد كلام ؟؟
واللي يشتكي
من طقطقه بالديكور وانا امشي ( كامري ولا ددسن 79 ؟ )
بسيطة هذي
يصورها لنا صاحب المشكلة فيديو عشان نتأكد
و لا الكلام بروحه ما منه فايدة
واللي يشكتي مكيف ضعيف ولا يبرد
وتنسيم الهواء ولا الرساوه الله يستر عليه ياشيخ
كلام في كلام
وين الدليل ؟؟
كم مرة تناقشت معك و قلت لك اذكر لي شيء بدليل
الكلام سهل
لكنه بدون دليل ما يسوى فلس
أهم شيء يكون عليها دليل لنعتبرها مشاكل
لو مثل اللي سبقها مجرد كلام في كلام ؟؟
والحين بعد ماتستغرب ابد لاشفت كامري توضب قير ولا ماكينه ولا راس المكينه !!! تقول عادي :)
هذا بالنسبة لك
بالنسبة لي استغرب
اساسا عندنا نادرا ما تشوف كامري جديد بالكراج
و تستغرب لما تشوف واحد حتى لو كانت علته جدا بسيطة
ذي كامري اكيد ؟ وين الكرف وين الاعتماديه ؟ المشكله ان كثير اللي يعانون منها
طيب وينهم ؟؟
وين ادلتهم ؟؟
ليش ما زالت مبيعات الكامري في إزدياد عندكم بالذات رغم المشاكل اللي صار لها سبع سنوات في الكامري ؟؟
الكلام غير و الواقع غير
و المشكلة انكم على طول تصدقون
ما تبحثون عن دليل ولا هم يحزنون
تبغون تحطون كلام بدون دليل على انه حقيقة و واقع
بس هالمره عجزنا لا نرقع شي .. خلاص الكامري مهي مثل اول وجوده اقل
ولا احد يقدر ينكر الشي .. وياليت ترجع زي اول ياشيخ
غصب هو ؟؟
راجع الروابط اللي حطيتها لك فوق عشان تعرف انك غلطان
وهالعالم حبهم للكامري من زمان هذا اولا وهذي تكفي تخلي الكامري الاولى مبيعات
يعني العالم كله ماشي ورا السمعة سبع سنوات
يعني على كلامك العالم كلهم مهابيل و انتوا الوحيدين اللي تفهمون
كل هالشركات و المجلات و الخبراء المتخصصين بعالم السيارات ماشين ورا السمعه
ولا يعني تبي اخلي جوده الاكورد
واخذ كامري عشانها جوده ولا الاولى عالميا ع قولتكم ؟
انا قلت لك خذ هذي و خل ذي ؟؟
خذ اللي يريحك
بس لا تجي تقول الكامري كذا و الكامري كذا بدون دليل
عندك دليل اطرحه لكي نناقشه أما الكلام بدون دليل فهذا لا يستدعي النقاش حتى و يضرب به عرض الحائط
لا ياخوي ماكل من شراها عشانها الاولى عالميا ولا جوده .. الا لطبيعه النفس البشريه
والعربيه خصوصا لاتحب التغيير ولا المغامره وترضا بالمتوفر
طبيعة النفس البشرية لسنة سنتين ثلاث على الأكثر
مو لسبع سنوات
السمعة وحدها لا تبقي سيارة على عرش فئتها لهذه المدة عالميا
صحيح ابو جميل عندنا مايقصر بالضمان , حتى القطع انصدمت لما شفتها بهالاسعار الخياليه
وين اللي يقول رخيصه ومطيح اسعارها بالارض وغصب تصير ارخص الموجود ؟
وادخل قطع تويوتا وشف الهبال وتلاعب بالاسعار ولا اللكزس خلها على ربك يارجال ,,
بعض النظر عن القطع الاستهلاكيه ممكن تكون اسعار مناسبه ولا بآس بها او غاليه بعد مقارنه بغيرها
حدد نوع القطع بعدين نتكلم
الإستهلاكية عندنا في البحرين تويوتا هي الأرخص
يعني المعلومات اللي قالت انها الاولى عالميا من ناحيه المبيعات هذي اوكي .. ماقلنا شي ولا راح نقول شي اساسا
فـ تجي بعض الناس صارت الاولى عالميا يعني الافضل خلاص ! وش العقل وش هالمنطق ياشيخ
صحيح تصدرها المبيعات (( لوحده )) لا يعني انها الأفضل لكنه عامل لا يغفل
و مدة تصدرها المبيعات تحكم
و حكم الخبراء و المجلات المتخصصة و المواقع المتخصصة يحكم
كل هذيلا مجتمعين يعطون التفوق للكامري
ولعلمك امس شفت خبر ان الاولى عالميا بالمبيعات , فورد بيك اب مدري ايش نوعها بالزبط
والكامري الـ 2 عالميا مبيعات
ها الحين فورد احسن من تويوتا وش رايك انت ؟
لاكن والله فورد على العين والراس شركه قويه واقوى شركه امريكيه حسب معلوماتي
قصدك الفورد اف 150
و لعل الخبر اللي شفته عن السوق الأمريكي .. تأكد ؟؟
الأف 150 بيك اب
و الكامري سيدان
فكيف تصح المقارنة ؟؟
خلاص الكامري عنده وخر عنه اطلق موتر تسوي بانوراما عنده ومن حقه وهو حر
وحتى بالرساوه والامان مايفرق بين الالماني والكامري وهذا اللي يقهرك !
هههههههههههههههههههه
بس مو أغلب الناس جذي
بعدين يجيه عيال وجاه ولده قال ( ابي سياره ) !
قاله ياولدي خذ الكامري .. الكامري عز وجوده واعتماديه يكفيك انها تويوتا وتصبر معك وقطع غياره رخيصه وكل شي متوفر !!
هذا تكلم من خلال تجربة
عاد الرك على الولد
هو اللي المفروض يبحث و يدور و ما يسمع اي كلام إلا متاكد منه و بالدليل
إذا ما كانت عاجبته الكامري يصبر لين يشتغل و بعدين ياخذ السيارة اللي على مزاجه
اها يعني من كلامك هذا .. يعني اللي يعشق شي مايعيبه بل يدافع عنه ها !
عجبي :)
أنا قلت ما يعيبه ؟؟
انا قلت شلون تعشق سيارة بها هذا العيب الجوهري ؟؟
كلام لا يقبله العقل
انا اعشق هذي السيارة اللي مكينتها ما تظل فترة إلا ضاربة و تحتاج لتوضيب
في ذمتك هذا كلام يقبله عقل ؟؟
و بعدين انا قلت دافع عنها ؟؟
انا قلت خلك حيادي
و الحيادية غير و الدفاع غير
لعلمك : ايه قلت وللاسف ماقول الا الله يعوض على ملاكها وش تبيني اسوي ؟
وقلت سابقا كنت من عشاقها
قلت هالعبارة و هذي تفيد انك تعشق الأفالون
لا صدق
ولا تستغرب اني عشاق فقط ( لاندكروزر , افالون ) حاليآ
انا بقول دليلي :)
دليلي .. اذا الكامري 2002 وتحت افضل من الكامري الجديده
قابلني ياشيخ :)
ولا من وين اجيب لك دليل غير الواقع ؟
من ناحيه الكرف والاعتماديه والاهم الجوده !
:smile:
ببساطة ما عندك دليل
إذا كلامك اللي قلته ليس صحيحا
شوف المواضيع اللي فيها ادلة موثقة و حاول تدور ادلة مثلهم
وش رايك لو اقولك ان الكوري اعتمادي وماخذ فكره غلط عنه انت واغلب الناس !
اثبت لي
موديل 2007 ولا كلفت عليه الا قطع بسيطه من بطاريه وعكوس ( مره وحده على كلامه )
وطرمبه بنزين واقمشه الفرامل وسير التايمن والباقي استهلاكي !
اجل كامري 10 الاف الا والكمبروسر ضارب وباقي هالبلاوي ومامشت ولا ربع اللي مشته هالكوريه :)
ويجي منه .. الكوري :)
على كلامه
اوكي
هذا دليلك
افضل ما انتجته الصناعة الكورية هو جينسس و ايكوس
هذي استدعاءات الجينسس
http://www.edmunds.com/maintenance/recalltsb.html?type=tsb&styleId=101008124&zip=#10
و الإيكوس ايضا لكن الموقع ضايع من عندي حاليا
إن شاء الله من الحين لوقت السحور يكون عندك
هذا مو موضوعنا لكن لتوضيح الصورة
انك تجيب لي سيارة واحدة ماشية 300000 و تقولي شوف الصناعة الكورية فهذي ما تعقل
ولاتنسى المكيف الفراره - والتخشيبه اللي تحسها ملفقه - دعاء السفر ماشاء الله - والكامري ماشاء الله الفل كامل كم ارباق مقارنه بالسوناتا ؟
اللي يبي يآخذ كامري فل وسوناتا فل من الافضل مواصفات وسعر ؟ من الافضل داخليه ؟
فيه موتر الحين مافيه مكيف لمس ؟ فيه موتر الحين طبلون ماهو ليزر ولا شي مايفتح النفس ؟
فيه موتر الحين طبلونه من اخضر لـ احمر وابيض ؟
فيه موتر الحين شكل الديكور يجيب الهم ؟
فيه موتر الحين كل شهرين يضرب الكمبروسر ؟
الخ !
طبعا بعضها الاغلب تكون من الوكيل نفسه ,
شفت ما ذكرت الجودة
يعني كنت محقا في ما قلته
إلا بسألك السوناتا الستاندرد خلوا فيها اي بي اس لو بعد ؟؟
إذا بتنظر لها بهالطريقة في موتر هاليومين ما فيه اي بي اس
انت وش تقول عنهم ؟
انا بقول عنهم انهم مثلنا
وش رايك بالكلام ؟
رايي ان كلامك خطأ
الناس لها عقول و تفكر و ليسوا مثل الأنعام تقودهم السمعة بدون تفكير
مافيه !!
سمعت معلومات موثوقه تركز على العيوب ؟ دائما تشوف الشي الايجابي بالسياره وتقارنها مع غيرها فقط هذا اللي اشوفه
وشف الواقع وشلون طيب !
شلون يكون واقع و ما عليه دليل ؟؟
هذي المشكله .. الواقع صار عندنا خيال وسراب
وطبعا قلت لك مثال فقط لاغير بالنسبه لرساوه الالماني
وهذي تنطبق على نقاشنا !!
لا لا نخلط الأمور
انت تبغي تسوي الكلام اللي تقوله واقع من كثر ما تسمعه و حاب انك تصدقه
رغم ان كل اللي سمعته ما عليه دليل
طيب هالمشاكل دامها واقعية ليش ما تحدث إلا في السعودية فقط ؟؟
سألت نفسك هالسؤال ؟؟
يوم اول ظهور للكزس .. كان فيه انتشار .. ولانفس الكوري من السنتيال والجينتيس انتشار ضعيف ؟
مو قلت لك من قبل
3- هونداي كان لها تجربة سابقة في مجال الفخامة و لم تنجح ذلك النجاح اللي يخلي الواحد يتفائل بنسخة فخمة جديدة من هونداي
هونداي هي من جنت على نفسها فلو على الأقل صمدت سابقا لكان لها فرصة اكبر حاليا
عاد الالماني اللي خلاه بالمقدمه كلنا ندري ليش يكفي ان البدي صلب وقوي جدا !
وهذي وجهه نظرك
دليلك على صلابة البدي لو سمحت ؟؟
و فعلا هذي وجهة نظري
ربما , لكن معقوله تنافس فخامه اللكزس ولا يتفائلون بخير فيها ؟ طبعا نعم , للاسف لآنها كوري !!
يعني إلا غصب تمشي وجهة نظرك
الحين واحد باعك ثوب و طلع الثوب معيوب لو يجي بعد عشرين سنة بثوب ما في مثله راح تشتري من عنده ؟؟
اكيد بتتخوف و اغلب الظن انك ما بتشتري من عنده
(( لا يلدغ المؤمن من جحر مرتين ))
اعتبر جودته صارت افضل من لكزس
تتوقع الناس تتجه لها ؟ سواء ارتفع السعر او لا !
اعتبر
في هالحالة نعم
تتجه الناس له و هي تضحك إلا إذا ساوى لكزس بالسعر فهني الناس بترجع للكزس
فكما ذكرت برستيج السيارة و قدمها في المجال يلعب دور في عالم السيارات الفارهة
اها حلو , ماوضحت وش السبب انها ماتسوى سعرها الحالي ؟
عشان الجوده ؟ طيب والمواصفات والتقنينه ماتستاهل سعر قيم ؟
1- الجودة
2- وجود منافسين لهم ثقلهم
3- السيارة ليس لها اي برستيج في عالم السيارات الفارهة
4- تاريخ الشركة المنتجة في عالم السيارات الفخمة
5- السيارة لا ترقى لمستوى الفخامة المطلوب
عرفت ليش ما تسوى عندي سعرها
هما نفس الشركة
