×... موضوع خاص ...×

DangeR-6 @user_196808 · 23-07-2010

السلام عليكم ..

شباب بخبركم سالفه ..

البارحه ساعه 11 رديت من دبي و عبيت بترول ف الواحه اللي عدال بيتنا ..

الهندي اللي عبالي بترول .. والله معرق من الخاطر و تعبان و مكروف ...

طبعا تعرفون صيف و حر و رطوبه .. و الف موتر فالواحه و كل موتر يزيد الحراره ع كيفك و الهندي المسكين يشتغل ..

المهم رديت البيت و شغلت المكيف و رقدت الحمدلله و قمت عل فير و صليت .. و عقب الصلاه تقريبا ع ساعه 5 .. روحت اعبي السياره بترول لنه كنت طالع ب سيارتي الثانيه ...

حصلت نفس الهندي موجود و عبالي البترول ...

الصراحه ..
يعني طول الوقت انا راقد و مريح و مبسط و هالهندي يشتغل *_*

احنا نقول البترول غالي .. والحياه صعبه .. وكل شي مب اوكي ..

و اصلا كل واحد يرقد ف بيت الحمدلله و شي كهربا و ماي و يرقد و هو مرتاح ف شبريته ..

و هالهندي المسكين يكرفون اصل اصله و اخر شي يحصل كمن الف و يقول الحمدلله ...

انا اقول الواحد يوم يروح يعبي ولا شي .. يخطف عل دكان ولا الواحه الموجوده فالمحطه و يشتري ماي ولا عصير و يعطي حق الهندي اللي يعبيله بترول و ياخذ اجر و الهندي يدعيله بالخير و حتى الواحد يوم يسوي هالشي يحس انه سوا شي اوكي

و حتى تقدرون مثلا يوم تروحون تصلون الظهر ولا العصر او حتى سايرين الدوام الصبح .. تشوفون العمال فالشوارع مال البلديه او اي شي اللي يشتغلون فالشمس .. تعطونهم غرشه ماي او عصير او او او ...

ما تدري هالشي اللي تسويه كم بينفعك ف اخرتك ..

اتمنى كل حد يقرا الموضوع و يستفيد منه .. يعلم غيره عسب ياخذ اجر هو بعد

والسموحه منكم

DangeR-6 @user_196808 صاحب الموضوع · 18-08-2010

تسسسسسسسسسسسسسسسسسسسلم اخوي على الطله

taho ltz 2010 @user_225942 RiYaDh 4X4 GrOuP · 18-08-2010

ان كنت قويا تذكر ان الله اقوى منك و ان كنت كريما فإن الله اكرم منك .....

الله يجزاك الخير و علبة عصير بريال ممكن شلت عن نفسك يوم او سنة عذاب في جهنم و العياذ بالله ....

تعاونوا على البر و التقوى و لا تعاونوا على الاثم و العدوان...

صقرابيض @user_121697 · 17-08-2010

يعطيك العافيه وماقصرت
دمت في حفظ الله

DangeR-6 @user_196808 صاحب الموضوع · 16-08-2010

منورين اخواني ^____________^

مخاوي الباترول @user_205118 · 24-07-2010

جزااااااااااااااااك الله خير ياخوووي وياليت الي يقرا الموضوع يعمل به.........

ويدعي لصاحب الموضوع ..

القلب الوافي @user_171147 · 24-07-2010

جزاك الله خير وكما قال الرسول عله السلام (وفي كل كبد رطبة اجر)

genes power @user_202671 · 24-07-2010

وعلى الاقل الرجال ارحم من الحريم

الحريم يكرفوه كرف ويسبوه سب كانه يهودي

وبعضهم يضربو السواق بعد.......لان السيطرة عندهم اهم شي

.

جزاك الله الف خير^^"

Rosr @user_76059 · 24-07-2010

فعلا اصبت الحقيقه
الله يعيننا على انفسنا

أبو ماجد البشري @user_109566 · 24-07-2010

يمكن العامل اللي انت شفت هذا اقلهم تعب على الأقل يشتغل بضل ماهوبالشمس انا دايم اجد عمال يحفرون بالشارع الساعه 11 ولا الضهر بعز الشمس لاويمكن بعض اصحاب المؤسسات او كفلائهم مايعطونهم رواتب على طول ربما يتأخرون اشهر وهذي هي المصيبه ..

مشكور اخي وجزاك الله خير على النصيحه..

لحن المشاعر @user_126547 · 24-07-2010

المشكله ان البعض مايحس بقيمه الشي الا اذا فقده

وياليت كلنا نحس بـ مثل هالمواقف , كان الكل مرتاح

لكن الله يعين ويكثر من امثالك

جزاك الله خير .

keeeemoo @user_119723 · 24-07-2010

جزاك الله كل خير اخوي....

وذكرتني بحديث رسول الله صلى الله عليه وسلم (( لا يؤمن أحدكم حتى يحب لأخيه كما يحب لنفسه)) او كما قال.... رفع الله قدرك واعلى منزلتك في الدنيا والاخرة...