لووووسمحتم هل الربع التايوتا شبهه؟؟؟؟

وش لك في الربع ؟

لاهوب الي مريح ولا فيه تقنيه ومواصفات ولاهوب الي شكله زين مافيه اي شي يشفع له وحط في حسابك ان الراحه 0%

يعني 120 حرام تحطها في موتر قير ومكينه واذا ملزم تبي جيب خذ لك اف جي زي الربع صغير ونفس المكينه بس انه افخم وشكله عصري

واذا عن سمعة الربع معروف انه للبزنجيه خصوصاً في منطقه نجد وعند الحدود حايل والجنوب تهريب

يعني بالعربي في كل مكان سمعته شينه

إذا بـ تخليه شد بلد (( بدون أي تعديل )) :xyxthumbs: :

وحتى الكفرات ما تلمعها :bigggrin: ..

أن شاء الله : ما يكون شبهة :) ..

بالنسبة لي : إذا ودي جيب باب واحد راح أشتري أف جي لأنه : يجمع بين : (( البرستيج + مواصفات الجيوب المعروفة + الهيبة والجمال أكثر بمراحل ))

وأتمنى لك التوفييق ~ :xyxwave:

أخوي شاهي الليل
نظرة أهل القصيم والرياض لصاحب الربع فيها شبهه وبقوووه
اللي أشوفه عندنا بالقصيم مستحيل تشوف ربع مع رجال كبير أو بعمر 30 وطالع الا مااندر . بعكس الشاص .. ولو إنه بداء ينتشر مع صغار السن ,

عندنا بعضهم يسمي الربع (( دابة لوط )) وحكموا عليه من أفعال اصحابه الا مارحم ربي

فأنت مالك وماوطن الشبهه

شبهه بكل ماتعنيه هذه الكلمه
هو والشاص والجمس الصحن القديم الى مديل 2006
معروفه توقفك الشرطه بدون سبب ونقاط التفتيش
وبالنسبه للمواتر الصغار اللكسز والبي ام والمرسدسات القديمه
والمكسيما والكامري خصوصا الاشكال القديمه
وفي الاخير هونداي سوناتا توها تدخل على الخط والانترى الشكل السابق
خخخخخخخخخخخ
لا تقول مابقى شي
واذا مافي بطنك شي ماعليك منهم بتتعود انا معي مكسيما 98انواع البهذله في الرياض
وما جاورها واذا صرت برى الخط يذلون ما يقربون خخخخخخخخ
واذا تحمس وجاك تلقاه يرقل خايف وصدقني مره واحد في نقطه ايام الارهاب اصبعه على الزناد عند وجهي وهو ويرتجف يقول ارجع وراك ممنوع الدخول من هنا جنب بيت واحد مهم لو قلتله بوو اطلق :smilie16:
وعلى فكره شكلك له دور يعني اذا شكلك ماهوو شبهه ماعندك مشكله حتى لو وقفوك
بيمشونك على طول

الربع يصلح سيارة إضافية فقط

يعني واقفه وتستخدمها إذا بغيت تطلع للبر

وبعد تره مشكلة بالطلعات ( يا تشيل أوادم يا تشيل أغراض )

وصدقني فيه بدائل كثيرة تغني عنه

اما سيارة عز معليش مهب سيارة عز ولا شي

الا سياره تكسر الظهر وانت فكر قبل لاتشتري السياره

تاخذ اهلك ولالا

بالعربي الربع مايصلح الا إذا كنت راعي تطعيس وبران بس

خويك ماعنده سالفه الحين لاقربت عند الحدود مافيه شبهه وفى وسط المملكه شبهه وش هالتفكير ......انت احكم حسب حاجتك للسياره وعموما الله يعينك على وجع الظهر لانها الربع والشاص سيارات نقل ولاتصلح ابدااا للمدينه والعائله