الأحد 19 أبريل 2026
عاجل

تـظــلـــيــــلة ســتــــارة !!

الإلكترونيات والإكسسوارات و العناية بالسيارات
10 رد 3,755 مشاهدة 7 مشارك الأقدم أولاً
ن
ناصر 2004 @user_118179 · 31-07-2010
الســلام عليكم ورحمة الله وبركاته

احبائي سمعت ان فيه تظليلة على شكل ستارة تركبها وتشيلها بأي وقــت ، وتنفصل على مقاس الزجاج ، ويقولون تبين من برى كاتم

ماهي مميزاتها ؟ وعيوبها ؟
واسعارها ؟


وماهي المحلات اللي تبيعها بالريــاض أو بالخــبـــر ؟




ارجوا الإفادة ولكُم جزيل الشـكر . .
o
ohho @user_229201 · 03-08-2010
الستائر هاذي تنفع لما تكون السيارة واقفة ... لكن وانت ماشي بالسيارة الافضل تشيلها

يعني فقط حماية الداخلية للسيارة من الشمس والسيارة واقفة

وانا بالسبة لي اشيلها كلها لما ابغا امشي بالسيارة الا القزازين الجانبيين الخلفيين مالها داعي اشيلها .

وانا اشتريتها بـ 170او 160 مو متأكد .. ومن وجهة نظري اشوفها ممتازة للي ماعندة كراج او مظلة يوقف السيارة فيها ومايبغا يظلل كاتم
ن
ناصر 2004 @user_118179 صاحب الموضوع · 02-08-2010
^
^
والله مشكلة إذا ماتشوف فيها زيــن !
طيب فيه انواع كثيرة منها ؟ ولا كلها نوع واحد ؟

مثلا لو ابي خفيــف ، هل ممكن تكون الرؤية واضحة من الداخل وبنفس الوقت يحجب اشعة الشمس بشكل جيد


مشكور وماقصرت
a
abade12 @user_43165 · 02-08-2010
عندي نفس الستائر التي ذكرتها ( الدرجة المتوسطة )
مميزاتها سهله التركيب والفك
عمليه تحجب الشمس بنسبة 90%

عيوبها
بالنسبة للقزاز الخلفي الكبير ( ماتقدر تشوف ابداً سواء في النهار أو في الليل ) كل اللي تشوفه انوار السيارات البعيدة وماتقدر تحدد بعدها بالضبط
بالنسبة لقزاز الراكب الخلفي درجة الوضوح جيدة نوعاً ما
بالنسبة لقزار السائق والمعاون درجة الوضوح جيدة لكن لا تستطيع استخدام المرايات الجانبية اطلاقاً

لو أردت شرائها فاطلب للقزاز الخلفي الكبير والقزار الخلفي للركاب فقط ( قزاز السائق والمعاون ماتستفيد منه )

اشتريتها بـ 180 ريال تقريباً واصلة لمدينتي
الكلام هذا من خمسة اشهر ممكن الآن رخصت اسعارها

بالتوفيق
ن
ناصر 2004 @user_118179 صاحب الموضوع · 01-08-2010
^
^
يعطيك العافية بمرهم الاسبوع الجاي واشوف اسعارهم
l
lulu_alaswad @user_232610 · 01-08-2010
هلا أخوي لو بغيت هالستاره التظليله اللي بالقماش بتحصلها عند محلات الزينه في الدمام في شارع ملك سعود عند محل اسمه الزعيم وسعره يبدأ من 150 ريال الى 200 ريال حسب نوع السياره ... وبالتوفيق
ن
ناصر 2004 @user_118179 صاحب الموضوع · 31-07-2010
الله يعطيكم العافية ماقصرتوا
بدور المحلات اللي تبيعهاا
م
موووت احبك @user_101702 · 31-07-2010
عرفت قصدك اخوي القماش اللي يجي على حد الزجاج من الجوانب والخلفي خويي اخذها من الدمام للكامري 2005 ب 100 وفية انواع على نوع سيارتك فورد ولا ياباني وبجدة يقولون فية بحدود 200 بس مدري وين بصراحة
t
turki9 @user_227541 · 31-07-2010
شوف الرابط
http://www.assayyarat.com/forums/thread211195.html
ن
ناصر 2004 @user_118179 صاحب الموضوع · 31-07-2010
^
^

يعطيــك العافيــة اخوي ماقصرت ، معليش يمكن فهمتني غلط لأني ماوضحت بالموضوع
اللي اقصده التظليلة اللي على شكل قماش
اللي تقول عنها انت جربتها وماتنفع ولو بريال ، بسرعة خربت وتقطعت وماتلصق زين على الزجاج

اللي اقصده القماش اللي من برى يبين كأنه كاتم ويفصلونه على مقاس الزجاج
لكن ما ادري عن مميزاته وعيوبه ؟ وهل من الداخل تشوف زين ؟
واماكن المحلات اللي تبيعه بالرياض او الخبر


ياليت تفيدوني عنه
ا
الهكرجي @user_77861 · 31-07-2010
هذي تضليل عادي ملفوف ولا يلصق على الزجاج يثبت من جهة واحدة ويسحب مثل الستارة ثم يتبت في الجهة الثانية من الزجاج

بصراحة غير عملي بالمره كأنك تلف منشفة ثم تفردها على الزجاج وشكلها ما يسوى ريال (هذا من وجهة نظري)

وأسعارها مدري لأني ماعمري سألت عنها لكن هي تضليله زي ماهي من كرتونها

وكل محلات الزينه تبيعها

ميزتها تقدر تشيلها عند التفتيش لأنه لا تلصق بالزجاج

تحياتي
سجّل دخول للرد...