╣╬◄☺ رابطة عشاق وملاك جيب جراند شيروكي & كوماندر ☺►╬╠

ياهلا بك والله

الموتر مايحتاج (ماشاء الله تبارك الله) .. ممتاز .. بس عيبه الوحيد .. ((الوكيل)) عدم توفر القطع بشكل مستمر .. يعني مره من عشر مرات تلقى القطعه الي تبيها .. كل ماطلبت قطعه .. قالك تجي بعد يومين .. بس غصباً عني راضي فيه .. لأنه موتر لو ركبته ماتفكر تتخلى عنه !!

وبالنسبه للصرفية .. اذا سواقتك راكده .. راح يوفي معك البنزين .. لأن اربع بساتم تشتغل معك فالسرعات المنخفضة .. لكن بعد ال120 .. تشتغل البساتم كلها .. انا اتكلم عن الهيمي !!

تبيه فالبر .. .. خذ ولد ..
تبيه فالمدينه .. مايحتاج خذ قوة وممشى ونشاط ..

بس دور النظيف .. ولا تستعجل فالشراء .. !!

والله يسخرلك الي فيه الخير

حياك الله أخوي السيارة جيدة وصبورة وتتحمل بس يبغالها إعتناء شوي قطع الغيار مهي بعيدة عن السيارات الثانية بس العيب في الطلبية البنزين عبي أخضر ما يصرف كثير بالنسبة لي عندي هيمي أعبيه كل أربع أيام ب30 ريال وأنا مشاويري كثير اشتري وقلبك قدك يا عم وتوكل على الله إن شاء الله إني أفدتك

ا

يا أخوان إلي يعرف مكان للمقصات العلوية للكومندر 2006 الرخيصة رحت للوكالة قالوا المقص حول 1000ريال مو معقول جدا مع أن الجوزات الي رايحة بس الجوزة مع المقص كامل
هل ممكن توليف جوزات في المخرطة مثلا
أفيدوني أثابكم الله

ياهلا بك


فيه لهم فرع على طريق خريص وانت متجه شرق .. قبل بندة الظاهر .. على اليمين

انا وانا اخوك من سكان الدمام .. بس متأكد فيه فرع على طريق خريص (كبري الخليج)
واتصل عليهم افضل يدلونك !


الله يستر عليك

اخوي الله يعافيك وين موقع فرع الحاج علي هذا اتصلت عليهم الي في الرياض وقالي الزيت هذا ماهو موجود عندنا في جميع الفروع وانا في الرياض افزعوا لنا يا اخوان وين نحصل الزيت الي رمزة
SAE 5W-40 او 5W-30

هلا ومرحبا .. اعذرني على التدخل

ولكن حبيت افيدك ..

الخطوات الي تسويها
-فك الكشافات.
- تسكير الفتحات بلحام.
- صنفره مكان اللحام.
- الصبغ (رش البوية)
طبعاً كل ماذكرن راح يكون بورشة ..

لكن لو تبي نصيحتي !!
فك الكشافات .. وسكر (سد) الفتحات بسيلكون.
وريح راسك .. حرام ترش وتلحم والتنده سليمة عندك !!


ولك حرية الاختيار ..

السلام عليكم سيارتي كوماندر هيمي 2006 وكل شي تمام الحمدلله بس يابو وسن الله يغفرلك ولجميع الخوة في الموقع وللمسلمين سيارتي اذا اسرعت الفتحة ترج وصوت الهوا مزعج السيارة مركب عليها لمبات فوق قدام الفتحة سود كبيرة واضن الصوت منها بسبب ارتداد الهوا ولا منها فايدة والمشكلة انها مثبته بالبدي كيف الطريقة ابي اشيلها لأني اعتقد ان الصوت منها ( طله سهيل )

هههههههههههههه
عاد اتصدق انا قعدت اطالع بصورة اقول المكان مؤلوف وين قلت يمكن طريق شرما المهم كملت وشفت ردك المهم وين ساكن عشان ارجك :ch19:

الشكر لله وانا اخوك ..

الصوت الي انت تقصده .. هذا عندي .. وجربت حركه المفتاح .. طلع عندي الكود P0585 ودخلت النت .. وطلع معناه حساس تبديل السرعات .. وهصوت هذا مايطلع الا اذا كنت مهدي .. يعني ماني مسرع .. وبنفس الوقت .. السيارة ترد نمره لا وصلت لسرعه 80 .. وترجع تعشق الخامس اذا عديت 110 ..


والي خلاني اتأكد اني جربت فصلت البطارية تقريباً نص ساعه ورجعت شبكتها .. والتكتكه راحت .. وصارت السياة طبيعية !

فهذا يدل ان الحساس الخاص بتبديل السرعات عطلان ..

جرب انت حركه المفتاح وشف وش يطلع معك


والله يكون بالعون
:)

صحيح أخي العزيز فيه صوت بس خفيف جدا حتى إنك تحس فيه ويمكن ما تسمعه

حياك الله ..

بالنسبة للصوت الي بالقزوز .. هذا احتمال يكون عندك شعر .. يعني (القزوز منشعر) او (تهريب) او (مشقوق) اهم شي تفهم الي ابي اوصله .. جبت لها لك بأكثر من كلمه ..
والشي الثاني اذا كان القزوز منشعر العزم يصير ضعيف ! .. وفوق هذا تلاحظ فيه صوت تك تك تك وانت ماشي وتزيد التكه (تك) اذا دعست ..
بالنسبه للصرفية .. خف رجلك على البنزين .. وتلاحظ ان الصرفية راح تفرق معك بشكل كبير !!

وبالنسبه للمجاكر والمقاوم .. الأكستيرا حلو منك انك تعديته .. تدري ليه ؟؟
مكينته 4.0 حجمها !! ووزنه قل من وزنك بوااااااجد

انت وزن الجيب عندك2145 يعني طنين وكسور !!
صحيح ان مكينتك 5.7 .. بس القضية نسبه وتناسب !!

النيسان معروف بخفته !

والله يستر عليك ويجيرك من الحوادث انت وكل مسلم

أشكرك أخوي ع مرورك وذوقك الرفيع لكن الي سمعته ان الهمي الشروكي كله كذا يتكتك في بعض الاحيان وحتى صوت القرقعه بلمطبات الصغيره وش رايكم هل هذا صحيح يااخوان:confused1:

حياك الله ..

بالنسبة للصوت الي بالقزوز .. هذا احتمال يكون عندك شعر .. يعني (القزوز منشعر) او (تهريب) او (مشقوق) اهم شي تفهم الي ابي اوصله .. جبت لها لك بأكثر من كلمه ..
والشي الثاني اذا كان القزوز منشعر العزم يصير ضعيف ! .. وفوق هذا تلاحظ فيه صوت تك تك تك وانت ماشي وتزيد التكه (تك) اذا دعست ..
بالنسبه للصرفية .. خف رجلك على البنزين .. وتلاحظ ان الصرفية راح تفرق معك بشكل كبير !!

وبالنسبه للمجاكر والمقاوم .. الأكستيرا حلو منك انك تعديته .. تدري ليه ؟؟
مكينته 4.0 حجمها !! ووزنه قل من وزنك بوااااااجد

انت وزن الجيب عندك2145 يعني طنين وكسور !!
صحيح ان مكينتك 5.7 .. بس القضية نسبه وتناسب !!

النيسان معروف بخفته !

والله يستر عليك ويجيرك من الحوادث انت وكل مسلم

:)