الجمعة 17 أبريل 2026
عاجل

يا جماعة من عندة الخبر اليقين (باترول 2010)

نادي سيارات ال SUV و العائلية والنقل
17 رد 5,402 مشاهدة 12 مشارك الأقدم أولاً
ب
بطـل الدروب @user_230019 · 07-08-2010
بسم الله الرحمن الرحيم

الحمد لله رب العالمين والصلاة والسلام على سيد الأنبياء والمرسلين ... أما بعد

السلام عليكم ورحمة الله وبركاته

يا إخوان أنا صار لي حوالي شهر ونصف أو شهرين وأنا أبحث عن [COLOR=red]باترول 2010 SE3 لون ذهبي وما حصلت.[/COLOR]
طبعاً البحث شمل وكالة الحمراني بجميع فروعها داخل المملكة ومعهم في وعود ولم يتحقق منها شيء بعد وأنا في هذه الحالة أعذرهم لأن لو عندهم كان باعوه لي على طول بس ما أدري ليش مو موفرينه طول هذي الفترة ؟
وكذلك بحثت في معارض النسيم بالرياض وما حصلت إلا SE1 وهذا انا ما أبيه . وسألت في أحد فروع الحمراني في الرياض عن موديلات 2011 فقالوا أنها تصل بعد ستة أشهر من الآن .

فكرماً وليس أمراً من إستطاع أن يتجمل معي ويدلني وين ممكن أحصل طلبي؟ أكون له من الشاكرين . [COLOR=red]علماً أنني سأشتري بالنقد إن شاء الله وكذلك لا أرغب في النوع الخليجي والسبب إرتفاع سعره دون مبرر جوهري مقنع .[/COLOR]

بلغنا الله وإياكم شهر رمضان ورزقنا صيامه وقيامه على الوجه الذي يرضيه عنا إنه ولي ذلك والقادر عليه .

وكل عام وأنتم بخير
ب
بطـل الدروب @user_230019 صاحب الموضوع · 27-09-2010
الأخ دهنوش
وعليكم السلام ورحمة الله وبركانه
السيارة متوفرة بكل فئاتها عند معرض الفلاح بالرياض وهو المعرض اللي شريت سيارتي منهم وبصراحة تعامل صاحب المعرض راقي جداً وفي الحقيقة هو معرفة لي وإذا أنت صامل كلمته لك يخفض لك باللي يقدر علية فقط راسلني ع الخاص بهذا الخصوص
وبالنسبة لأسعار فئة LE وهي 400 حصان أقل نوع 212000 وأعلى نوع 239000
وفيه نوع وسط اذا لم تخوني الذاكرة فهو 224000 .
هذا والله أعلم
د
دهنوش @user_4476 · 26-09-2010
الاخ بطل الدروب

السلام عليكم ورحمة الله وبركاته

مبروك السيارة والله يطيعك من خيرها ويكفيك شرها

ارجو المساعدة انا افكر بالباترول الجديد ارجو افاتنا الاسعار واماكن توفر السيارة

انا ارغب في 400 حصان فقط ولا اعلم فئاته واسعاره

شكرا لك اخي
ا
اكستيرا3000 @user_187818 · 17-09-2010
امين الله يعطيك خيره ويكفيك شره
ب
بطـل الدروب @user_230019 صاحب الموضوع · 17-09-2010
مشكورين إخواني على الردود الكريمة ولو إنها متأخرة شوي وخصوصاً الأخ المحروووم

لأني ولله الحمد إشتريت لكن مو اللون اللي أبيه أخذت لؤلؤي لأني تعبت من كثر البحث وبدون فائدة .

عسى الله يعطيني خيره ويكفيني شره قولوا آمين
س
سفير فوق العادة @user_185113 · 17-09-2010
ف
فراس جي تي
نصيحة أشتري من الإمارات أو قطر ..

وإن شاء الله تلقى كل الخير ..


لا انتبه

اول شي افحص كل مسمار فيه

لأن قطر والاماارات مواترها مفجرة بمعنى اخر

انهم فحطوا عليها وركبوا عليها اشياء تضر السيارة حتى لو 2010 اذا اللكزس يفحطون فيه ويلعبون بمكينته
ا
المحروووم @user_126078 · 17-09-2010
هلا بك أخوي ..
انا مدير مبيعات بشركة توكيل لسيارات الحمراني - نيسان و انفنتي

موجود جميع أنواع السيارات و الألوان
هاتف المعرض : 063627772

القصيم - عنيزة
w
walb @user_190220 · 15-08-2010
الله يوفقك بس اتوقع انه صعب تحصل لان السيارة جديدة وعليها طلب كمان فية موضوع الضمان حطة في بالك لا تنساة.
وانا لو مكانك احجز 2011 لانه راح ينزل قبل كذا بس هذي طريقة موظقيين الوكالات يخليك تشتري الموجود عندة.
وبالتوفييق
ب
بطـل الدروب @user_230019 صاحب الموضوع · 13-08-2010
K
KENT EX
ياأخوي أشره من أمريكا وماراح يكلفك فوق 270 الف ريال والأنفنتي كيو أكس 2011 سعره 270,800 ريال مع الشحن.

طبعاً مواصفات كامله و



أحسن الله اليك أخي

ليش أشترية من أمريكا ب 270 ألف وهو عندنا هنا ب 199 ألف وشكلك غلطان يا اخوي لأن الفرق بينه وبين الأنفينتي فقط 800 ريال حسب الأسعار اللي انت حاطها.
K
KENT EX @user_166549 · 12-08-2010
ياأخوي أشره من أمريكا وماراح يكلفك فوق 270 الف ريال والأنفنتي كيو أكس 2011 سعره 270,800 ريال مع الشحن.

طبعاً مواصفات كامله و
ب
بطـل الدروب @user_230019 صاحب الموضوع · 12-08-2010
الله يجزاك خير أخوي فراس

بس الفرق في سعر الخليجي عالي جداً وبدون سبب جوهري .
ف
فراس جي تي @user_79637 · 09-08-2010
نصيحة أشتري من الإمارات أو قطر ..

وإن شاء الله تلقى كل الخير ..
ب
بطـل الدروب @user_230019 صاحب الموضوع · 08-08-2010
أخوي mkm10

موديلات 2011 ما راح تنزل الا بعد ستة أشهر وهذي الفترة طويلة جداً وما أظن السيارة راح يتغير فيها شيء بإعتبار إنها جديدة في السوق .
ب
بطـل الدروب @user_230019 صاحب الموضوع · 08-08-2010
أخوي نيساني

سعر السيارة عند الوكيل الحمراني 199000 ريال

وفي المعارض أقل شوي من 1000 الى 3000 ريال على حسب المعرض .

أنا في الرياض ولكن الموقع ما يشكل عائق بالنسبة لي اذا راح أحصل طلبي
فيا ليت تفيدني بشيء أخوي ....
ف
فــيــصــل @user_79687 · 08-08-2010
ينقل إلى نادي سيارات الدفع الرباعي
m
mkm10 @user_23699 · 08-08-2010
و الله نصيحه أنتظر 2011 أفضل كثير

و انتبه تأخذ شئ منت مقتنع فيه

و ترى أغلب الشركات طرحت موديلات 2011

و أعتقد قريباً نيسان تطرح 2011

و شوف الشركة إذا عندهم نظام الحجز


أحجز سيارتك من بدري و ريح راسك
k
koko90 @user_202314 · 08-08-2010
اخوي والله كان ودي افيدك لكن لا اعلم
ن
نيساني @user_16820 · 08-08-2010
وعليكم السلام ورحمة الله

اخوي بكم سعر السياره عندكم وفي اي منطقة ساكن؟؟
احتاج هذي المعلومات وبعدها ممكن افيدك
سجّل دخول للرد...