ابي مساعدتكم في شراء CLS 350

جي 500 موتر زين بس قطع غيراه نار واذا بغيت تاخذه خذه ع الضمان احسن اذا كنت ع قد حالك وهو موتر حق عائله واسعاره بقطر تتراوح مابين 165 الف وفوق هاي بنسبه موديلات 2008 اما ام ال 350 اوكي وقطع غياره عادي واسعاره 2006 مابين 95 الف

قطري راقي عندي سؤال لك

هل عندك خلفيه عن مورسيديس جي 500 موديل 2009 -2011

وش رايك فيه من كل النواحي
قطع غيار
صيانه
عملي ام لا

ابيه لمده 7-8 سنوات

طبعا باخذ مستعمل

او اني اخذ جديد ام ال 350 2010-2011

رايك لا هنت وكيف اسعارها عندكم ونظافتها

؟؟

ع فكره ياراعي سي ال اس 500 صح كلامك انه بيطلع بهلسعر لانه ال500 وفوق قطع غياره غالي وخرابتهم واجد احسن نوع 350 ما اتعور راسك ابد وترى قوي بعد وقطع غياره رخيص فا اذا بغيت تاخذ خذ 350 احسن لك واذا ع AMG تعال عندي بركب لك كامل AMG بسعر رخيص حوالي 18 الف انت تبي موتر عمر مو موتر حق فتره وبيع موتر عمر 350 واتمنى فدتك وفدت باقي الاعضاء ترى انا ما سجلت بالمنتدى الا لانه الموضوع عندي خبره فيه وحاب افيدكم ولا انا مالي بالمنتديات وما احبها

توكلي ع اللله وخذي السياره بعد ما تتاكدين انها نظيفه واصلن باين عليها نظيفه دام ماشيه 20 الف واصلن عموم الالماني كل ما مشت السياره اكثر كل ما طاح سعرها اكثر عكس الياباني وانا عندي سي ال اس 350 الصراحه موتر ما عليه كلام روعه وموتر عمر وقطع غياره رخيص هو والمرسيدس نوع الاي قطع غيارهم رخيص بس تاكدي اذا الموتر جابينه هدروليك ولا عادي لانه العاادي احسن ولا اخترب رخيص يمكن 1000 ريال ام الهدروليك حوالي 5000 وبسرعه يخترب يعني لازم اتحافظين عليه صح وانتي يالبنات سواقتكم الله بالخير والسفايف سعرها 300 وشي والدرامويل 1000 وشي تبديل ايل وفلتر 200 وشي اذا الكمبريسل اخترب سعره 3500 امممم م اذا الستاره اختربت قيمت مكينه الستاره 400 طبعن سواقتها اشوي يابسه مو ناعمه لانها اسبورت ع رفاهيه يعني بتحسين ع الدواوير لفتها يابسه ع الخط نفس الشي ابريكه قوي من وره اشوي ضيق بس وراحت كراسي اللي وره مثل الاسبورت سياره سفر ماله حل لا تلعبين بالقير وايد لانه اشوي حساس الصرراحه اللي عندي موديل2005 من هلسنه وهو للحين عندي ماشي 91 الف ما اشتكي منه ولا عور راسي موتر عمر توكلي ع الله وخذيه وما باذنج ماي واذا اسعار قطع الغيار غاليه بالامارات تعالي قطر المرسيدس مايعور الراس ابد واي شي يصير بالموتر مثل تبين اتسوين له سيفرز او برمجه وديه عند اي محل لا اتودينه الوكاله لانه غالي واذا في شي كلميني واذا بسنع لج الموتر اذا حابه نتواصل بعطيج ايميلي
واتمنى اني فدتج

السلام عليكم
اولا هل انت ميسوره الحال والمال------------- نعم---------------توكل على الله
لا------------------- لا تجيب لنفسك مشاكل
معروف ال 350 عملي
اذا ما همك تغير الموديل "الشكل" ممكن تكون من صالحك في اسعار القطع ممكن تنزل شوي
لان المساعدات حقتها الواحد حول 5-6 الف اذا صار مشكله لا سمح الله
كفرات اكيد غالى لان الجنط يكون مقاسه كبير 18-19-20......
الاجهزه الكهربائيه او الالكترونيات لك عليها على حسب المشكلة
الاشياء الاستهلاكيه فحمات فلاتر اسعارها ممتازه حتى ارخص من اللكزس
واخيرا مهما كان السياره مع بنت يعني والله لو ايش \ ان شاء الله ما تجيك اي مشكله
وما يحتاج تغيرين الى الاشياء الاستهلاكيه بعد المحافظة على حلالك

واسألى عن افضل المراكز في الصيانه عندكم عشان ما تدفعين كثير للوكيل
والسعر اذا تنزلك فيه شوي 140- او اقل
فقط لارضاء الطرفين

تحياتي

اذا انتي مرتاحه ماديا اخذيه من غير تفكير
والسعر رخيص كثير
وترا سياره هذي روووووووووعه وهيبه بالطريق

عندي CLS 500 AMG موديل 2007 وارد اللمانيا جته ضربه جدا بسيطه رفرفر وسطب وصدام تسعير قطع الغيار بالوكاله ب 22 الف ريال بدون تركيب كنت باخذه من صاحبه لكن يوم سعرت قطع الغيار شلت الفكره من راسي تماما

أهلاً أختي ..

في الوقت الحالي : أشوف السعر مناسب ..

لكن :

إذا نزلت هذه :








راح ينزل سعرها , عالأقل : 15-20 ألف ريال ..

والله يوفقك ~

السعر بالنسبه للخليج يعتبر حلو بس بامريكا تاخذين الثانميه سلندر مو سته وموديل احدث بنفس السعر ,,,


الموتر حليو بس مشكلته صيانته متعبه شوي غير باقي المرسيدس غير كذا القساوه

بالمركب اتمنى انك تجربين الموتر كم يوم قبل الشراء حتى لو ايجار

أي أختي صيانة الالماني عامة غالي ومرسيدس سيارة خدومة ماتتعب

والله ماعندي فكره عن قطع غيار السياره هذي
يفيدوك الاخوان,,,
بس عندي سؤال الله لايهينك
هل اسعار سيارات مرسيدس في هل حدود؟؟؟,,,,,
مرسيدس CLS 350 مستعملة موديل 2007 لون فضي متاليك السيارة ماشية 20 الف كيلو وسعرها ب 155 الف درهم .

مشكورين اخواني عاشق السيارات و عاشق بنز ان شاء الله راح اشتريها قريب

بس مااحد جاوبني على الصيانة كيف؟؟غالية؟ مو بغالية؟ تتعبني السيارة؟

انا اللي سمعته انها غير عن AMG يعني سعر صيانتها معقول

نبي رأيكم

السعر مررره مناسب
حنا بدمام سعر مرسيدس C350 موديل 2006
ماشي 169
سعره 196 الف
غاااليه,,,,,,,,

مشكورين اخواني على الرد

ماشاء الله السيارة نظيفة هي حقت اخت ربيعتي

راح اوديها الوكالة وافحصها ان شاء الله

ابي رأي باقي الاعضاء وكيف صيانتها

155 الف!! السياره مشت بس 20 الف.. معناتها جديده مره!! اهم شئ ماصار لها حوادث!!
اتوقع لو تسوين لها فحص بالوكاله يكون احسن!!