أنا ما طلعت الا بسيارتين من المعارض
الأولى كيا ريو 2004م شريتها في سنتها على الزيرو
الثانية كراون فكتوريا 2003م أستعمال أمريكي شريتها في سنة 2009م
الصراحه الأحساس تكون مرتبك وتحس أنك ماتعرف تسوق وتمشي بشويش وأذكر يوم أشتري الفورد كان معي أخوي وكان يتعبث بالمكيف والمسجل وأنا أقوله لا تلمس أي شيء أجلس مكانك وأنت ساكت والا بنزلك
وكنت أعتني فيها عنايه كبيره خصوصا الكيا لو واحد يقرب لها كسرت راسه لدرجه حتى بصمات الاصابع الي على الباب والزجاج أمسحها وأنضفها أول بأول مو زي الحين غبارها عليها من 3 شهور ما غسلتها
أما الفورد فلأسف ماتهنيت فيها صكني واحد عين فيها وكتبت موضوع عنه بالمنتدى هذا والسياره ماكملت معي شهرين وبعدين بعتها
