اخواني الكرام اولا العين حق ارجو قول ما شاء الله ... ....
اوكي نأتي للموضوع و الحمد لله اشتريت قبل شهر بالضبط سيارة رينو سفران موديل 2009 من الوكالة .
و الحمد لله بعد قيادة دامة لمدة شهر كامل اقول لكم انها سيارة ممتازة بالنسبة للسعر اللي انا خذيتها .
اولا الاختيار
اول شيء كنت مختار اشتري كيا اوبتما 4 سلندر و بعد صلاة الاستخارة البنك ما وافق على التمويل و قلت لعده خير
و يوم قدمت على رينو بعد ما جربت السيارة و عجبني الصراحة الحمد لله البنك وافق بدون اي مشاكل .
الحمد لله على كل حال .
المهم
السيارة 6 سلندر بسعة 2.3 لتر .( تم اضافة تعديلات من المصنع على المحرك و على المكيف من قبل شركة نيسان على حسب كلام الوكيل ) لانه يقول قبل ما كان يبرد ابدو و كانت المكينه ترتفع درجة حرارتها ولكن بعد تعديلات اللي اجرتها نيسان الحمد لله تم تعديل حتى يتلاءم مع جو الخليج .
تسارع السيارة الى 100 في اقل من 9 ثوان .
و السرعة القصوى للحين ما جربت بسبب عدم توافر المكان حدي 160 لكن بسهوله يصل الى 160
تعتبر نص فل من ال6 سلندر.
كانت معروضه فالوكالة ب 59 الف درهم ( يعتبر رخيص جدا بالمقابل مع حجم السيارة و الفخامة اللي فيها )
و لكني في النهاية خلصتها ب 55 الف درهم طبعا من الواكله و يوم يتحول على البنك يرتفع سعره الى 66933 درهم بالضبط .( اقساط على 5 سنوات )
المهم
السيارة مشيت فيها للحين حول 2700 كيلو متر خلال شهر ( قولوا ما شاء الله )
السيارة قوية و ما عليها كلام و استهلاك البترول فيها ممتاز .
سعرة التانكي 70 لتر و اتفولها ب 110 دراهم اذا كان الليت امولع من فتره و اتمشيك بي 530 الى 570 كيلو متر .
سبب اختياري للسيارة
1- الفخامة اللي فيها
2- حجمها اللى تعتبر اكبر من الالتيما
3- 6 سلندر
4- مواصفاتها
5- انظمة السلامة اللي فيها
المهم ناتي الى الصور .
اولا صور السيارة من الخارج
يتبع ..
